Slándáil Eitlíochta

Le héifeacht ón 1 Eanáir 2013, sann an tAire freagracht as monatóireacht a dhéanamh ar chomhlíonadh rialacha náisiúnta agus AE maidir le slándáil eitlíochta d’Údarás Eitlíochta na hÉireann (ról a rinne an Roinn roimhe seo go dtí deireadh 2012). Coinníonn an Roinn freagracht iomlán as beartas slándála eitlíochta in Éirinn agus as a cuid oibleagáidí reatha um shlándáil eitlíochta faoi gach reachtaíocht náisiúnta agus idirnáisiúnta lena n-áirítear:

• An tAcht um Aer-Loingseoireacht agus Aer-Iompar
• Iarscríbhinn 17 ICAO
• feidhmeanna an Bhallstáit atá leagtha amach i ngach Rialachán ábhartha de chuid an AE, agus
• ECAC doiciméad 30

Cuireann an Roinn comhairle ar an Aire maidir le cúrsaí beartais slándála eitlíochta agus tá sí freagrach as beartas náisiúnta a fhorbairt agus a fhoirmiú i réimse na slándála eitlíochta.

A chuimsítear seo a leanas freisin ar fheidhmeanna agus ar fhreagrachtaí na Roinne:

• rannpháirtíocht agus ionadaíocht na hÉireann a threorú ag an leibhéal idirnáisiúnta ar gach ábhar a bhaineann le slándáil eitlíochta lena n-áirítear gach caibidlíocht maidir le forbairt agus leasú reachtaíochta an AE agus reachtaíocht idirnáisiúnta eile agus araile.
• an Clár Náisiúnta um Shlándáil Eitlíochta Sibhialta (NCCASP) a dhréachtú, a chur i bhfeidhm agus a chothabháil
• measúnú riosca náisiúnta na hÉireann ar shaincheisteanna slándála eitlíochta a fhorbairt agus a chothabháil
• bainistíocht agus oibriú an Choiste Náisiúnta um Shlándáil Eitlíochta Sibhialta
• an Plean Náisiúnta Fuadach