Imní a léiriú faoi charthanas

Tá clár poiblí de na heagraíochtaí carthanachta atá i bhfeidhm in Éirinn curtha ar bun agus á chothabháil ag an Rialálaí Carthanas. Cinntíonn an Rialálaí go bhfuil siad ag comhlíonadh na nAchtanna Carthanas.

Faoi Chuid 4 den Acht Carthanas 2009, féadfaidh an Rialálaí Carthanas imscrúdaitheoirí a cheapadh chun gnóthaí eagraíochta carthanachta ar bith a imscrúdú.

Is féidir ábhair imní a chur in iúl a bhaineann le:

• priacal caillteanais suntasaigh nó damáiste do charthanas, dá shócmhainní nó ná thairbhithe
• iontaobhaithe carthanas ag sárú a ndualgas
• mí-iompar tromchúiseach nó leanúnach ag na daoine a dhéanann bainistiú agus rialú ar charthanas
• carthanas nach gcomhlíonann an ceanglas dlíthiúil le bheith ina charthanas (áirítear sa cheanglas cuspóirí carthanachta a bheith aige agus leas poiblí a sholáthar)
• comhlacht a chuireann é féin in iúl mar charthanas in Éirinn nuair nach carthanas é

Má tá aon ábhar imní ort faoi charthanas atá lonnaithe i bPoblacht na hÉireann, cliceáil ar an nasc thíos.