Mo Leabharlann Oscailte - Fáilte curtha ag na hAirí Calleary agus Buttimer atá bainte amach mar 50 leabharlann ar fáil taobh amuigh de ghnáthuaireanta

• An tseirbhís Mo Leabharlann Oscailte seolta i dtrí cinn de bhrainsí nua ag an Aire Jerry Buttimer
• Méadóidh tabhairt isteach na seirbhíse uaireanta oscailte gach ceann de na trí bhrainse 145%.
• Tá infheistíocht níos mó ná €6.1 milliún déanta ag an Rialtas i Mo Leabharlann Oscailte ón mbliain 2014.

D'fháiltigh an tAire Forbartha Tuaithe agus Pobail agus na Gaeltachta, Dara Callery, agus an tAire Stáit Jerry Buttimer inniu (Dé Luain an 26 Bealtaine) roimh an sprioc thábhachtach atá bainte amach agus an tionscnamh Mo Leabharlann Oscailte, seirbhís taobh amuigh de ghnáthuaireanta oibre, ar fáil anois i mbreis is 50 leabharlann ar fud na tíre.

Baineadh an méid sin amach le linn don Aire Buttimer Mo Leabharlann Oscailte a sheoladh go hoifigiúil i Leabharlann nuachóirithe Charraig Uí Leighin agus tá an tseirbhís ar fáil i Leabharlann Mhala agus i Leabharlann Chionn tSáile ón lá inniu ar aghaidh.

Cuireann Mo Leabharlann Oscailte uaireanta oscailte breise ar fáil, a sholáthraíonn rochtain chun na leabharlainne do bhaill ón 8am go 10pm, 365 lá in aghaidh na bliana. Déanann sé comhlánú ar uaireanta rialta foirne, ag tabhairt deis do bhaill an leabharlann a rochtain ag amanna a oireann dóibh féin, go háirithe iad siúd nach bhfuil ar a gcumas an leabharlann a rochtain le linn uaireanta rialta foirne. Méadóidh tabhairt isteach na seirbhíse uaireanta oscailte seachtainiúla gach ceann de na trí leabharlanna 145%, ón 40 uair an chloig atá ann cheana féin go 98 n-uair an chloig.

D'fháiltigh an tAire Calleary roimh leathnú na seirbhíse Mo Leabharlann Oscailte agus dúirt:

Tá cairpéid agus urláir nua ar fud Leabharlann athchóirithe Charraig Uí Leighin le limistéar leanaí ar a bhfuil dathanna geala, stoc leabhar méadaithe agus spás brabhsála. Tá áit suí bhreise agus boird chun dul i mbun staidéir, tabhairt faoi chian obair agus faoi cheardlanna ar fáil freisin. Tá scáileáin idirghníomhacha dhigiteacha ar fáil sna seomraí cruinnithe poiblí agus tá siad tógtha le héascú a dhéanamh ar chruinnithe grúpaí áitiúla, ar imeachtaí agus ar ghníomhaíochtaí. Is féidir an seomra seo a chur in áirithe le linn an lae agus sa tráthnóna le linn uaireanta Mo Leabharlann Oscailte.

Ag labhairt dó ag seoladh na seirbhíse Mo Leabharlann Oscailte i Leabharlann Charraig Uí Leighin, dúirt an tAire Buttimer:

Fuarthas tacaíocht ó mhaoiniú €361,602 faoi Chlár Caipitil na Leabharlann chun seirbhís Mo Leabharlann Oscailte a sholáthar i gCarraig Uí Leighin agus i Mala. Fuarthas tacaíocht ó mhaoiniú €2.17 milliún faoin gCiste um Athghiniúint agus Forbairt Tuaithe do leabharlann nua den chineál is nua-aimseartha Chionn tSáile agus cuireadh fáilte roimh bhreis is 100,000 cuairteoir le linn na chéad bhliana tar éis na hoscailte i mí na Samhna 2023.

Mo Leabharlann Oscailte

Cuireann Mo Leabharlann Oscailte uaireanta oscailte breise ar fáil, a sholáthraíonn rochtain chun na leabharlainne do bhaill ón 8am go 10pm, 365 lá in aghaidh na bliana. Déanann sé comhlánú ar uaireanta rialta foirne agus cinntíonn seachadadh seirbhíse, tacaíocht do chustaiméirí, rannpháirtíocht leis an bpobal agus forbairt gníomhaíochtaí cláreagraithe is fearr is féidir. Cuireann na huaireanta a bhfuil foireann ag obair chomh maith le huaireanta breise Mo Leabharlann Oscailte an deis ar fáil do bhaill an leabharlann a rochtain ag amanna a oireann dóibh, go háirithe iad siúd nach bhfuil ar a gcumas teacht chomh fada leis an leabharlann le linn uaireanta rialta foirne. Áirítear ar na gníomhaíochtaí féinseirbhíse atá ar fáil do chomhaltaí le linn uaireanta Mo Leabharlann Oscailte, ach níl siad teoranta dóibh:

• eisiúint agus tabhairt ar ais stoic
• úsáid idirlín ar PC agus Wi-Fi lena úsáid ar ghaireas an duine féin
• saoráidí priontála, fótachóipeála agus scanta
• spásanna staidéir agus léitheoireachta
• spás cruinnithe, agus
• rochtain ar áiseanna leithris

Tugadh isteach tionscnamh Mo Leabharlann Oscailte ar bhonn píolótach i leabharlanna i mBeannchar, sa Tulach Mhór agus i dTobar an Choire sa bhliain 2014 agus tá fáil ar Mo Leabharlann Oscailte faoi láthair i 54 brainse leabharlainne (Féach Aguisín 1).

Forléargas ar bhrainsí leabharlainne

Leabharlann Charraig Uí Leighin

Osclaíodh Leabharlann Charraig Uí Leighin go hoifigiúil sa bhliain 2002, foirgneamh le hachar de 372m2.

Bhí athchóiriú an fhoirgnimh laistigh mar thoradh ar an tionscadal athchóirithe, lena n-áirítear:

• limistéar leanaí ar a bhfuil dathanna geala agus atá fáilteach, stoc leabhar agus spás brabhsála atá méadaithe, boird do leanaí le haghaidh obair bhaile, ceardaíochta agus cluichí.
• Tabhairt isteach limistéar nua d'aosaigh óga le háit suí le bheith ar do shuaimhneas agus bailiúcháin éagsúla leabhar.
• Áit suí bhreise agus boird chun tabhairt faoi staidéar, cianobair, ceardlanna, srl.
• Tógadh seomra cruinnithe pobail ilfheidhmeach le scáileáin idirghníomhacha dhigiteacha chun cruinnithe grúpaí, imeachtaí agus gníomhaíochtaí áitiúla a éascú. Is féidir an seomra seo a chur in áirithe le linn an lae agus sa tráthnóna le linn uaireanta Mo Leabharlann Oscailte.
• Wi-Fi uasghrádaithe le rochtain saor ina aisce ar idirlíon ardluais
• Tá cairpéid agus urláir nua ar fud an fhoirgnimh, chomh maith leis na ballaí go léir laistigh agus lasmuigh a bheith péinteáilte as an nua le dathanna atá i gcodarsnacht le chéile agus grafaicí formáidithe móra maidir le húdar spéise na staire go háitiúil.
• cuimsiú raca rothair chun taisteal inbhuanaithe a spreagadh

Leabharlann agus Spás Cultúir Chionn tSáile

Osclaíodh Leabharlann Chionn tSáile i mí na Samhna 2023 agus cuireadh fáilte roimh bhreis is 100,000 cuairteoir le linn na chéad bhliana. Foirgneamh trí stór an tSeanmhuilinn a bhí san fhoirgneamh roimhe seo, a chuaigh siar go dtí na 1800í, ach rinneadh athchóiriú as an nua air ó fhothrach a bhí cumhdaithe le cláir adhmaid go leabharlann agus spás cultúir den chineál is nua-aimseartha. Fuarthas maoiniú €2.17 milliún don tionscadal athchóirithe faoin gCiste um Athghiniúint agus Forbairt Tuaithe le hinfheistíocht bhreise €2.6 milliún ó Chomhairle Contae Chorcaí. Rinne Rannóg Ailtireachta Chomhairle Contae Chorcaí Leabharlann Chionn tSáile a dhearadh go hinmheánach agus bhain gearrliosta Ghradaim Ailtireachta an RIAI amach agus ainmníodh an leabharlann mar an foirgneamh nó an spás poiblí is fearr le muintir na hÉireann don bhliain 2024.

Leabharlann Mhala

Cuimsíonn Leabharlann Mhala dhá urlár le spásanna staidéir agus brabhsála ar leith.

Is spás tiomanta taispeántais, seomra cruinnithe agus spás céadfach atá ann freisin. Ní fhéadfadh an brainse a bheith suite in áit níos fearr agus tá tacaíocht mhaith ag an leabharlann i measc an phobail go léir sa bhaile mór agus sa cheantar máguaird. Cuireann an brainse clár leathan imeachtaí ar fáil, ó ghrúpaí cniotála do dhaoine fásta agus d'ógánaigh, seisiúin biongó, grúpa leanaí agus lapadáin, club LEGO agus go leor eile. Is í an leabharlann croílár an bhaile a chuireann spás luachmhar pobail ar fáil agus tá an pobal áitiúil mórálach as seo.

Aguisín 1 - Na brainsí leabharlainne a chuireann seirbhís Mo Leabharlann Oscailte ar fáil