Fógraíonn an tAire Joe O’Brien Maoiniú Eorpach chun tacú le Tionscadail Lánpháirtíochta Imirceach ar bhonn Náisiúnta
- Foilsithe: 23 Aibreán 2024
- An t-eolas is déanaí: 29 Lúnasa 2024
• Bronnadh deontais ar 17 tionscadal faoin gCiste um Thearmann, Imirce agus Lánpháirtíocht (CTIL) 2023
• Is í béim an CTIL tacú le Náisiúnaigh Tríú Tír
• Tacófar le tionscadail a bhfuil fad de 1 bhliain amháin ar a laghad agus 4 bliana ar a mhéad leo
• An 3ú fógra suntasach i dtaca le Maoiniú Tacaíochta Lánpháirtíochta le 3 seachtaine anuas
D’fhógair an tAire Stáit um Fhorbairt Pobail, Lánpháirtíocht agus Carthanais, Joe O’Brien, maoiniú de €10m inniu thar 17 tionscadal atá ag obair chun tacú le fáilte a chur roimh Náisiúnaigh Tríú Tír agus chun tacú lena lánpháirtiú Éirinn. Ba é t-íosmhéid an deontais ar fáil do thionscadail faoin CTIL €300,000.
Is tionscadal ilbhliantúil é an CTIL a bhfuil leithdháileadh iomlán €60.19 milliún aige, comhdhéanta de mhaoiniú ón Aontas Eorpach ar luach €49.77 milliún agus maoiniú comhpháirteach náisiúnta agus tairbhithe ar luach €10.42 milliún
Agus an 17 tionscadal ráthúil á bhfógairt aige inniu, dúirt an tAire Joe O’Brien:
“Is sásra maoinithe suntasach de chuid an Aontais Eorpaigh é an CTIL a chuireann ar ár gcumas ar leibhéal náisiúnta tacaíocht airgeadais a thabhairt d’eagraíochtaí a bhfuil obair ríthábhachtach idir lámha acu chun tacú le fáiltiú agus lánpháirtiú daoine a thagann ó Thríú Tíortha go sonrach. Aithnítear leis seo na deacrachtaí breise a chuirtear roimh dhaoine leochaileacha ó Thríú Tíortha a bhfuil tearmann á lorg acu in Éirinn agus aithnítear freisin iarrachtaí breise na ngrúpaí siúd atá ag obair chun fáilte a chur roimh na daoine seo agus chun tacú leo.
“Tá suntas ag baint le tacaíocht airgeadais an Aontais Eorpaigh tríd an gclár CTIL agus cabhraíonn sí linn tacaíocht bhreise a thabhairt don obair iontach atá ar siúl i bpobail ar fud na hÉireann chun fáilte a chur roimh dhaoine nua. Tá fógra an lae inniu ag teacht sna sála ar na fógraí a rinneadh le déanaí maidir le Ciste Lánpháirtíochta na bPobal agus maidir leis an gCiste Lánpháirtíochta Náisiúnta – a bhfuil aitheantas agus tacaíocht bhreise ag baint leo uile don ról ríthábhachtach atá ag an earnáil Phobail agus Dheonach i bpobail áitiúla i dtaca le hiarrachtaí lánpháirtíochta rathúla a chothú agus timpeallacht fháilteach a chruthú dóibh siúd a bhfuil saol níos fearr á lorg acu in Éirinn.”
Tionscadail Rathúla:
| Ainm na hEagraíochta: | Ainm an Tionscadail: | An Méid a Bronnadh: | Raon Feidhme Geografach: |
| NASC | Connecting Communities III (Pobail á Nascadh III) | € 375,763.08 | Corcaigh, Ciarraí agus Port Láirge agus ar fud na tíre |
| An tIonad um Chearta Imirceach Éireann | An Tionscadal um Abhcóideacht agus Cumasú Imirceach | € 600,089.12 | Náisiúnta |
| Comhairle na nDídeanaithe Éireann | Saolta nua á dtógáil: eolas, cosaint agus lánpháirtíocht do dhaoine ag lorg cosanta | € 650,476.69 | Náisiúnta |
| Doras | Seirbhís tacaíochta um Thearmann, Imirce agus Lánpháirtíocht | € 527,288.63 | Luimneach, Tiobraid Árann, an Clár agus ar fud na tíre |
| An Chomhairle um Inimircigh in Éirinn | Integration Hub III (An Mol Lánpháirtíochta III) | € 730,567.76 | Ar fud na tíre |
| Jesuit Refugee Service (Seirbhís Dídeanaithe na nÍosánach) | RAISE (Regional Accompaniment, Integration, Support and Empowerment) Project (Tionlacan, Lánpháirtíocht, Tacaíocht agus Cumasú Réigiúnach). | € 343,206.00 | Réigiún an Oirdheiscirt |
| Áit na nDaoine | Purpose Driven Integration Dundalk (Lánpháirtíocht Spriocdhírithe Dhún Dealgan) | € 308,895.00 | An Lú Thuaidh |
| Galway City Partnership (Comhpháirtíocht Chathair na Gaillimhe) | BRIDGE (DROICHEAD) | € 632,960.61 | Gaillimh |
| SECAD | South Cork Asylum, Migration and Integration Support Programme (Clár Tacaíochta Tearmainn, Imirce agus Lánpháirtíochta Chorcaigh Theas) | € 413,939.89 | Corcaigh Theas |
| Sligo Leader Partnership (Comhpháirtíocht na gCeannairí Sligeach) | SIA- Sligo Integration Alliance Programme (CLS- Clár Comhghuaillíochta Lánpháirtíochta Sligeach) | € 396,000.00 | Sligeach |
| Traschúram | ‘Meas’ (respect): rannpháirtíocht agus tacaíocht imirceach | € 606,921.00 | Baile Átha Cliath agus na contaetha máguaird, ar fud na tíre agus Corcaigh |
| Clare Immigrant Support Centre (Ionad Tacaíochta Imirceach an Chláir) | CISC AMIF 04 | € 623,031.00 | An Clár |
| South West Mayo Development Co (Comhlacht Forbartha Iardheiscirt Mhaigh Eo) | Welcoming and Including New Communities Mayo (WIN Mayo) (Fáilte a chur roimh Phobail Nua agus iad a Rannpháirtiú, Maigh Eo) | € 456,000.00 | Maigh Eo |
| KASI | Fáiltiú agus Lánpháirtiú Iarrthóirí CI agus dídeanaithe, lena n-áirítear BTOP agus TCN eile | € 585,965.05 | Cill Airne agus Trá Lí |
| Cumann Croise Deirge na hÉireann | Mental Health, English Language, Employment Skills and Family Reunification Program (Clár Meabhairshláinte, an Bhéarla, Scileanna Fostaíochta agus Athaontú Teaghlaigh) | € 1,923,798.75 | Ar fud na tíre agus Baile Átha Cliath |
| People 1st (Tús Áite do Dhaoine) | FAILTE, Friendship, Assistance, Integration, Language Training, Employability (CTLOI Cairdeas, Tacaíocht, Lánpháirtíocht, Oiliúint Teanga, Infhostaitheacht) | € 329,730.32 | Dún na nGall |
| Coláiste Mhuire gan Smál | Embracing Diversity Nurturing Integration Project (EDNIP) 3 (An Tionscadal um Ghlacadh leis an Éagsúlacht agus Lánpháirtíocht a Chothú) | € 300,000.00 | Cathair Luimnigh |