An tSeirbhís Náisiúnta Síceolaíochta Oideachais (NEPS)

Bíonn síceolaithe de chuid NEPS ag obair le bunscoileanna agus le hiar-bhunscoileanna araon maidir le cúrsaí foghlama, iompar, forbairt shóisialta agus forbairt mhothúchánach. Tá líon scoileanna faoi leith ag gach síceolaí.

Bíonn síceolaithe de chuid NEPS ag obair i gcomhpháirtíocht le múinteoirí, tuismitheoirí agus le leanaí chun riachtanais oideachais a aithint. Cuireann siad réimse seirbhísí ar fáil atá dírithe ar na riachtanais sin, mar shampla, ag tacú le dalta (trí chomhairliúchán agus trí mheasúnú). Ina theannta sin, bíonn tionscadail speisialta agus taighde idir lámh acu.

Féach ar na físeáin seo a leanas faoi sheirbhís NEPS - Tá comhghleacaithe de chuid NEPS ag freagairt ceisteanna faoi céard a dhéanaimid mar sheirbhís agus faoin gcaoi a ndéanaimid é.

Is seirbhís chomhairliúcháin atá i gceist le múnla an tSeirbhís Náisiúnta Síceolaíochta Oideachais (NEPS). Tá an múnla seo bunaithe ar an dea-chleachtas idirnáisiúnta agus é i bhfeidhm i go leor seirbhísí síceolaíochta eile. Cuirtear béim ar chumasú múinteoirí le idirghabhálach éifeachtach a dhéanamh le daltaí a dtéann a gcuid riachtanas ó staid éadrom go dian agus ó staid neamhbhuan go buan.

Baineann síceolaithe úsáid as cur chuige comhairliúcháin atá dírithe ar fhadhbanna a réiteach le go mbainfear amach torthaí dearfacha do na daltaí sin. Spreagann NEPS scoileanna le húsáid a bhaint as próiseas measúnaithe agus idirghabhála. Tá an próiseas seo bunaithe ar chontanam trína nglacann gach scoil freagracht as measúnú tosaigh, pleanáil oideachais agus cláir idirghabhálacha do dhaltaí le deacrachtaí foghlama, mothúcháin nó iompraíochta.

Más gá, is féidir le múinteoirí dul i gcomhairle lena síceolaí NEPS ag an gcéim seo sa phróiseas. Ní bheidh aon bhaint ag an síceolaí le h-idirghábhalach dian ach amháin sa chás nach n-éiríonn leis an dalta dul chun cinn réasúnta a dhéanamh, in ainneoin tréan iarrachtaí na scoile agus iad i gcomhairle lena síceolaí NEPS.

Moladh agus cuireadh an próiseas seo in iúl do scoileanna sna treoirlínte agus sna hábhair acmhainne seo a leanas:

Eolas do Bhunscoileanna

Riachtanais Speisialta Oideachais – Contanam Tacaíochta

Deacrachtaí Iompraíochta, Mothúcháin agus Sóisialta – Contanam Tacaíochta

Eolas d’Iarbhunscoileanna

Contanam Tacaíochta d’Iarbhunscoileanna

Comhad Tacaíochta Dalta

Teimpléid do Chomhad Tacaíochta Dalta

Is leagan “word” atá i gceist leis an doiciméad seo. Tugann an leagan seo don chomhad deis do scoileanna a suntas scoile féin a chur leis an gcomhad. Ina theannta sin, is féidir do leagan scoile féin a chur air. Tugtar “Plean Tacaíochta” ginearálta agus “Taifead ar Athbhreithniú Tacaíochta” sa doiciméad agus is féidir iad seo a úsáid ag gach leibhéal tacaíochta don dalta.

Cad atá le déanamh i gcás teagmhas criticiúil

Cuireann an tSeirbhís Náisiúnta Síceolaíochta Oideachais (NEPS) cúnamh ar fáil do gach scoil ina dtarlaíonn teagmhais chriticiúla, Bionn scoileanna nach bhfuil síceolaí NEPS ainmnithe acu san áireamh freisin.

Is éard is teagmhas criticiúil ann ná aon teagmhas nó sraith teagmhas a chuireann gnáth mheicníochtaí déileála na scoile as a riocht, mar shampla: bás bhaill an phobail scoile trí bhreoiteacht, féinmharú, bás de bharr timpiste nó ionsaíithe nó damáiste a dhéanadh do mhaoin scoile.

Conas iarratas a dhéanamh ar thacaíocht i gcás Teagmhas Criticiúil

Fanfaidh NEPS le hiarratas ó údaráis na scoile roimh thacaíocht a thairiscint i gcás teagmhas criticiúil scoile. I gcás scoile ina dtarlaíonn teagmhas criticiúil, ba chóir d’údaráis na scoile, ar mian leo tacaíocht a fháil, teagmháil a dhéanamh le hoifig áitiúil NEPS Item was unpublished or removed i rith gnáth-uaireanta oibre, Luan go h-Aoine,

Ag freagairt do theagmhais chriticiúla

Teimpléid do scoileanna:

Mórcháipéisí do Thuismitheoirí:

Acmhaínní agus Foilseacháin NEPS