Táim ag smaoineamh ar staidéar a dhéanamh le bheith i mo mhúinteoir – Roghanna Iarchéime

Má tá céim agat cheana féin agus más mian leat bheith i do bhunmhúinteoir, féadfaidh tú clár dhá bhliain a dhéanamh don chéim Máistir Gairmiúil le hOideachas (MGO) (Bunmhúinteoireacht). Féadfar liosta iomlán de chláir chreidiúnaithe ITE a fháil anseo.

Tá íosriachtanais sa Mhatamaitic, sa Bhéarla agus sa Ghaeilge ar leibhéal na hArdteistiméireachta de dhíth don bhunmhúinteoireacht.

Féadfar na nósanna imeachta maidir le hiarratas a dhéanamh agus na riachtanais iontrála a fháil anseo.

Is féidir leat iarratais ar Choláiste Hibernia a dhéanamh ag www.hiberniacollege.ie.

Chun iarratas a dhéanamh ar mhúinteoireacht iar-bhunscoile ar an leibhéal iarchéime ba cheart go mbeadh staidéar déanta agat ar leibhéal na céime ar ábhar amháin ar a laghad ó churaclam na hiar-bhunscoile, ar féidir leat é a fháil anseo.

I ndiaidh na céime, beidh ort an iarchéim Máistir le hOideachas (MGO) a chur i gcrích. Féadfar liosta de chláir chreidiúnaithe MGO a fháil anseo.

Cuireann an Chomhairle Mhúinteoireachta sonraí ar fáil maidir leis na riachtanais d’ábhair ar leith (critéir ábhair) do na hábhair go léir ar churaclam na hiar-bhunscoile anseo.

Iarratais maidir leis an MGO iar-bhunscoile:

DCU agus ollscoileanna de chuid Ollscoil na hÉireann - PAC

Ollscoileanna agus coláistí eile:

Cuireann an mhúinteoireacht athrú iomlán i bhfeidhm. Múnlaigh an todhchaí.

Is é an deontas do mhic léinn an tacaíocht airgeadais is mó atá ar fáil do mhic léinn atá ag freastal ar chúrsaí breisoideachais agus ardoideachais ar bhonn lánaimseartha. Féadfaidh deontas cothabhála agus/nó deontas táillí bheith i gceist, ag brath ar incháilitheacht.

Tá tuilleadh eolais faoi sparánachtaí agus faoi thacaíochtaí airgeadais eile agus faoi na critéir do Scéim na dTáillí in Aisce ar fáil ag studentfinance.ie.

Naisc úsáideacha eile:

• gov.ie/dfheris: Eolas ar chláir scoláireachtaí agus ar chláir sparánachtaí eile nach bhfuil san áireamh ar studentfinance.ie.
• SUSI Suíomh gréasáin do Thacaíocht Chomhchoiteann do Mhic Léinn in Éirinn (SUSI), údarás náisiúnta deonaithe na hÉireann maidir le gach deontas ardoideachais agus breisoideachais.