Réidh le haghaidh Réamhscoile

Is féidir le gach leanbh tabhairt faoi dhá bhliain réamhscoile faoin gClár um Chúram agus Oideachas na Luath-Óige (ECCE). Is féidir le leanaí an Clár seo a thosú nuair atá siad 2 bhliain agus 8 mí d’aois faoin dáta tosaigh i mbliain áirithe Cláir agus leanúint ar aghaidh sa Chlár go dtí go n-aistreoidh siad go bunscoil (ar choinníoll nach bhfuil siad níos sine ná 5 bliana agus 6 mhí d’aois ag deireadh bhliain an Chláir) - féach na rialacha.

Íocann an Stát méid socraithe in aghaidh an linbh leis na seirbhísí rannpháirteacha fhoghlaim agus agus cúram na luath-óige chun an Clár ECCE a thairiscint. Mar chúiteamh, soláthraíonn seirbhísí rannpháirteacha seirbhís réamhscoile atá saor in aisce do gach leanbh laistigh den raon aoise cáilitheach. Tá an tseirbhís ar feadh líon socraithe uaireanta thar thréimhse áirithe seachtainí (féach ‘Conas a chuirtear an Clár ECCE ar fáil’ thíos).

Is féidir le leanaí atá ag freastal ar sheirbhís um fhoghlaim agus cúram na luath-óige aistriú isteach sa seomra réamhscoile nuair a shroicheann siad an aois cháilitheach. Beidh leanaí eile ag fágáil cúram a dtuismitheoirí nó a bhfeighlí leanaí den chéad uair. Beidh éigeandáil COVID-19 tar éis cur isteach ar a gcéad bhliain ag roinnt leanaí agus beidh siad ag filleadh i mí Mheán Fómhair don dara bliain den réamhscoil.

Cuidíonn an réamhscoil le leanaí:

• trí thacú le leanaí agus iad ag forbairt na scileanna tábhachtacha a theastaíonn uathu le bheith ina bhfoghlaimeoirí neamhspleácha;
• a gcuid scileanna teanga, cumarsáide agus sóisialta a fheabhsú trí shúgradh agus idirghníomhú le leanaí eile agus le daoine fásta;
• cairde nua a dhéanamh agus caidrimh nua a fhorbairt le daoine fásta;
• scileanna folláine a fhorbairt - mar shampla, foghlaimíonn leanaí cothromaíocht a fháil ar threalamh súgartha agus cleachtann siad scileanna mínluaileacha mar líníocht le peann luaidhe agus gearradh le siosúr, ithe le daoine eile agus scileanna féinchúraim;
• scileanna iniúchta agus smaointeoireachta, fadhbréitigh agus smaointeoireachta cruthaithí a fhorbairt;
• féiniúlacht agus muintearas, freagracht, neamhspleáchas, muinín agus féinfhiúntas a fhorbairt trí rudaí a dhéanamh mar aire a thabhairt dá gcuid giuirléidí féin agus am a chaitheamh as baile;
• ullmhú don aistriú go scoil.

Cuireann Clár ECCE eispéiris foghlama laistigh agus lasmuigh ar fáil, chomh maith le deiseanna le haghaidh súgartha aonair agus súgradh grúpa.

Is minic a chuimsíonn eispéiris foghlama faoi dhíon:

• Péinteáil, líníocht agus scríbhneoireacht
• súgradh le taos súgartha agus gníomhaíochtaí céadfacha
• puzail agus cluichí
• tógáil - mar shampla, le bloic nó ‘Lego’
• leabhair
• coirnéil bhaile le cistineacha súgartha agus gléasadh suas

Is minic a chuimsíonn eispéiris foghlama lasmuigh:

• súgradh sa timpeallacht nádúrtha
• tógáil le daoine eile
• súgradh le gaineamh agus le huisce
• súgradh bréige
• dreapadh, rith agus léim

Is minic a chuimsíonn eispéiris foghlama grúpa:

• scéalta
• amhráin
• am ciorcail
• ceol agus gluaiseacht

An samhradh seo roimh Mheán Fómhair is féidir leat tacú le haistriú do pháiste go réamhscoil trína chinntiú go bhféadann siad:

• A lámha a ní (tá an ceann seo riachtanach)
• A gcóta a chur orthu agus baint díobh (scil áisiúil freisin le haghaidh gléasadh suas)
• An seomra folctha a úsáid (tá a fhios ag baill foirne réamhscoile go dtarlaíonn timpistí)
• A gcuid bróg a chur orthu (smaoinigh ar bhróga a fháil dóibh ar féidir leo a bhainistiú go héasca)
• A mbosca lóin nó a mála lóin a oscailt (ní bheidh ach bia sláintiúil sna lóin sa réamhscoil)

Obair ar thógáil agus ar roinnt seal (obair idir lámha a bheidh anseo).

Toisc gur chaith leanaí an oiread sin ama sa bhaile, beidh sé níos deacra ná mar is gnách do leanaí áirithe scaradh óna dtuismitheoirí nuair a thosóidh an Clár ECCE níos déanaí i mbliana. Bí cinnte go bhfuil sé seo go hiomlán normálta agus go mbeidh tús mall agus de réir a chéile riachtanach do roinnt leanaí. Ullmhófar an fhoireann réamhscoile chuige seo agus tabharfaidh siad comhairle agus tacaíocht. Cabhróidh go leor súgartha gan bhriseadh i rith an tsamhraidh go mór.

Tá an chomhairle sláinte poiblí is déanaí ó HSE ar fáil anseo.(Is oth linn nach bhfuil leagan Gaeilge den acmhainn seo ar fáil.)