Luathbhlianta

Síolta, an Chreatlach Náisiúnta Cáilíochta d’Oideachas na Luath-Óige

Is é beartas na Roinne Oideachais agus Scileanna i leith oideachais sna luathbhlianta caighdeán an tsoláthair a ardú i suímh Chúram agus Oideachas na Luath-Óige (ECCE). Mar chuid de seo, mhaoinigh an Roinn forbairt Síolta, an Chreatlach Náisiúnta Cáilíochta d’Oideachas na Luath-Óige.

Tá Síolta ceaptha chun tacú le cleachtóirí forbairt a dhéanamh ar sheirbhísí ardchaighdeáin do leanaí ó bhreith go sé bliana d’aois agus tá sé oiriúnach do gach suíomh ina gcaitheann leanaí am as a dtimpeallacht bhaile.

Plean Forbartha Fórsa Oibre

Foilsíodh an Plean Forbartha Fórsa Oibre d’earnáil Chúram agus Oideachas na Luath-Óige (COLÓ) i mí na Nollag 2010. Tá sé bunaithe ar chlár fairsing taighde agus comhairliúcháin trínar foilsíodh Comhairliúcháin Chúlra i mí an Mheithimh 2009 agus ar chéim chomhairliúcháin phoiblí a chríochnaigh i mí Mheán Fómhair 2009.

Sraith Thaighde na Luathbhlianta 2008-2010

Mhaoinigh an Roinn Oideachais agus Scileanna an tsraith seo a leanas de thionscadail taighde atá dírithe ar leanaí ó bhreith go sé bliana:

• Forbairt Creatlaí um Ghníomh maidir le Cuimsiú Leanaí le Riachtanais Oideachais Speisialta i Suímh Oideachais na Luath-Óige
• Ag Scrúdú Oideolaíocht na Luath-Óige
• Soláthar Spriocdhírithe Oideachas na Luath-Óige Laistigh de Bhraisle de Shuímh DEIS

Féach Freisin

• www.siolta.ie
• Tuarascáil maidir le Measúnú ar Chur Chun Feidhme Tosaigh Síolta
• Nuashonrú Síolta: Feabhra 2012
• Nuashonrú Síolta: Meán Fómhair 2011
• Nuashonrú Síolta: Nollaig 2010
• Léargas – Cáilíocht san Oideachas Luathbhlianta
• Cigireacht atá dírithe ar an Oideachas sna Luathbhlianta