Plean Gníomhaíochta don Oideachas
- Foilsithe: 9 Feabhra 2021
- An t-eolas is déanaí: 24 Márta 2025
- Creat Pleanála na Roinne Oideachais
- Forbairt – Ráiteas Bliantúil ar Thosaíochtaí
- Tuarascálacha ar an Dul Chun Cinn
- Tá pleananna Gníomhaíochta roimhe seo ar fáil anseo
Creat Pleanála na Roinne Oideachais
Tá creat pleanála á fheidhmiú ag an Roinn Oideachais a bhfuil sé mar aidhm aige tosaíocht a thabhairt do sheachadadh ár gcuspóirí straitéiseacha agus struchtúir láidre tacaíochta a fhorbairt chun feidhmiú éifeachtach a chinntiú. Tá forbairt ráiteas bliantúil tosaíochtaí, tuairisciú rialta ar dhul chun cinn, meastóireacht agus pleanáil straitéiseach níos fadtéarmaí san áireamh sa chreat seo.
Forbairt – Ráiteas Bliantúil ar Thosaíochtaí
Cuireann an Ráiteas Bliantúil ar Thosaíochtaí treo phlean ar fáil do sheachadadh na dtosaíochtaí straitéiseacha agus oibríochtúla atá leagtha amach in ár Ráiteas Straitéise 2023-2025.
Cuidíonn sé seo linn luas agus seicheamh an athraithe a bhainistiú i dtreo spriocanna straitéiseacha níos fadtéarmaí agus cuirtear ar ár gcumas athrú agus athchóiriú leanúnach san earnáil a léiriú agus dul chun cinn a thuairisciú. Léiríonn sé an raon gníomhaíochta lena bhfuilimid gafa agus an treo atá á leanúint againn chun na spriocanna atá leagtha amach inár Ráiteas Straitéise 2023-2025 a bhaint amach:
1. Soláthar oideachais ar ardchaighdeán a éascú agus an t-eispéireas oideachais a fheabhsú chun riachtanais na leanaí agus na ndaoine óga go léir a shásamh, i scoileanna agus i suíomhanna foghlama agus cúraim na luath-óige
2. Cothromas deiseanna san oideachas a chinntiú agus go mbeadh tacaíocht á fáil ag na leanaí agus ag na daoine óga go léir chun barr a gcumais a bhaint amach
3. In éineacht lenár gcomhpháirtithe, ceannaireacht straitéiseach agus tacaíocht a thabhairt do sholáthar na gcóras agus an bhonneagair atá ceart don earnáil
4. Barr Feabhais Eagraíochtúil agus Nuálaíocht
Chun ár ndul chun cinn a mhonatóireacht agus a chinntiú go bhfuil ár ngealltanais á gcomhlíonadh againn, eiseofar tuarascáil ar dhul chun cinn ag deireadh gach ráithe, ina dtabharfar nuashonrú ar na gníomhartha go léir.
