Bímis ag Spraoi Amuigh faoin Aer

Le linn dúinn ar fad a bheith ag spraoi sa bhaile, is féidir linn smaoineamh ar roinnt ama a chaitheamh ag spraoi mórthimpeall an tí, ní gá a bheith ag spraoi taobh istigh an t-am ar fad. D’fhéadfadh spraoi mórthimpeall an tí deiseanna nua a chruthú le haghaidh spraoi gníomhach, sa chlós, san fhaiche nó sa ghairdín cúil. Anois ó tharla an aimsir a bheith ag éirí níos teo, caith tamall ag spraoi taobh amuigh faoin aer seachas istigh sa teach!

Cluiche oiriúnach do dhuine amháin nó don teaghlach ar fad:

• Cruthaigh pluais - caith braillín mhór anuas ar an líne níocháin chun tearmann a chruthú duit féin
• Má tá dóthain spáis agat, cruthaigh cúrsa bacainní trí rudaí a úsáid ar féidir leat a bheith ag dreapadh orthu agus ag lámhacán tríothu
• Cruthaigh gairdín sióg de do chuid féin, scáthlíníochtaí agus óstán feithidí
• Caith tamall ag ciceáil liathróide i gcoinne an bhalla nó colbhaí
• Eagraigh picnic nó beárbaiciú le bia ceart nó lig ort féin go bhfuil bia ceart agat: caill píosaí, maidí, gairbhéal, duilleoga, uisce, seansáspain agus seanfhriochtáin
• Fág réimse ar leith sa ghairdín le haghaidh spraoi sa láib - lig do do leanbh a bheith ag tochailt agus an láib a mheascadh le huisce agus tamall a chaitheamh ag spraoi sa salachar!

Cluiche le himirt le 2 nó 3 leanbh atá ina gcónaí taobh leat, agus plean a dhéanamh chun:

• Tóraíocht taisce a eagrú! Úsáid péint nó cailc chun taisce a chruthú as clocha agus cuir na clocha seo i bhfolach in áiteanna éagsúla thart ar an mbaile agus tabhair deis do leanaí eile iad a aimsiú
• Smaoineamh ar chluichí ar féidir iad a imirt gan dul róghar do leanaí eile: gunnaí uisce, friosbaí, cluiche liathróide agus raicéid
• Cluichí cailce a imirt - cruthaigh ‘cúrsaí bacainní’ cailce ar chosáin ionas gur féidir le daoine eile iad a leanúint
• Tamall a chaitheamh ag spraoi X agus O ollmhór: úsáid cailc chun # mór a tharraingt ar an gcosán, agus tabhair seal do gach duine chun an O nó X a scríobh

Tá na cluichí seo a leanas le fáil sa leabhar 'Under the Moon, Over the Stars: Irish Urban Street Games' atá scríofa ag Díóg O'Connell. Tá eolas le fáil sa leabhar seo faoi na cluichí atá á n-imirt ag leanaí na hÉireann le blianta fada anuas. Is féidir an leabhar seo a cheannach ó shiopaí leabhar ar líne.

Más spéis leat tuilleadh eolais maidir le spraoi amuigh faoin aer, tabhair cuairt ar:

• Comhpháirtíocht Spóirt Chorcaí (Béarla)
• Rudaí mórthimpeall an tí ar féidir spraoi leo (Tacaíocht IPA do theaghlaigh agus do chúramóirí)
• PlayScotland: an Pacáiste Spraoinua in-íoslódáilte maidir le spraoi sa bhaile - taobh istigh agus taobh amuigh
• National Play Hub Scotland
• Play Wales: spraoi gníomhach taobh istigh agus mórthimpeall an tí

• Saol san aimsir Covid 19: treoir do thuismitheoirí na leanaí atá faoi mhíchumas (UNESCO)
• Treoirlínte do thacaíocht a thabhairt do súgradh leanaí atá faoi mhíchumas.