Treoirphlean Nua maidir le Creat Beartais do Leanaí agus do Dhaoine Óga

Tá creat beartais nua á fhorbairt ag an Roinn Leanaí, Comhionannais, Míchumais, Lánpháirtíochta agus Óige do leanaí agus do dhaoine óga (0-24). Clúdóidh an creat beartais seo an tréimhse 2023-2028, agus díreoidh sé ar an gcaoi a n-oibríonn an Rialtas chun cearta leanaí agus daoine óga in Éirinn a bhaint amach.

Leagtar amach sa treoirphlean seo an cur chuige a ghlacfaidh an Roinn leis an gcreat beartais iomlán, atá le foilsiú go luath an bhliain seo chugainn. Tá sé bunaithe ar go leor comhairliúchán a rinne an Rialtas le déanaí le leanaí agus le daoine óga, go háirithe na tuarascálacha What We Think a foilsíodh níos luaithe i mbliana, chomh maith le comhairliúchán poiblí oscailte ar an gcreat beartais.