An Rannóg Oideachais Speisialta

Tá an rannán oideachais speisialta sa Roinn Oideachais freagrach as polasaí oideachais a fhorbairt do leanaí a bhfuil riachtanais oideachais speisialta acu agus as seirbhísí oideachais atá éifeachtach, éifeachtúil agus cuimsitheach a fhorbairt do na leanaí sin.

Coinnítear dlúthcheangail sa rannán seo leis an gComhairle Náisiúnta um Oideachas Speisialta (CNOS)

Bunaíodh an Chomhairle Náisiúnta um Oideachas Speisialta (CNOS) faoinAcht um Oideachas do Dhaoine a bhfuil Riachtanais Speisialta Oideachais Acu, 2004chun seirbhísí oideachais a chur ar fáil, ar bhealach níos fearr, do dhaoine a bhfuil riachtanais oideachais speisialta acu mar gheall ar mhíchumas agus cuirtear béim ar leith ar leanaí.

Cuireann CNOS comhairle agus eolas maidir le hoideachas speisialta ar fáil do scoileanna agus do thuismitheoirí; leithdháiltear tacaíochtaí díreacha agus treoir agus cuirtear ar fáil iad do scoileanna; cuirtear foghlaim ghairmiúil ar fáil do mhúinteoirí; tugtar faoi thaighde agus scaiptear an taighde chuig oideachas speisialta; agus cuirtear comhairle ar pholasaí ar fáil don Aire Oideachais ar shaincheisteanna a bhaineann le hoideachas speisialta. Tá róil chomhairleacha ag CNOS freisin maidir le saintrealamh/teicneolaíocht chúnta a chur ar fáil do dhaltaí agus socruithe iompair scoile speisialta. Tá feidhmeanna ginearálta na comhairle leagtha amach in Alt 20 den Acht um Oideachas do Dhaoine a bhfuil Riachtanais Speisialta Oideachais Acu.

Áirítear faoi choimirce CNOS seirbhísí a chur ar fáil go díreach le go mbeidh teacht ar oideachas ag leanaí a bhfuil riachtanais oideachais speisialta acu.

Tá eagraithe riachtanais oideachais speisialta (EROSanna) atá fostaithe ag CNOS lonnaithe ar fud na tíre chun seirbhísí ar leibhéal áitiúil a chomhordú.

Tá EROSanna ar fáil chun cuidiú le tuismitheoirí a bhfuil leanaí acu a bhfuil riachtanais oideachais speisialta acu agus comhairle a thabhairt dóibh agus is féidir le scoileanna agus tuismitheoirí teagmháil dhíreach a dhéanamh leo.

Tá sonraí teagmhála na scoileanna agus na EROSanna áitiúla ar fáil ar léarscáil eolais CNOS na scoile agus tá eolas faoi na scoileanna a bhfuil ranganna speisialta reatha acu, na cineálacha agus na láithreacha ar fáil Anseo.

Tá eolas arláithreán gréasáin CNOS do thuismitheoirí na leanaí a bhfuil riachtanais oideachais speisialta acu.

Áirítear leis sin:

• Eolas do thuismitheoirí
• Ceisteanna coitianta
• Eolas ar ranganna speisialta i scoileanna
• Leabhrán eolais agus paimfléid

Sonraí Teagmhála an CNOS

An Chomhairle Náisiúnta um Oideachas Speisialta

Seoladh: 1-2 Sráid an Mhuilinn, Baile Átha Troim, Co. na Mí, C15 P2KC

Fón: (01) 603 3200

Cé go gcuireann CNOS seirbhísí ar fáil go díreach agus go bhfuil ról comhairleach agus taighde aige, tá an rannán oideachais speisialta sa Roinn fós freagrach as polasaithe.

Sa rannán oideachais speisialta, forbraítear tionscnaimh polasaí agus cuirtear comhairle ar fáil ina leith chun tacú le leanaí a bhfuil riachtanais oideachais speisialta acu freastal ar scoil agus na torthaí oideachais is fearr agus is féidir a bhaint amach laistigh de roinnt seirbhísí, áirítear orthu sin:

• Seirbhís na múinteoirí oideachais speisialta
• Seirbhís na gcúntóirí riachtanas speisialta
• Córas na scoileanna speisialta
• Clár samhraidh do leanaí a bhfuil riachtanais chasta oideachais speisialta acu agus/nó do na leanaí sin atá i mbaol míbhuntáiste oideachais.

Cuireann an Roinn Oideachais maoiniú ar fáil freisin le haghaidh réimse scéimeanna atá deartha chun tacaíocht a thabhairt d’oideachas na leanaí a bhfuil riachtanais oideachais speisialta acu agus/nó feabhas a chur ar an oideachas sin.

Áirítear orthu sin:

• Deontas teicneolaíochta cúnta
• Scéim deontais don teagasc sa bhaile
• Scéim teagaisc Theanga Chomharthaíochta na hÉireann
• Teagasc clóscríofa do dhaoine a bhfuil lagú radhairc orthu

• An tSeirbhís Náisiúnta Síceolaíochta Oideachais (SNSO)

• An tAonad Forbartha Fórsa Saothair Cúntóirí Riachtanas Speisialta

• Scoileanna Speisialta

• Clár Samhraidh 2023ar a dtugtaí soláthar Iúil air roimhe seo

• Teicneolaíocht chúnta, riachtanais speisialta agus deontais teagaisc
• Oideachas Ionchuimsitheach
• Seirbhís Tacaíochta Oideachais TUSLA (STOT)