Nósanna imeachta maidir le cosaint leanaí do scoileanna

Tá an Roinn Oideachais freagrach as forbairt agus as cur chun feidhme a dhéanamh ar nósanna imeachta maidir le cosaint leanaí do scoileanna bunaithe ar Tús Áite do Leanaí: Treoir Náisiúnta.

Is féidir leat breathnú ar na Nósanna Imeachta um Chosaint Leanaí do Bhunscoileanna agus Iar-bhunscoileanna (athbhreithnithe 2023) arna bhfoilsiú ag an roinn trí chliceáil anseo. Is é aidhm na nósanna imeachta seo treoir a thabhairt do bhainistíocht agus d’fhoireann scoile maidir le himní faoi chosaint leanaí a aithint agus maidir leis an bhfreagra ar imní faoi chosaint leanaí agus maidir leis an bpróiseas um thacaíocht leanúnach don leanbh.

Agus Meastóireacht Scoile Uile á déanamh acu, lorgaíonn cigirí na roinne fianaise chun a dheimhniú go bhfuil scoil ag comhlíonadh na gceanglas atá sna Nósanna Imeachta maidir le Caomhnú Leanaí i mBunscoileanna agus in Iarbhunscoileanna. Más rud é go n-aithníonn cigire easnaimh i ndáil leis na Nósanna Imeachta maidir le Caomhnú Leanaí i mBunscoileanna agus in Iarbhunscoileanna agus é/í i mbun aon oibre meastóireachta/cigireachta i scoil, tarraingeoidh sé/sí aird bhainistíocht na scoile láithreach air seo.

Measann an roinn aon easnamh a bheith tromchúiseach agus cuirfear comhairle ar bhainistíocht na scoile gur chóir aghaidh a thabhairt ar na saincheisteanna a aithníodh gan mhoill. Más rud é go ndéantar moladh ina dhiaidh sin i dtuairisc infhoilsithe, cuirfidh an cigire in iúl do bhainistíocht na scoile go bhfuil an roinn ag súil go n-úsáidfidh an bord an fhoirm freagartha scoile chun a dheimhniú gur tugadh aghaidh ar na saincheisteanna sin.

Doiciméid/teimpléid tacaíochta Nósanna Imeachta um Chosaint Leanaí do Scoileanna

Ar an 31 Márta 2023 d’fhoilsigh an Roinn Nósanna Imeachta um Chosaint agus Chumhdach Leanaí le haghaidh Saoráidí Cónaithe a bhaineann le Scoileanna Aitheanta 2023 chun bainistíocht na saoráidí cónaithe uile a chur ar an eolas faoi na ceanglais atá orthu agus an tAcht um Thús Áite do Leanaí 2015 á chur i bhfeidhm acu agus a chinntiú go ndéanfar socruithe a chur i bhfeidhm chun maoirseacht a dhéanamh ar cheanglais an Achta um Thús Áite do Leanaí 2015, lena n-áirítear Tús Áite do Leanaí: Tá Treoirlínte Náisiúnta um Chosaint agus Leas Leanaí 2017, ar fud na saoráidí cónaithe ar fad.

Tugann an Treoir maidir le cigireachtaí um Chosaint agus Chumhdach Leanaí i Saoráidí Cónaithe atá bainteach le Scoileanna Aitheanta 2023 cuntas ar an tslí ina ndeanaimid Cigireachtaí um Chosaint agus Chumhdach le haghaidh Saoráidí Cónaithe a bhaineann le Scoileanna Aitheanta agus beidh éifeacht leo seo ó mhí Aibreáin 2023 ar aghaidh.

Tar éis rannpháirtíochta idir an Roinn Oideachais agus na comhpháirtithe Oideachais tá athbhreithniú déanta ar Nósanna Imeachta um Chosaint Leanaí do Bhunscoileanna agus Iar-bhunscoileanna 2017.

Nuashonraíodh nósanna imeachta 2023 chun forbairtí polasaí agus reachtaíochta le déanaí a chur san áireamh lena n-áirítear an Rialachán Ginearálta um Chosaint Sonraí, na Nósanna Imeachta um Chosaint agus Chumhdach Leanaí le haghaidh Saoráidí Cónaithe a bhaineann le Scoileanna Aitheanta 2023 agus An Chomhairle Mhúinteoireachta (Eolas le Cur ar Fáil ag an bhFostóir i gcás Dífhostaithe nó Éirí As Múinteora Cláraithe) Rialacháin 2023.

Tagann na nósanna imeachta leasaithe i bhfeidhm ón 1 Meán Fómhair 2023.

Rinneadh Athbhreithniú Ardleibhéil Neamhspleách ar Pholasaithe agus ar Phróisis Reatha um Chosaint Leanaí na Roinne Oideachais i 2021. Scrúdaigh an t-athbhreithniú na polasaithe agus na próisis atá i bhfeidhm ag an Roinn Oideachais maidir le cosaint agus cumhdach leanaí agus daoine óga. Bhí sé mar aidhm ag an athbhreithniú aon bhearnaí, rioscaí nó réimsí le feabhsú a bhí ann agus/nó a d’fhéadfadh a bheith ann a aithint agus moltaí a dhéanamh maidir le feabhsúcháin sa ghearrthéarma agus san fhadtéarma.

Thug an t-athbhreithneoir faoi deara go nglacann an Roinn Oideachais an-dáiríre lena fhreagrachtaí maidir le cosaint leanaí agus go bhfuil an Roinn le moladh as na gníomhartha atá déanta aici. Rinne an t-athbhreithnitheoir seacht moladh déag maidir le feabhas a chur ar mhaoirseacht na Roinne Oideachais ar chosaint leanaí san earnáil oideachais. Tá an Roinn ag obair leis na Comhpháirtithe Oideachais chun na moltaí atá sa tuaraisc a bhreithniú agus a chur i bhfeidhm.

Ba mhaith leis an Roinn d’aird a dhíriú ar na hacmhainní oiliúna ar líne seo a leanas atá ar fáil do chosaint agus chumhdach leanaí.

Do phearsanra na scoile ar fad

Children First E-Learning ProgrammeTusla - Child and Family Agency

Do dhaoine sainordaithe

Mandated PersonsTusla - Child and Family Agency

Don DIA/LeasDIA

Designated Liaison Person(s)Tusla - Child and Family Agency

Nósanna Imeachta Um Chosaint Leanaí PDST

Child Protection E-Learning PDST

Nósanna Imeachta um Chosaint agus Chumhdach Leanaí le haghaidh Saoráidí Cónaithe a bhaineann le Scoileanna Aitheanta 2023

Child Protection E-Learning PDST

Comhairle agus Acmhainní Sábháilteachta Ar Líne

https://www.webwise.ie/ga/

Eolaire Folláine na Roinne

gov - Eolas folláine d’fhoireann scoile – bunscoil (www.gov.ie) agus CPSA - Eolas folláine d’fhoireann scoile – Iar bhunscoil

• R-phost: childprotection@education.gov.ie
• Seoladh: Rannóg na gCosanta Leanaí agus Gearáin ó Thuismitheoirí, Aonad na dTuismitheoirí agus na bhFoghlaimeoirí, An Roinn Oideachais, Corr na Madadh, Baile Átha Luain, Co. na hIarmhí, N37 X659
• Teileafón: +353 (0) 9064 84099

Féach freisin

• Cosaint leanaí i scoileanna - Comhairle do thuismitheoirí agus caomhnóirí
• Hotline.ie
• CPD um Chosaint Leanaí
• Beartais scoile