Meastachán ar na sochair Phinsin
- Foilsithe: 9 Samhain 2020
- An t-eolas is déanaí: 18 Deireadh Fómhair 2021
Tá ráiteas ina mheastachán ar do shochair.
Eolas do mhúinteoirí agus d'fhoireann neamhtheagaiscdul
An bhfuilim i dteideal sochar pinsin faoi scéim na múinteoirí
Féadfaidh tú a bheith i dteideal sochar pinsin má tá tú fostaithe mar mhúinteoir faoi láthair agus ar phárolla na Roinne Oideachais agus Scileanna agus má tá an íosaois bainte amach agat.
An bhfuilim i dteideal sochar pinsin faoi an scéim
Féadfaidh tú a bheith i dteideal sochar pinsin má tá tú fostaith mar bhaill foirne áirithe neamh-mhúinteoireachta (airígh, cúntóirí riachtanas speisialta agus oifigigh chléireachais) faoi láthair agus ar phárolla na Roinne Oideachais agus má tá an íosaois bainte amach agat.
Conas is féidir liom dul isteach sa scéim pinsean
Go ginearálta, féadfaidh aon mhúinteoir ar phárolla na Roinne Oideachais agus Scileanna a bheith ina bhall de scéim pinsean na múinteoirí.
Conas a dhéantar mo shochair phinsin a ríomh
De ghnáth, déantar íocaíochtaí pinsin agus cnapshuime a chinneadh de réir na nithe seo a leanas:
- seirbhís inphinsin iomlán (faoi réir uasmhéid de 40 bliain) agus
- luach saothair inphinsin (tuarastal) ar an lá deireanach seirbhíse.
Cad iad na sochair a d’fhéadfadh a bheith i gceist
Pinsean scoir agus cnapshuim
Cén aois ag a bhfuil na sochair iníoctha
- Má tá tú i "d’Iontrálaí Nua" - 65 bliain d’aois
- Mura bhfuil tú i d’Iontrálaí Nua – 60 bliain d’aois nó
- 55 bliain d’aois ar choinníoll go bhfuil 35 bliain de sheirbhís inphinsin iarbhír caite ag an múinteoir
Cé mhéad fógra nach mór dom a thabhairt
Tá feidhm ag íostréimhse fógra trí mhí i gcás an mhúinteora. Cé gurb ionann an íostréimhse fógra agus 3 mhí féilire, ba chóir don bhainistíocht scoile féachaint le comhoibriú na foirne maidir leis an bhfógra is luaithe agus is féidir a thabhairt go bhfuil sé ar intinn acu dul ar scor d’fhonn pleanáil acmhainní agus tráthchlárú a éascú. Mura gcloítear leis an íostréimhse fógra trí mhí, d’fhéadfadh go mbeadh moill ar íocaíocht na sochar pinsin.
Conas Iarratas a Dhéanamh
Chun iarratas a dhéanamh ar ráiteas sochar pinsin, comhlánaigh Foirm Cheiste 1
agus fill í ar ais chuig:
Rannóg Pinsean
Seoladh: An Roinn Oideachais, Rannóg Pinsean, Corr na Madadh, Baile Átha Luain, Contae na hIarmhí, N37 X659
Ríomhphost: pensions@education.gov.ie
10.30am - 12.30pm go laethúil: (090) 648 4082 or (090) 648 4167
2pm – 4pm go laethúil: (090) 648 4165 or (090) 648 4189
Nóta
Nótáil le do thoil go bpróiseáltar iarratais ar ráitis in ord de réir an dáta ar a bhfuarthas iad agus go dtugtar tosaíocht do scoir atá beartaithe sa scoilbhliain reatha.
Is é an t-aga próiseála faoi láthair i gcomhair iarratas ar ráitis ná suas go 3 mhí nuair a bhíonn an t-eolas go léir faighte.
Tógfaidh iarratais ar ráitis i gcomhair dátaí beartaithe scoir sna scoilbhlianta amach anseo i bhfad níos mó ama. I rith buaicmhíonna an tsamhraidh tugtar tosaíocht níos luaithe do phróiseáil na n-iarratas ar scor atá faighte againn cheana féin ná mar a thugtar d'eisiúint ráiteas i leith sochar. Tá gá leis an gcur chuige seo mar gheall ar ghanntanas na hacmhainne foirne agus chun a chinntiú go bpróiseáltar go tráthúil na sochair dóibh siúd atá ag dul ar scor.