An Crios Forbartha Geilleagraí Tuaithe (REDZ)

Sainmhínítear Criosanna Forbartha Geilleagraí Tuaithe (REDZ) mar chriosanna fochontae ina mbíonn formhór na ndaoine ag maireachtáil agus ag obair. Is limistéir geografach feidhmiúla iad REDZ a léiríonn an bealach ina bhfuil gníomhaíochtaí agus forbairt gheilleagrach áitiúil scaipthe ar fud réigiúin. Seoladh an scéim phíolótach le maoiniú a dhéanamh ar na limistéir seo i mí an Mheithimh 2015.

Faoi scéim phíolótach na bliana 2015, rinneadh €3.8 milliún a leithdháileadh ar 51 tionscadal ar fud na tíre. Rinneadh €2 milliún a leithdháileadh i dtús báire, bhí caighdeán na n-iarratas agus an leibhéal spéise sa scéim, áfach, chomh hard sin gur cuireadh maoiniú breise ar fáil.

Cuireadh €3,758,479 ar an iomlán ar fáil do 52 tionscadal a bhí briste síos mar a leanas:

• 3 príomhthionscadal suas go €250k – ceann i ngach réigiún
• 6 thionscadal ar mheánmhéid suas go €150k – ceann amháin i ngach aon réigiún agus 2 cheann eile ar fhiúntas
• 17 tionscadal bheaga suas go €50k – péire i ngach aon réigiún agus 6 cinn eile ar fhiúntas
• cuirfear suas go 50% den mhaoiniú a bhí á lorg ar fáil do na 25 tionscadal cáilithe atá fanta ar an mbonn seo a leanas:
• 8 bpríomhthionscadal ar an iomlán, 9 dtionscadal meánmhéide, 8 dtionscadal bheaga

Seoladh scéim REDZ arís sa bhliain 2016 agus ceadaíodh 47 tionscadal (€6.142m). Níor cuireadh an scéim ar siúl arís sa bhliain 2017 ná sa bhliain 2018, ach is féidir maoiniú ó bhlianta roimhe sin a tharraingt anuas.