Ceapachán mar Chathaoirleach ar Chomhairle Chomhairleach Éire Óg

Tá an tAire Leanaí, Comhionannais, Míchumais, Lánpháirtíochta agus Óige ag lorg iarrthóir amháin atá cáilithe go cuí a cheapadh mar Chathaoirleach ar Chomhairle Chomhairleach Éire Óg.

Ní mór d’iarrthóirí fianaise a léiriú ar thaithí ag leibhéal sinsearach cuí sna nithe seo a leanas ina n-iarratas;

• Taithí i dtaca le cathaoirleacht a dhéanamh ar bhoird, grúpaí comhairleacha ilpháirtithe leasmhara beartais phoiblí, tascfhórsaí rialachais, nó a gcomhionann ag leibhéal sinsearach;

• Feasacht ar bheartas agus ar chláir leanaí agus daoine óga atá á dtairiscint in Éirinn faoi láthair agus ar chearta leanaí ar bhonn níos leithne;

• An cumas i dtaca le heolas, scileanna agus taithí ábhartha a thabhairt don Chomhairle agus a gcion a dhéanamh maidir le comhairle neamhspleách, atá d’ardchaighdeáin agus dea-bhreithnithe a sholáthar don Aire Leanaí, Comhionannais, Míchumais, Lánpháirtíochta agus Óige, RLCMLÓ, agus an Fóram Beartais um Leanaí agus Daoine Óga;

• Taithí ceannaireachta le raon éagsúil páirtithe leasmhara, lena n-áirítear daoine óga;

• An cumas i dtaca le hionadaíocht agus cur i láthair a dhéanamh ar son Chomhairle Chomhairleach Éire Óg i bhfóraim phoiblí agus ag imeachtaí poiblí;

• Cur amach ar an gCód Cleachtais chun Comhlachtaí Stáit a Rialú, a sholáthraíonn creat chun dea-chleachtas a chur i bhfeidhm, agus é tugtha faoi deara aige/aici nach Bord Stáit í an Chomhairle Chomhairleach; agus

• An cumas oibriú laistigh de shrianta ama na Comhairle agus béim leordhóthanach á coinneáil ar thosaíochtaí ag an am céanna.

Chun cáiliú le haghaidh ceapacháin, ní mór nach bhfuil aon bhac dlíthiúil nó coinbhleachtaí leasa ag duine ar féidir cur isteach ar a cumas chun ról mar bhall den Chomhairle Chomhairleach a ghlacadh. Déan machnamh cúramach, le do thoil, faoi aon choinbhleacht leasa a d’fhéadfaí a bheith ann agus déan tagairt di i do litir chlúdaigh. Féadfaidh an Painéal Measúnaithe cinneadh a dhéanamh, bunaithe ar an leibhéal coinbhleachta a bhraitear, gan d’ainm a chur ar aghaidh le haghaidh breithnithe. Chomh maith leis sin, bíodh cur síos agat ar an gcaoi a n-oibreofá laistigh de na srianta ama a sonraítear thuas i do litir chlúdaigh, le do thoil.

Tar éis breithnithe a dhéanamh ar na critéir oiriúnachta don cheapachán, déan do mhachnamh, le do thoil, ar an gcaoi a n-oireann do chúlra agus do thaithí do ról an Chathaoirligh. Cuirtear fáilte rompu siúd a bhfuil suim acu sa ról iarratas a chur isteach ina mbeidh CV agus litir chlúdaigh (nach mó ná dhá leathanach) ina gcuirtear síos ar a oiriúnacht i dtaca leis an ról a chomhlíonadh go rathúil mar a mhínítear thuas, agus ina gcuirtear béim ar leith ar a scileanna agus ar a cáilíochtaí pearsanta atá leagtha amach faoin gceannteideal critéar riachtanach.

Chun do léiriú spéise don phost mar Chathaoirleach na Comhairle Comhairlí a chur isteach, seol do Curriculum Vitae (CV) agus litir chlúdaigh tacaíochta (nach mó ná 2 leathanach) chuig YoungIreland@equality.gov.ie, agus Cathaoirleach na Comhairle Comhairlí marcáilte go soiléir i líne ábhair an ríomhphoist.

Cinntigh le do thoil go dtugtar breac-chuntas soiléir i do litir chlúdaigh agus CV a thacaíonn léi ar an gcaoi a gcomhlíonann do chúlra agus do thaithíriachtanais an phoist. Cabhróidh sé seo lena chinntiú go mbeidh an Painéal Measúnaithe chomh heolach agus is féidir faoi d’oiriúnacht don phost. Ná cuir isteach ach faisnéis a bhaineann go díreach leis an ról seo, le do thoil.

Dáta deiridh:

24 Aibreán 2025