Scéimeanna Pinsin d’fhoireann múinteoireachta agus neamh-mhúinteoireachta

Is acmhainn eolais iad na lámhleabhair seo maidir leis na forálacha aoisliúntais a bhaineann leo seo a leanas:

• Baill foirne teagaisc atá íoctha go díreach ag an Roinn Oideachais

• Baill foirne neamh-theagaisc atá íoctha go díreach ag an Roinn Oideachais

Iontu, cuirtear treoir ar fáil ar fhorálacha na nAchtanna Aoisliúntais agus na gciorclán agus litreacha eile a rialaíonn na téarmaí pinsin a bhaineann leis na baill de gach scéim

Féach eolas anseo

Féach eolas anseo

Féach eolas anseo

Féach eolas anseo

Féach eolas anseo

Oibríonn an Roinn seo cuntas bainc tráchtála ionas gur féidir íocaíochtaí a fháil ó fhoinsí éagsúla.

Féach eolas anseo

Féach eolas anseo

Féach eolas anseo

Féach eolas anseo

Féach eolas anseo

Féach eolas anseo

Féach eolas anseo

Féach eolas anseo

Féach eolas anseo

Is scéimeanna ranníocacha iad na Scéimeanna Pinsin go léir do Chéilí agus Leanaí. Is ranníocaíochtaí sa bhreis ar na ranníocaíochtaí a d'fhéadfadh a bheith riachtanach faoi phríomhscéim an bhaill iad ranníocaíochtaí na scéimeanna pinsin do Chéilí agus Leanaí.

Sochair

Déantar foráil sna Scéimeanna Bunaidh agus sna Scéimeanna Leasaithe d’íocaíocht phinsin le céile dleathach an bhaill agus, nuair is infheidhme, le leanaí incháilithe i gcás go bhfaigheann an ball bás.

Sochair Phinsin an Chéile

D'fhéadfadh sé go mbeadh pinsean an chéile iníoctha le céile dleathach marthanach an bhaill, i ndiaidh don bhall bás a fháil. Braithfidh an ráta pinsin atá iníoctha ar na sochair a d'fhabhraigh an ball atá básaithe agus is iondúil gurb ionann é agus 50% de phinsean an bhaill atá básaithe. Braithfidh an modh a úsáidtear chun pinsean an bhaill atá básaithe a ríomh ar cé acu ar bhásaigh an ball agus é/í ag obair go fóill, ar scor nó le sochar pinsin caomhnaithe sular shroich an ball aois an phinsin chaomhnaithe, agus ar rangú ÁSPC an bhaill.

Nóta: i gcás go ndéantar Ordú um Choigeartú Pinsin in aghaidh phinsean an bhaill atá básaithe agus/nó shochar pinsin an chéile, beidh tionchar aige sin ar shochair na gCéilí agus na Leanaí atá iníoctha.

Sochair Phinsin Leanaí

D'fhéadfadh sé go mbeadh pinsin leanaí iníoctha le leanaí marthanacha an bhaill, faoi réir na gcritéar incháilitheachta ábhartha a shásamh. Braithfidh rátaí na bpinsean leanaí faoin Scéim Pinsin do Chéilí agus Leanaí ar cé acu an bhfuil nó nach bhfuil pinsean céile á íoc agus chomh maith leis sin ar líon na leanaí incháilithe. Is iondúil gurb ionann leanbh incháilithe agus leanbh:

• a) atá faoi bhun 16 bliana d'aois,
• b) atá faoin bhun 22 bliain d’aois agus páirteach san oideachas

lánaimseartha, nó

• c) atá faoi mhíchumas buan coirp nó meabhrach a thosaigh fad a bhí sé/sí clúdaithe faoi (a) nó (b).

Tá tuilleadh eolais faoin modh ina ndéantar pinsin leanaí a ríomh leagtha amach i rialacha na Scéime Pinsin ábhartha do Chéilí agus Leanaí. Is féidir eolas maidir le sochair phinsin leanaí faoi na Scéimeanna Pinsin do Chéilí agus Leanaí a fháil sna Lámhleabhair Aoisliúntais

Córas teoranta achomhairc

Tugadh fógra i gCiorclán 23/2022 ón Roinn Caiteachais Phoiblí, Sheachadadh PFN agus Athchóirithe faoi na socruithe atá i bhfeidhm maidir le próiseas teoranta achomhairc chun athbhreithniú a dhéanamh ar rogha a bhí ann roimhe seo gan dul isteach i Scéim Pinsin do Chéilí agus Leanaí i gcúinsí áirithe. Tagraítear dó sin mar an ‘córas teoranta achomharc’. Déanfar athbhreithniú faoin gcóras seo a mheas i gcomhréir le ceann de na critéir seo a leanas:

• nach bhfuil fianaise ar bith ann gur tugadh rogha don duine aonair dul isteach sa Scéim Pinsin do Chéilí agus Leanaí ag an am a raibh roghanna á ndéanamh,
• go bhfuil fianaise liachta ann gur duine mímheabhrach a bhí ann nuair a dhiúltaigh sé/sí dul isteach sa Scéim Pinsin do Chéilí agus Leanaí, agus mar thoradh air sin nár thuig sé/sí na hiarmhairtí a bhain leis an gcinneadh; nó
• i gcás gur dhiúltaigh ball den Scéim Bunaidh dul isteach sa Scéim Leasaithe, mar nach mbeadh iarmhairtí díobhálacha airgeadais a d'fhéadfaí a thuar le réasún ann dó/dí (i dtaca le ranníocaíochtaí na scéime) dá roghnódh sé/sí dul isteach inti.

I gcás go sásaítear ceann de na critéir thuas, agus go meastar an t-achomharc a bheith rathúil bunaithe ar athbhreithniú ar an bhfianaise a cuireadh i láthair, tabharfar rogha nua, le teorainn ama, don achomharcóir dul isteach sa Scéim Pinsin do Chéilí agus Leanaí, faoi réir íocaíochtaí ar bith den chineál sin atá dlite a íoc.

Leagtar amach tuilleadh sonraí i gCiorclán 0023/2022.

Má tá Ceisteanna ar bith eile agat maidir leis an gCiorclán seo Déan Teagmháil Linn