Comhairliúcháin poiblí ar Phlean Náisiúnta do Sholáthar Gaeilge san Fhoghlaim agus Cúram na Luath-Óige (ELC) agus sa Chúram Leanaí d’Aois Scoile (SAC).
-
Ó: An Roinn Leanaí, Comhionannais, Míchumais, Lánpháirtíochta agus Óige
- Foilsithe: 6 Meitheamh 2024
- An t-eolas is déanaí: 17 Meitheamh 2024
Réamhrá
Tá an Roinn Leanaí, Comhionannais, Míchumais, Lánpháirtíochta agus Óige (DCEDIY)ag dul i mbun comhairliúcháin poiblí ar Phlean Náisiúnta do Sholáthar Gaeilge san Fhoghlaim agus Cúram na Luath-Óige (ELC) agus sa Chúram Leanaí d’Aois Scoile (SAC).
Tá sé i gceist Plean Náisiúnta a fhorbairt a aithníonn an tábhacht a bhaineann le luathfhoghlaim agus le cúram ardchaighdeáin a thacaíonn le forbairt iomlánaíoch leanaí agus aithnítear freisin go bhfuil cáilíocht an tsoláthair Foghlaim agus Cúram na Luath-Óige ríthábhachtach chun na buntáistí a bhfuiltear ag súil leo a bhaint amach do leanaí. Áirítear anseo buntáistí a bhaineann le forbairt luath teanga.
Tá gealltanais maidir le forbairt breise ar thacaíochtaí do Sholáthar na Gaeilge in ELC agus SAC ar fáil in An Chéad 5: Straitéis Uile-Rialtais do Naíonáin, Leanaí Óga agus a dTeaghlaigh agus an Plean Gníomhaíochta 5 Bliana don Ghaeilge 2018 – 2022. I ngealltanais An Chéad 5 tá bearta á chur i bhfeidhm chun a chinntiú go bhfuil rochtain ag páistí sna Gaeltachtaí ar fhoráil ELC trí mheán na Gaeilge agus córas á fhorbairt chun tacaíochtaí Gaeilge a chur ar fáil mar chuid den soláthar ELC in áiteanna a bhfuil céatadán ard leanaí ag foghlaim trí mheán na Gaeilge. Tá gealltanais san áireamh sa Phlean Gníomhaíochta 5 Bliana don Ghaeilge chun plean cuimsitheach a fhorbairt don earnáil.
Na príomhthéamaí a ndíreofar orthu mar chuid den chomhairliúchán seo:
- Deiseanna a chruthú le go mbeidh rochtain níos fearr ar sholáthar luathfhoghlama agus cúraim trí mheán na Gaeilge
- Tacú le soláthar ELC trí mheán na Gaeilge agus é a neartú
- Ról na Gaeilge i suíomhanna luathfhoghlama agus cúraim leanaí trí mheán an Bhéarla
- Comhionannas agus Ionchuimsitheacht in ELC agus SAC
- Riachtanais an fhoghlaimeora dúchais agus an fhoghlaimeora Gaeilge mar dara/teanga bhreise in ELC agus SAC
Conas is féidir páirt a ghlacadh sa chomhairliúcháin?
Teastaíonn uainn do smaointí a chloisteáil agus iad a chuir san áireamh agus an plean cuimsitheach á fhorbairt.
Suirbhé ar líne – Líon isteach an suirbhé gairid ar líne, atá ar fáil as Gaeilge agus as Béarla. Is féidir teacht ar an suirbhé anseo
Grúpaí Fócais – beidh deis agat freastal ar cheann de na grúpaí fócais a bheidh ar siúl ar fud na tíre le linn tréimhse an chomhairliúcháin, ar líne nó i bpearsain. Beidh na sonraí ar fáil faoi na grúpaí fócais ar an leathanach seo.
Fócasghrúpaí:
| Dáta | Am | Áit | Grúpa duine | Meán | |
| 11/06 | 6i.n. | Baile an Fheirtéaraigh, Co. Chiarraí | Gach duine | Gaeilge | (le féidearthachtaí d’ionchur trí Bhéarla) |
| 12/06 | 6i.n. | Coláiste Mhuire gan Smál, Luimneach | Gach duine | Gaeilge | |
| 12/06 | 7i.n. | Coláiste Mhuire gan Smál, Luimneach | Gach duine | Béarla | |
| 18/06 | 6i.n. | Oifigí DCEDIY | Gach duine | Gaeilge | |
| 18/06 | 7i.n. | Oifigí DCEDIY | Gach duine | Béarla | |
| 25/06 | 6i.n. | Gaillimh | Gach duine | Béarla | |
| 25/06 | 7i.n. | Gaillimh | Gach duine | Gaeilge |
Fócasghrúpaí - Ar líne
| Dáta | Grúpa duine | Meán | |
| 13/06 | 6i.n. | Cleachtóirí agus daoine ghairmiúla | Gaeilge |
| 14/06 | 1i.n. | Gach duine | Gaeilge |
| 14/06 | 1i.n. | Gach duine | Béarla |
| 14/06 | 6i.n. | Cleachtóirí agus daoine ghairmiúla | Béarla |
| 17/06 | 6i.n. | Fócas ar leith ar shuíomhanna lán-Ghaeilge | Gaeilge |
| 17/06 | 6i.n. | Fócas ar leith ar shuíomhanna lán-Ghaeilge | Béarla |
| 20/06 | 1i.n. | Daoine gairmiúla | Gaeilge |
| 20/06 | 6i.n. | Fócas ar thuismitheoirí (trí Ghaeilge) | Gaeilge |
| 20/06 | 6i.n. | Fócas ar thuismitheoirí (as Béarla) | Béarla |
| 20/06 | 7i.n. | Mic léinn de Luath-Óige agus Cúram Leanaí | Béarla |
| 20/06 | 7i.n. | Mic léinn de Luath-Óige agus Cúram Leanaí | Gaeilge |
| 24/06 | 6i.n. | Geallsealbhóirí: Fócas ar leith ar shuíomhanna luath-óige agus chúram leanaí do pháistí ar aois scoile a ghníomhaíonn trí mheán an Bhéarla | Gaeilge |
| 24/06 | 6i.n. | Geallsealbhóirí: Fócas ar leith ar shuíomhanna luath-óige agus chúram leanaí do pháistí ar aois scoile a ghníomhaíonn trí mheán an Bhéarla | Béarla |
| 25/06 | 6i.n. | Fócas ar chúram leanaí do pháistí ar aois scoile | Gaeilge |
| 25/06 | 6i.n. | Fócas ar chúram leanaí do pháistí ar aois scoile | Béarla |
Má theastaíonn uait spéis a léiriú chun páirt a ghlacadh sa ghrúpaí fócais déan teagmháil :fiosru@mic.ul.ie
Rannpháirteachas scríofa – is féidir cóip chlóite den suirbhé nó aighneacht i scríbhinn a sheoladh chugainn ar r-phost chuig: qualitydevelopment@equality.gov.ie nó sa phost go:
Comhairliúcháin poiblí, Plean cuimsitheach do Sholáthar Gaeilge san Fhoghlaim agus Cúram na Luath-Óige (ELC) agus sa Chúram Leanaí d’Aois Scoile (SAC).
An Roinn Leanaí, Comhionannais, Míchumais, Lánpháirtíochta agus Óige
Aonad um Ardchaighdeán, ELC/ SAC
Bloc 1, Plaza Miesach,
50-58 Sráid Bhagóid Íochtarach,
Baile Átha Cliath,
D02 XWI4
Cad a dhéanfar le do chomhfhreagras?
Cabhróidh do mholtaí ar an gcomhairliúchán le forbairt a dhéanamh ar an bPlean Náisiúnta do Sholáthar Gaeilge san Fhoghlaim agus Cúram na Luath-Óige (ELC) agus sa Chúram Leanaí d’Aois Scoile (SAC).
Foilseofar tuairisc ar thorthaí an chomhairliúcháin
Ceisteanna:
Má tá ceist ar bith agat faoin gcomhairliúcháin seol r-phost chuig: qualitydevelopment@equality.gov.ie
Fógra Príobháideachais
Ná líon isteach eolas pearsanta, eolas faoi rún nó eolas íogair ó thaobh na tráchtála de san freagraí. Má líontar isteach sonraí pearsanta inaitheanta, scriosfar iad.
Tabhair faoi deara le do thoil, gur féidir gach aighne agus freagra a fhaightear a scaoileadh faoin Acht um Shaoráil Faisnéise 2014 agus faoi réir na reachtaíochta um Chosaint Sonraí chomh maith. gov-DCEDIY um Chosaint Sonraí.
Doiciméad breise
Chun cur i bhfeidhm Straitéis 20 Bliain an Rialtais don Ghaeilge 2010-2030 a chur chun cinn, gheall an Roinn seo go dtabharfaí faoi roinnt gníomhartha sa Phlean Gníomhaíochta 2018-2022 (Plean Gníomhaíochta don Ghaeilge 2018-2022). Tá siad seo le fáil faoi réimse ghnímh 3; Aistriú Teanga sa Teaghlach – Idirghabháil Luath. Mar chuid díobh seo, forbrófar plean cuimsitheach.
Straitéis 20 Bliain don Ghaeilge 2010-2030
Plean Gníomhaíochta 2018-2022/23 nasc chuig na haidhmeanna den Plean 5 Bliana anseo
Na Chéad 5: Straitéis Uile-Rialtais do Naíonáin, Leanaí Óga agus a dTeaghlaigh (2019-2028) Item was unpublished or removed
Osclaíonn an comhairliúcháin ar an 6 Meitheamh 2024
Dúnann an tréimhse comhairliúcháin a g 5i.n. 12 Iúil 2024