Deimhníonn an tAire Foley tarscaoileadh na dtáillí le haghaidh Scrúduithe Stáit 2022
- Foilsithe: 3 Feabhra 2022
- An t-eolas is déanaí: 3 Feabhra 2022
Dheimhnigh an tAire Oideachais Norma Foley TD inniu (Déardaoin 3 Feabhra) gur tarscaoileadh na táillí le haghaidh scrúduithe na hArdteistiméireachta agus scrúduithe na Sraithe Sóisearaí 2022.
Ní bheidh ar scoláirí na táillí a íoc. De ghnáth bheadh €116 agus €109 i gceist i gcás scrúduithe na hArdteistiméireachta agus scrúduithe na Sraithe Sóisearaí faoi seach.
Dúirt an tAire Foley:
“Tá iarracht déanta againn soiléireacht agus cinnteacht a thabhairt do scoláirí an tseachtain seo trí na socruithe le haghaidh scrúduithe 2022 a dhearbhú agus tá áthas orm a dhearbhú inniu go bhfuil táillí scrúduithe Stáit na bliana seo á dtarscaoileadh.”
Beidh amchláir na scrúduithe Stáit ar fáil ag examinations.ie sna laethanta amach romhainn.
Tabharfar tacaíocht agus treoir shoiléir do scoileanna maidir leis na socruithe don scrúdú i mbliana a bheidh faoi threoir chomhairle Shláinte Poiblí.
Cuirfear eolas ar na hathruithe ar na scrúduithe Ardteistiméireachta ar fáil ar Item was unpublished or removed agus ar examinations.ie an tseachtain seo chugainn.
Beidh eolas ar scrúduithe na Sraithe Sóisearaí ar fáil ar Item was unpublished or removed
CRÍOCH