Na Comhairlí Náisiúnta Tuismitheoirí agus Chumainn Tuismitheoirí

Is brateagraíochtaí iad na Comhairlí Náisiúnta Tuismitheoirí, an Chomhairle Bunbhrainse agus an Chomhairle Iarbhunoideachais araon, do chomhlachais chleamhnaithe tuismitheoirí don dá earnáil. Tacaíonn an Roinn Oideachais agus Scileanna leis an dá Chomhairle Náisiúnta Tuismitheoirí trí dheontas a chur ar fáil. Chomh maith leis sin, déanann an Roinn teagmháil leis an dá Chomhairle Tuismitheoirí maidir le saincheisteanna imní tuismitheoirí leanaí ar bhunscoileanna nó ar scoileanna iarbhunscoile.

• An Chomhairle Náisiúnta Tuismitheoirí - Bunbhrainse
• An Chomhairle Náisiúnta Tuismitheoirí (Iar-Bhunoideachais) Teo

I gcomhréir le hAlt 26 den Acht Oideachais, 1998, féadfaidh tuismitheoirí daltaí scoile aitheanta comhlachas tuismitheoirí don scoil sin a bhunú agus a chothabháil agus beidh ballraíocht den chumann sin ar oscailt do na tuismitheoirí go léir daltaí na scoile sin.

Tiomsú Airgid

Tá Comhlachas Tuismitheoirí i dteideal airgead a thiomsú ar mhaithe le riarachán agus gníomhaíochtaí an chomhlachais. Rachaidh siad i gcomhairle leis an mBord maidir le haon tiomsú airgid ar son na scoile nó tionscadal scoile. Tá ceadú an Bhoird ag teastáil sula ndéanfar na cistí seo a thiomsú. Is é an Bord Bainistíochta a bheidh i mbun chaitheamh na gcistí seo, i gcomhairle leis an gComhlachas Tuismitheoirí. Déanfar an t-airgead ar fad arna thiomsú nó arna ghiniúint ar mhaithe le tionscadal comhaontaithe ar son na scoile a chur i dtaisce i gcuntas na scoile a luaithe is féidir. Ní mór aon chistí arna dtiomsú a úsáid ar mhaithe leis an gcuspóir/na cuspóirí ar tiomsaíodh an t-airgead ina leith. Má éiríonn sé neamhriachtanach don Bhord, i gcásanna eisceachtúla, na cistí go léir arna dtiomsú a úsáid ar mhaithe leis an gcuspóir a sainíodh, cuirfidh an Bord é seo in iúl don Chomhlachas Tuismitheoirí agus, más iomchuí, don phobal áitiúil. I gcás ar bith, ní mór na cistí a úsáid le haghaidh na scoile. Déanfaidh an Bord, i gcomhairle le coiste an Chomhlachais Tuismitheoirí, cinneadh ar athrú an chuspóra a n-úsáidfear na cistí ina leith.