Próiseas curtha chun cinn ag an Aire Foley chun an t-éileamh ó fheighlithe scoile a réiteach

Tá céim chriticiúil sa phróiseas á fógairt inniu ag an Aire Oideachais Norma Foley chun an t-éileamh ó fheighlithe scoile a réiteach.

Tá suirbhé á eisiúint chuig gach bunscoil agus iar-bhunscoil aitheanta maidir le feighlithe scoile, tar éis raon beart a chur i bhfeidhm go rathúil maidir leis na téarmaí agus coinníollacha (lena n-áirítear seirbhís párolla a sholáthar) do rúnaithe scoile,

Tá feighlithe fostaithe go díreach ag go leor de na 3,089 bunscoil agus 722 iar-bhunscoil. Is é cuspóir an tsuirbhé eolas a bhailiú ó scoileanna a fhostaíonn feighlithe a fhaigheann maoiniú deontais maidir leis na rátaí reatha pá agus na huaireanta a oibríonn feighlithe. Ós rud é go bhfuil feighlithe fostaithe ag scoileanna, is gá don Roinn dul i dteagmháil le hearnáil na scoile chun an t-eolas tábhachtach seo a bhailiú. Is é seo an próiseas a úsáideadh maidir le rúnaithe scoile freisin. Éascóidh an suirbhé seo tuilleadh rannpháirtíochta le Forsa – an ceardchumann a dhéanann ionadaíocht ar son feighlithe scoile.

Dúirt an tAire Foley:

Seolfar nasc don suirbhé leictreonach chuig scoileanna agus iarrfar orthu é a chomhlánú faoin Aoine 14 Meitheamh 2024. Tá an Roinn ag iarraidh ar gach scoil cúnamh a thabhairt chun an suirbhé a chomhlánú faoin dáta seo.

NÓTAÍ:

I mí Feabhra 2022, tar éis sraith coinní ag an gCoimisiún um Chaidreamh san Áit Oibre (WRC), moladh pacáiste chun éileamh a shocrú ar théarmaí agus coinníollacha do rúnaithe scoile a fhaigheann maoiniú deontais. Reáchtáladh ballóid ina dhiaidh sin agus ghlac ballraíocht Fórsa leis an socrú.

Áiríodh sa phacáiste a comhaontaíodh freisin soláthar seirbhíse párolla. Tá an tseirbhís seo á cur ar fáil ag an Roinn do rúnaithe scoile ón 1 Meán Fómhair 2023.

Cuirfear tús go luath leis an idirbheartaíocht maidir le socrú den chineál céanna d'fheighlithe scoile.

I mí Feabhra 2022, tar éis sraith coinní ag an gCoimisiún um Chaidreamh san Áit Oibre (WRC), moladh pacáiste chun éileamh a shocrú ar théarmaí agus coinníollacha do rúnaithe scoile a fhaigheann maoiniú deontais. Reáchtáladh ballóid ina dhiaidh sin agus ghlac ballraíocht Fórsa leis an socrú agus 95 faoin gcéad i bhfabhar an chomhaontaithe.

Áiríodh sa phacáiste a comhaontaíodh freisin soláthar seirbhíse párolla. Tá an tseirbhís seo á cur ar fáil ag an Roinn do rúnaithe scoile ón 1 Meán Fómhair 2023. Tá 2,745 rúnaí aonair ar an bpárolla faoi láthair, a chlúdaíonn 2,984 post mar rúnaí scoile. Tá poist iomadúla ag 203 rúnaí.

Tairiscintí ó scoileanna do rúnaithe faoi Imlitir 0036/2022:

D'eisigh an Roinn Imlitir 0036/2022 i mí an Mheitheamh 2022. Iarradh ar Bhord Bainistíochta gach scoile an rogha a thairiscint do rúnaí na scoile glacadh leis na téarmaí agus coinníollacha athbhreithnithe lena n-áirítear íocaíocht tuarastail ag an Roinn. Chuir an ciorclán eolas ar fáil ar na rátaí pá agus teidlíochtaí saoire bliantúla a chabhraigh le Rúnaithe Scoile leis an bpróiseas cinnteoireachta maidir le cé acu ar cheart nó nár cheart glacadh leis na téarmaí agus coinníollacha athbhreithnithe lena n-áirítear seirbhís párolla. Chuir scoileanna tairiscintí do rúnaithe scoileanna i gcrích faoi dheireadh mhí Mheán Fómhair 2022.

Ghlac 73 faoin gcéad de na rúnaithe scoile leis an tairiscint ar théarmaí agus coinníollacha athbhreithnithe agus níor ghlac 27 faoin gcéad leis na tairiscintí. Tá 808 rúnaí ann a dhiúltaigh do na socruithe nua.

Tá socruithe á gcur i gcrích ag an Roinn faoi láthair chun deis eile a thabhairt do rúnaithe a dhiúltaigh roimhe seo glacadh leis an gcomhaontú agus a bheith ionduchtaithe chuig an bpárolla ó mhí Mheán Fómhair 2024.