Anne Graham ceaptha ina Cathaoirleach ar an Údarás um Shábháilteacht ar Bhóithre

“Tá ríméad orm gur ghlac Anne leis an tairiscint abheith ina Cathaoirleach ar an Údarás um Shábháilteacht ar Bhóithre. Tá tuiscint fairsing ag Anne ar an earnáil sábháilteachta ar bhóithre agus tá cuntas teiste aici maidir le ceannaireacht láidir, agus tá dul chun cinn mór déanta aici maidir le hiompar poiblí agus taisteal gníomhach a sholáthar agus a thabhairt cothrom le dáta le linn a tréimhse san Údarás Náisiúnta Iompair. Agus muid ag tabhairt faoi phróiseas chun an tÚdarás um Shábháilteacht ar Bhóithre a athchóiriú sna blianta amach romhainn, táim cinnte de go mbeidh ceannaireacht Anne ina sócmhainn don ghníomhaireacht agus go gcuideoidh sí lena chinntiú go mbeidh saoránaigh uile na tíre níos sábháilte ar an mbóthar mar thoradh ar na struchtúir nua.

“Ba mhaith liom an deis seo a thapú freisin chun buíochas a ghabháil le Liz O’Donnell as an rannchuidiú suntasach a rinne sí mar Chathaoirleach le deich mbliana anuas.”

“Is mór an onóir dom a bheith ceaptha mar Chathaoirleach ar an Údarás um Shábháilteacht ar Bhóithre, atá ar cheann de na gníomhaireachtaí is tábhachtaí agus is aitheanta sa Stát. Le linn mo thréimhse mar Phríomhfheidhmeannach ar an Údarás Náisiúnta Iompair, rinneamar infheistíocht shuntasach in iompar poiblí, i dtaisteal gníomhach feabhsaithe, i gceansú tráchta agus sa réimse poiblí, rud a fhágann go bhfuil na bóithre agus an timpeallacht thógtha níos sábháilte d’úsáideoirí bóithre. D’oibrigh mé go dlúth freisin leis an gceannaireacht shinsearach laistigh den Údarás um Shábháilteacht ar Bhóithre tríd an mBord Comhpháirtíochta um Chlaochlú Sábháilteachta ar Bhóithre agus tríd an gCoiste Aireachta um Shábháilteacht ar Bhóithre san am a chuaigh thart, agus is eol dom go bhfuil an tiomantas céanna againn maidir le torthaí sábháilteachta ar bhóithre a fheabhsú agus Straitéis Sábháilteachta ar Bhóithre an Rialtais a sheachadadh.

“Is deis é an t-athchóiriú ar an Údarás um Shábháilteacht ar Bhóithre a fógraíodh i mí na Samhna seo caite chun a chinntiú go gcuirfear ár struchtúir sábháilteachta ar bhóithre ar bun mar is cuí chun Straitéis Sábháilteachta ar Bhóithre an Rialtais a chur i gcrích. Táim ag tnúth le cur agus le tacú leis an obair thábhachtach seo i mo ról mar Chathaoirleach.”