Uasdátú ar Stoirm Barra

Tá an Roinn ag moladh go mba chóir do scoileanna lena mbaineann foláireamh aimsire Dearg nó Flannbhuí leo, nó a d’fhéadfadh go mbeadh foláireamh Dearg nó Flannbhuí ag baint leo, fanacht dúnta amárach, 8 Nollaig. Tabharfar an deis dá bharr measúnú a dhéanamh ar thionchar Stoirm Barra.

Áirítear leis seo na contaetha seo a leanas: Dún na nGall, Sligeach, Ciarraí, Port Láirge, Luimneach, Clár, Gaillimh, Maigh Eo agus Loch Gorman.

Is féidir le scoileanna nach mbaineann foláireamh Dearg ná Flannbhuí leo a thuilleadh oscailt amárach, más rud é go raibh an deis ag bainisteoirí scoile seiceanna a dhéanamh le haghaidh sreanga tite nó aon damáiste tromchúiseach eile gar d’fhoirgnimh scoile. Má tá ceist áitiúil ar leith ag scoil aonair mar a bhaineann leis an stoirm, is féidir leis an mBord Bainistíochta cinneadh a ghlacadh an scoil a choimeád dúnta amárach.

Ba chóir do phearsanra scoile iad féin a choinneáil ar an eolas faoi na foláirimh aimsire reatha a fhógraítear ar na feasacháin nuachta uile go háitiúil agus go náisiúnta, agus go háirithe faoi aon athrú ar stádas an fholáirimh aimsire dá gceantar féin.