Osclaíonn an tAire McEntee próiseas iarratais do Scéim nua Oibreacha Samhraidh um Ghníomhú ar son na hAeráide

Iarratais ar oscailt Bealtaine 2025

D'fhógair an tAire Oideachais agus Óige, Helen McEntee TD, sonraí inniu (Dé hAoine) maidir le Scéim nua Oibreacha Samhraidh ilbhliantúla um Ghníomhú ar son na hAeráide do scoileanna, a osclófar d'iarratais go luath i mí na Bealtaine.

Scéim na nOibreacha Samhraidh a tugadh ar an scéim roimhe seo, ach anois tá gné láidir aeráide ag baint léi agus cuireann sí ar chumas scoileanna tabhairt faoi oibreacha cothabhála agus feabhsúcháin ar scála beag agus meánmhéide amhail insliú, soilsiú LED, soláthar luchtairí EV agus racaí rothar, chomh maith leis an ngnáthobair chothabhála a bhaineann leis an scéim seo.

Soláthraíonn an Scéim deis thábhachtach freisin d’iar-bhunscoileanna tabhairt faoi oibreacha athchóirithe agus feabhsúcháin ar a saotharlanna eolaíochta.

Athrú eile ar an Scéim is ea go mbeidh réimse catagóirí i gceist le faomhadh maoinithe in aon bhliain ar leith seachas an gnáth-chur chuige d’aon chatagóir amháin ag an am, rud a chuideoidh le scoileanna luach ar airgead a fháil.

Éascóidh an Scéim maoiniú ilbhliantúil do scoileanna, atá ag teacht leis an ngealltanas i gClár an Rialtais go n-oibreoidh an Scéim gach bliain chun cothabháil mhaith a chinntiú ar fhoirgnimh scoile.

Dúirt an tAire Helen McEntee:

Príomhphointí le tabhairt faoi deara maidir leis an Scéim Oibreacha Samhraidh um Ghníomhú ar son na hAeráide:

• Tréimhse iarratais – Iarratais ar oscailt Bealtaine 2025.  Nuair a osclófar an próiseas iarratais go luath i mí na Bealtaine, beidh go dtí an 30 Meitheamh 2025 ag údaráis scoile chun iarratais a chur isteach.
• Catagóirí Oibreacha – Is féidir le scoileanna iarratas a dhéanamh ar cheann de na 10 gcatagóir oibreacha faoin Scéim agus tá gné láidir aeráide i ngach catagóir (amhail insliú áiléir, insliú cuasbhalla, soilsiú LED, soláthar luchtaithe EV etc.). Tá sé beartaithe go mbeidh meascán catagóirí i gceist le ceaduithe in aon bhliain ar leith seachas an ghnáthchatagóir aonair ag an am. Tá sé seo dírithe ar chumas an mhargaidh a bhainistiú agus deiseanna chun luach ar airgead a fháil a uasmhéadú d'údaráis scoile.
• An chéad tráinse ceaduithe i R4 2025 – Tá sé beartaithe go dtabharfar fógra d'údaráis scoile i R4 2025 faoin gcéad tráinse d'iarratais rathúla lena soláthar i samhradh 2026. Cuireann sé seo tréimhse mhaith ar fáil d'údaráis scoile (le tacaíocht ghairmiúil óna nAiltire/Innealtóir) chun pleanáil, eagrú, soláthar agus seachadadh a dtionscadal a bhainistiú.
• Feidhmíonn an Scéim ar bhonn cineachta agus tacaíocht ghairmiúil á cur ar fáil d'údaráis scoile i bhfoirm Ailtire nó Innealtóra chun seachadadh a dtionscadal a bhainistiú agus chun tacú leis.
• Áirítear leis an Scéim oibleagáid a bheith ar scoileanna clárú le córas tuairiscithe ar líne maidir le húsáid fuinnimh trí Chumann Fuinnimh Inmharthana na hÉireann (SEAI).
• I measc na gcatagóirí oibreacha a bheidh á maoiniú ag an Scéim Oibreacha Samhraidh um Ghníomhú ar son na hAeráide tá uasghrádú dín, oibreacha leictreacha agus meicniúla, uasghrádú fuinneog, feabhsúcháin ar chreatlach scoile etc.

Athraíodh catagóiriú na dtionscadal faoin Scéim freisin tar éis athbhreithniú a dhéanamh.  Chomh maith le gné láidir aeráide a bheith ag baint le gach ceann de na gnáthchatagóirí oibreacha, cuimsíonn sé anois catagóir nua Oibreacha um Ghníomhú ar son na hAeráide a mbeidh insliú áiléir, insliú cuasbhalla, raca rothar, soilsiú LED agus soláthar um luchtú Feithiclí Leictreacha (EV) i gceist leis, de réir mar is gá.  Tarraingíonn an ghné láidir aeráide ar thaithí ó Chlár Pathfinder na Roinne Oideachais.

Is faoi gach údarás scoile atá sé an tionscadal a shainaithint a bhfuil géarghá le maoiniú ón Scéim Oibreacha Samhraidh um Ghníomhú ar son na hAeráide ina leith.  Is féidir le gach scoil iarratas a dhéanamh ar thionscadal amháin agus le tacaíocht ó Ailtire nó Innealtóir gairmiúil beidh siad freagrach as an tionscadal a sheachadadh ar bhonn cineachta. Is iondúil go ndéantar na hoibreacha le linn tréimhse saoire an tsamhraidh, rud a fhágann nach gcuirtear isteach rómhór ar fheidhmiú na scoileanna.

Mar chuid de Ghníomhú an Rialtais ar son na hAeráide, tá dualgas ar scoileanna gealltanas a thabhairt úsáid fuinnimh a thuairisciú trí chóras monatóireachta SEAI.

Beidh eolas iomlán faoin Scéim Oibreacha Samhraidh um Ghníomhú ar son na hAeráide ar fáil ar shuíomh gréasáin na Roinne ag Item was unpublished or removed roimh an 31 Márta 2025 tar éis dul i gcomhairle leis na páirtithe leasmhara ábhartha.

Is féidir le scoileanna a bhfuil ceisteanna acu maidir leis an Scéim nua comhairle a lorg ar an gcéad dul síos óna gComhlacht Bainistíochta Scoile.

Leathnaíodh an t-ardán Esinet atá in úsáid ag scoileanna faoi láthair le haghaidh tuairisceáin phárolla chun iarratais ar líne ó scoileanna don Scéim Oibreacha Samhraidh um Ghníomhú ar son na hAeráide a éascú.  Meastar go mbeidh an córas Esinet oscailte d'iarratais go luath i mí na Bealtaine 2025 agus gur féidir le scoileanna iarratais a chur isteach suas go dtí an 30 Meitheamh 2025. Iarrtar ar scoileanna a thabhairt faoi deara nach nglacfaidh an Roinn le hiarratais ar pháipéar.

Notaí don Eagarthóir

Beidh an Ciorclán rialaithe ar fáil ar shuíomh gréasáin na Roinne faoin 31 Márta 2025 tar éis dul i gcomhairle leis na páirtithe leasmhara ábhartha.

Is iad seo a leanas na 10 gcatagóir oibreacha faoin Scéim (ónar féidir le húdaráis scoile aonair tosaíocht a thabhairt do chatagóir amháin):

b.Oibreacha a bhaineann le riachtanais churaclaim (gan Saotharlanna Eolaíochta a bheith san áireamh)