Scoil Nua a Bhunú
- Foilsithe: 30 Eanáir 2020
- An t-eolas is déanaí: 12 Iúil 2023
- Scoileanna nua a bhunú
- Pátrúnacht Scoile
- Pátrúnacht bunscoileanna nua
- Pátrúnacht iar-bhunscoileanna nua
- Bainistíocht agus Rialú Scoileanna
Scoileanna nua a bhunú
Chun pleanáil do sholáthar scoileanna agus chun anailís a dhéanamh ar na sonraí déimeagrafacha ábhartha, tá an tír roinnte ina 314 limistéar pleanála scoile. Baintear úsáid as Córas Faisnéise Geografaí, ina mbíonn sonraí ó raon foinsí in úsáid, lena n-áirítear rolluithe scoile, taifid Sochair Leanaí agus faisnéis ar fhorbairt áiteanna cónaithe le fáil amach cá dtiocfaidh an brú ar áiteanna scoile ar fud na tíre. Leis an bhfaisnéis seo, déantar cleachtaí déimeagrafacha ar fud na tíre leis an ngá le soláthar breise áiteanna scoile a dheimhniú ag leibhéal na bunscoile agus na hiar-bhunscoile.
Má léiríonn sonraí go bhfuil gá le soláthar breise, bíonn an soláthar breise sin ag brath ar na cúinsí go léir a bhaineann i ngach cás ar leith agus, bunaithe ar na cúinsí, déanfar an soláthar trí cheann amháin nó trí theaglaim díobh seo a leanas:
- Úsáid a bhaint as acmhainn neamhúsáidte laistigh de scoil nó scoileanna,
- Acmhainn scoil nó scoileanna a mhéadú,
- Scoil nó scoileanna nua a sholáthar.
Pátrúnacht Scoile
Má léiríonn déimeagrafaic ceantair go bhfuil scoil nua le bunú, caithfear pátrún a roghnú don scoil. Is féidir le tuismitheoirí/caomhnóirí leanaí a bhfuil cónaí orthu sa limistéar pleanála scoile ar a bhfreastalóidh an scoil nua an tsamhail phátrúnachta is rogha leo a chur in iúl tríd an Córas um Phróiseas Pátrúnachta ar Líne (CPPL)
Déanann grúpa comhairleach seachtrach neamhspleách, an Grúpa um Bhunú Scoileanna Nua (GBSN) maoirseacht ar an bPróiseas Pátrúnachta do scoileanna nua.
Pátrúnacht bunscoileanna nua
Bunscoil nua a bhunú i 2021
Fáiltíonn an tAire roimh iarratais don phátrúnacht ar thrí bhunscoil nua a bhunófar i 2021
Pátrúnacht iar-bhunscoileanna nua
Iar-bhunscoileanna nua atá le bunú i 2021
Bainistíocht agus Rialú Scoileanna
Pátrún na Scoile atá freagrach as bainistíocht agus rialú na Scoile. I bhformhór na gcásanna, ní hé an tAire Oideachais úinéir réadmhaoin na Scoile. Maidir le Scoileanna ar leis an Aire Oideachais iad, geallann Pátrún na Scoile tráth a n-aithníonn an tAire iad mar Phátrún Scoile atá lonnaithe ar shuíomh ar leis an Aire é, dul le léas leis an Aire i leith réadmhaoin na Scoile. Tá teimpléad de léas scoile ar féidir é a úsáid maidir le socruithe den chineál seo ar fáil ag: