Uachtaránacht na hÉireann ar Chóras na Scoileanna Eorpacha

Glacann Ballstát le hUachtaránacht na Scoileanna Eorpacha gach bliain acadúil. Bhí Éire páirteach sa Triúracht go hoifigiúil taobh leis an gCróit agus leis an Iodáil ón 1 Lúnasa 2021 agus ghlac sí Uachtaránacht na Scoileanna Eorpacha ón gCróit uirthi féin in 2022-23.

I gcás a hUachtaránachta féin, shainaithin Éire ceithre phríomhréimse tosaíochta chun tacú le córas na Scoileanna Eorpacha:

• Cleachtas machnamhach aonair agus comhchoiteann a chothú i measc múinteoirí i gcóras na Scoileanna Eorpacha le tacaíocht ó cheithre Institiúid Ardoideachais
• Saoránacht ghníomhach a chothú agus a cheiliúradh i measc daoine óga sa timthriall meánscoile i gcóras na Scoileanna Eorpacha tríd an gClár Gníomhaíochtaí Saoránachta do Chách (CGSC)
• Comhtháthú fiúntach na Scoileanna Eorpacha Creidiúnaithe isteach i gcóras na Scoileanna Eorpacha a chur ar aghaidh chun sineirgí a uasmhéadú idir Scoileanna traidisiúnta Eorpacha agus Scoileanna Creidiúnaithe Eorpacha
• Cur leis an obair atá ar siúl cheana féin chun córais agus nósanna imeachta riaracháin chóras na Scoileanna Eorpacha a shimpliú.

Sonraí iomlána ar na tosaíochtaí seo sa doiciméid thíos:

Cuirfear an obair seo chun cinn faoi stiúir Bhord Gobharnóirí na Scoileanna Eorpacha. Déanfaidh an Bord Cigirí agus struchtúir riaracháin eile laistigh den chóras ES í a mhaoirsiú le tacaíocht ó Oifig an Ard-Rúnaí, an Bhruiséil agus ó fhoireann Uachtaránacht na hÉireann.

Fáiltíonn an tAire Foley roimh Uachtaránacht na hÉireann ar chóras na Scoileanna Eorpacha