Ábhar Machnaimh

Is feachtas náisiúnta é feachtas Amach Os Ard a dhéanann ceiliúradh ar dhaoine óga LGBTI+ agus a thugann léargas ar a sofheictheacht, a luach agus a gcuimsiú.

Táimid ag lorg scéalta dearfacha ó gach earnáil den tsochaí. Glacfar le trí chineál aighneachtaí: físeán, íomhá agus téacs. Anseo thíos, tá liosta smaointe a chabhróidh leat d’aighneacht féin a fhorbairt. Ní liosta teoranta é seo, agus ná bíodh drogall ort smaoineamh de do chuid féin nach bhfuil liostaithe thíos a fhorbairt.

• Dialann phearsanta ó dhuine óg LGBTI+ ag labhairt faoina (h)éispéiris féin ar scoil, i gclub óige, nó le foireann spóirt etc.
• Físeán de ghrúpa daoine óga ag labhairt faoin mbealach ar chinntigh siad go raibh a ngrúpa LGBTI+ á chur san áireamh
• Duine óg ag cur oideachasóir faoi agallamh maidir le conas a dhéanann a scoil/coláiste ceiliúradh ar dhaoine óga LGBTI+
• Físeán ó chóitseálaí/teagascóir foireann/club spóirt ag labhairt faoi aird daoine óga LGBTI+ a tharraingt ar a fhoireann/club agus faoin gcaoi a bhfáiltítear rompu
• Físeán beoite cruthaithe le haghaidh féile LGBTI+ nó ceiliúradh Bhród na nAerach a tharraingíonn aird ar rannpháirtíocht daoine óga LGBTI+

• Grianghraf de ghrúpa daoine óga LGBTI+ i mbun ceiliúradh a dhéanamh ar Bhród na nAerach le bratacha, stiallbhratacha nó íomhánna eile a bhaineann le LGBTI+
• Grianghraf nó múrphictiúr cruthaithe chun fáilte a chur roimh dhaoine óga LGBTI+ chuig foireann scoile, coláiste nó spóirt
• Grianghraf/leagan scanta de shaothar ealaíne (líníocht/péintéireacht/póstaer digiteach etc.) cruthaithe chun ceiliúradh a dhéanamh ar dhaoine óga LGBTI+
• Grianghraf de rang/scoil/grúpa daoine óga bailithe le chéile chun ceiliúradh a dhéanamh ar Sheachtain Feasachta LGBTI+
• Grianghraf de gheansaí/póstaer/bratach cruthaithe ag grúpa spóirt/ealaíne chun na hiarrachtaí atá á ndéanamh acu daoine óga LGBTI+ a chur chun cinn

• Aiste scríofa ag duine óg LGBTI+ faoina (h)eispéireas féin
• Dán scríofa ag duine óg LGBTI+ ag míniú go cruthaitheach an tionchar dearfach a bhí ag a scoil/club óige/foireann spóirt air/uirthi
• Óráid tugtha ag ceannaire óige ag imeacht Bhród na nAerach LGBTI+ ag coláiste/scoil/grúpa óige chun ceiliúradh a dhéanamh ar ionchuimsitheacht daoine óga
• Liricí amhráin scríofa ag duine óg LGBTI+ do sheó tallainne scoile a insíonn a scéal agus chomh sofheicthe is a shíleann siad atá siad ina bpobal féin
• Píosa filíochta ó bhéal cruthaithe chun aird a tharraingt ar ionchuimsitheacht daoine óga LGBTI+ i mbaile/i bpobal

Seol d’aighneacht chugainn tríd an bhFoirm Google seo.