Bord Achomharc um Iompar Scoile

Is ionann an Bord Achomharc um Iompar Scoile agus Comhlacht Neamhspleách arna cheapadh ag an Aire Stáit ag an Roinn Oideachais agus Scileanna.

Scrúdaíonn Bord na nAchomharc Iompar Scoile achomhairc atá déanta in aghaidh an phróisis iarratais ar iompar scoile i dtaca le seirbhísí iompar scoile a sholáthar agus/nó cúnamh deontais a thabhairt faoi théarmaí na Scéimeanna Iompar Scoile, agus déanann an Bord cinntí fúthu freisin.

Féadann tuismitheoirí daltaí, nó daltaí a bhfuil 18 mbliana bainte amach acu, achomharc a dhéanamh.

Féadtar achomharc a dhéanamh ar chinntí arna ndéanamh ag an Roinn faoi théarmaí na scéimeanna iompair scoile agus/nó ar chúnamh deontais faoi théarmaí na scéimeanna iompair scoile.

Ní mór achomhairc a chur isteach laistigh de 28 lá féilire ón dáta a cuireadh an cinneadh in iúl.

Níl aon táille ar achomharc a dhéanamh.

Cuir isteach “Foirm Achomharc” ar líne tríd an nasc www.schooltransportappeals.ie

Mura bhfuil tú in ann achomharc ar líne a chur isteach, cuir isteach Foirm Achomharc chuig Bord na nAchomharc Iompar Scoile, f/ch. An Roinn Oideachais agus Scileanna, Bóthar Phort Laoise, Tulach Mhór, Co. Uíbh Fhailí. R35 Y2N5.

Molann an Roinn duit go mór go gcuireann tú an t-eolas agus na doiciméid uile a bhaineann le hachomharc isteach go leictreonach tríd an suíomh gréasáin sábháilte www.schooltransportappeals.ie nó go gcuireann tú iad isteach mar chóip chrua tríd an bpostas cláraithe. Sa chás go roghnaíonn an t-achomharcóir nó a (h)ionadaithe an t-eolas nó na doiciméid a chur isteach ar bhealach eile, beidh sé seo á dhéanamh ar phriacal an duine féin a sheolann iad agus ní bheidh an Roinn ná Bord na nAchomharc Iompar Scoile freagrach as a leithéid d’earraí a choinneáil slán ná a choinneáil sábháilte.

Bíonn cruinnithe Bhord na nAchomharc Iompar Scoile ar siúl uair amháin sa mhí.

Iompar Scoile