Sheol an tAire O’Gorman Tionscnamh Dheontais na nGrúpaí Tuismitheoirí agus Tachrán 2024
-
Ó: An Roinn Leanaí, Comhionannais, Míchumais, Lánpháirtíochta agus Óige
- Foilsithe: 21 Márta 2024
- An t-eolas is déanaí: 11 Iúil 2024
Sheol an tAire páistí, Comhionannais, Míchumais, Imeasctha agus Óige, Roderic O’Gorman, Tionscnamh Deontas an Ghrúpa Tuismitheoirí agus Tachrán 2024 inniu mar chuid de Chéad 5 Straitéis an Rialtais. Tá maoiniú de €250,000 faighte ag an Aire, a leithdháilfear ar Ghrúpaí Tuismitheoirí agus Tachrán ar fud na tíre trí Choistí Cúraim páistí Cathracha/Contae (CCCanna). Ón lá inniu, tugtar cuireadh do Ghrúpaí Tuismitheoirí agus Tachrán iarratas a dhéanamh ar mhaoiniú faoin Tionscnamh seo trína CCC áitiúil.
I mbliana beidh an bhéim arís ar thacú le Grúpaí Tuismitheoirí agus Tachrán a chuireann fáilte roimh theaghlaigh Úcránacha agus roimh gach teaghlach a tháinig go hÉirinn le déanaí.
Agus tógáil á déanamh ar rathúlacht Dheontais na bliana seo caite, tairgfidh Tionscnamh Dheontais na nGrúpaí Tuismitheoirí agus Tachrán 2024 dhá shruth maoinithe:
1. Maoiniú €800 do Ghrúpaí reatha agus €1,000 chun Grúpaí nua a bhunú.
2. Maoiniú suas le €300 chun Grúpaí Bogshiúl le Bugaí a bhunú agus a fheidhmiú. Is siúlóidí sóisialta eagraithe iad na Grúpaí Bogshiúl le Bugaí seo do thuismitheoirí/chaomhnóirí agus do pháistí óga. Tá an sruth seo oscailte d’aon eagraíochtaí nó Grúpaí reatha nó nua ar mian leo sé shiúlóid eagraithe ar a laghad a thairiscint laistigh dá bpobal.
Tá coinníollacha i bhfeidhm agus tá na CCCanna ar fáil chun iad seo a phlé le Grúpaí nua agus le Grúpaí atá ann cheana féin. Is féidir sonraí teagmhála gach CCC a fháil ar myccc.ie.
Agus Tionscnamh Dheontais na nGrúpaí Tuismitheoirí agus Tachrán na bliana seo á fhógairt aige dúirt an tAire O’Gorman;
“Tuigtear sna Chéad 5, straitéis iomlán an rialtais do pháistí faoi 6 bliana d’aois gur tréimhse ríthábhachtach ar leith í luathbhlianta páistí ar chóir taitneamh a bhaint aisti.
“Cabhraíonn mo Roinn le teaghlaigh chun leanaí agus páistí óga a chothú, le cúnamh a chur ar fáil dá bhforbairt agus tugtar tacaíocht bhreise dóibh siúd a dteastaíonn sí uathu.
“Soláthraíonn Grúpaí Tuismitheoirí agus Tachrán áit iontach cruinnithe do thuismitheoirí agus chaomhnóirí a bhfuil páistí óga acu chun a scíth a ligean agus a gcomhrá a dhéanamh le chéile i dtimpeallacht thacúil mar ar féidir le páistí súgradh.
“Ba mhaith liom buíochas a ghabháil leis na Grúpaí go léir a chuireann fáilte roimh agus a dhéanann cairdeas le tuismitheoirí agus le páistí ina bpobail chomh maith leo siúd a tháinig go hÉirinn le déanaí. Tá lúcháir orm a bheith in ann tacú leis an obair seo.”
Comhroinn roinnt tuismitheoirí a dtaithí ar Ghrúpaí Tuismitheoirí agus Tachrán:
“A bhuí leis an gclub páistí seo, chuaigh m’iníon i dtaithí go tapa [ar an saol in Éirinn] agus réitigh sí leis na páistí, d’fhoghlaim sí an chaoi le bheith ag súgradh, le cairdeas a dhéanamh, le roinnt, agus le go leor rudaí eile a dhéanamh. Ós rud é nach bhfuil m’iníon ach 2.5 bliain d’aois, ní fhreastalaíonn sí ar naíonra lánaimseartha; Is maith linn, mar thuismitheoirí, an cineál seo de chlub páistí. Arís eile ba mhaith liom mo bhuíochas a ghabháil, tá sibh go hiontach!” - Tuismitheoirí ó Ghrúpa Tuismitheoirí agus Tachrán Lios Dúin Bhearna.
“Tá sé iontach an deis seo a bheith agat teagmháil a dhéanamh le teaghlaigh eile, comhrá a dhéanamh le tuismitheoirí eile agus cabhrú lenár bpáistí foghlaim an chaoi le bheith ag súgradh agus an chaoi le cumarsáid a dhéanamh lena chéile.” - Tuismitheoir ó Ghrúpa Tuismitheoirí agus Tachrán Leacht
CRÍOCH
Nóta d’Eagarthóirí:
Tá Maoiniú don Deontas um Grúpa Tuismitheoirí agus Tachrán ar fáil le haghaidh:
- Bréagáin, trealamh agus leabhair le haghaidh gníomhaíochtaí laistigh agus lasmuigh, agus sólaistí páistí.
- Stóráil do threalamh.
- Oiliúint do thuismitheoirí, e.g. garchabhair phéidiatraiceach, scileanna coiste, cúrsaí tuismitheoireachta, seisiúin a éascú.
- Bileoga Cur Chun Cinn le haon aistriúcháin riachtanacha san áireamh.
- Gníomhaíochtaí páistí, e.g. ealaíona agus ceardaíocht, ceol.
- Beidh maoiniú teoranta ar fáil i dtreo árachais nó cíosa, suas le huasmhéid 50% den mhaoiniú iomlán do sheirbhísí reatha.
- Beidh maoiniú teoranta ar fáil i dtreo árachais nó cíosa, suas le 70% ar a mhéid den mhaoiniú iomlán le haghaidh seirbhísí nua agus grúpaí bogshiúl le bugaí.
Is é €1,300 an t-uasmhaoiniú iomlán incheadaithe atá le deonú do Ghrúpaí Tuismitheoirí agus Tachrán nua agus reatha i 2024.