Sláintecare i nGníomh 2020

Tuarascáil Chinn Bliana 2020 le Laura Magahy, Stiúrthóir Feidhmiúcháin, Sláintecare

Rinne Laura Magahy, Stiúrthóir Feidhmiúcháin, Sláintecare teachtaireacht físe a thaifeadadh chun nuashonrú a sholáthar ar an dul chun cinn a rinneadh i rith 2020 chun Sláintecare a chur i bhfeidhm agus ar shúil chun cinn go dtí 2021.

Foireann Chéadfhreagartha Chill Mhantáin do Dhaoine Leochaileacha (Frailty First) - Cúram daoine breacaosta a aistriú ó thimpeallachtaí ospidéil go dtí a dtithe féin

Bhain 20% de na glaonna a cuireadh ar an otharcharr i gceantar Chill Mhantáin le hothair a thit agus rinneadh beagnach gach duine díobh a iompar go dtí a Rannóg Éigeandála áitiúil. Thug Tionscadal Daoine Leochaileacha Chill Mhantáin faoin gcóras traidisiúnta a athchóiriú, trí fhoireann oilte a sholáthar chun freagairt do ghlaonna ina raibh daoine fásta breacaosta bainteach tríd an saineolas a thabhairt chuig na hothair ina dtithe féin.

Níos Mó a Léamh

SMILE – Tacú le féinchúram ilghalrachta trí Lánpháirtíocht, Foghlaim agus Ríomhshláinte

Tá tionscadal SMILE, atá cistithe ag Sláintecare, á sholáthar ag Caredoc, i gcomhar le NetwellCASALA ag Institiúid Teicneolaíochta (IT) Dhún Dealgan agus Ionad Nuálaíochta Cleachtais agus Cúraim Sláinte Choláiste na Tríonóide (TCPHI).

Níos Mó a Léamh

Seimineáir Ghréasáin ‘An Cúram Ceart, an Áit Cheart, an tAm Ceart’

Bhunaigh Sláintecare líonra foghlama in 2019 don bhreis agus 100 tionscadal de chuid an Chiste Lánpháirtíochta Tá Sláintecare ag oibriú leis an bhFondúireacht Idirnáisiúnta um Chúram Comhtháite, Éire (IFIC) agus FSS chun sraith seimineáir ghréasáin foghlama a fhorbairt chun scéalta a roinnt faoi conas a chuir tionscnaimh agus seirbhísí ar thacaigh Ciste Lánpháirtíochta Sláintecare leo, le cúram a sholáthar chun cabhrú le daoine leochaileacha bheith ar fónamh i gcónaí ina bpobail.

Bainfidh tábhacht ar leith leis an bhfoghlaim seo i measc seirbhísí a sholáthraítear dóibh siúd is mó atá i mbaol go dtiocfaidh Covid-19 orthu. Chuaigh go leor de na tionscadail chistithe lánpháirtíochta in oiriúint chun a gcúram a sholáthar ar bhealaí nuálacha mar thoradh ar bhearta rialaithe ionfhabhtuithe, a tugadh isteach chun teagmháil shóisialta a sheachaint.

Níos Mó a Léamh

100 Naíonán “Saor ó Thobac” ar an Lá Domhanda gan Tobac

Roimh an Lá Domhanda gan Tobac 2020, atreoraíodh an 100ú duine chuig an tionscnamh “Tacú le Mná Torracha Éirí as an Tobac agus gan Tosú ag Caitheamh Tobac Arís” (Supporting Pregnant Women to Quit and Stay Quit), ó seoladh an clár cúraim chomhtháite lena dtacaíonn Sláintecare trí mhí ó shin.

Tá an rath a bhí ar “Tacú le Mná Torracha Éirí as an Tobac agus gan Tosú ag Caitheamh Tobac Arís” á mholadh an tseachtain seo ag máithreacha atá ag súil le leanbh mar gheall go léiríonn sé aidhm Sláintecare chun an cúram ceart a sholáthar san áit cheart agus ag an am ceart.

Níos Mó a Léamh

Laghdú 75% tagtha ar uaigneas i measc daoine aosta a bhuíochas leis an gclár Aosú Folláin

Samhail nuálach nua de chúram comhtháite a bhuaigh gradam is ea Aosú Folláin, a thacaíonn le daoine breacaosta chun bheith níos sábháilte agus níos sláintiúla ina dtithe féin. Baineann sé é seo amach trí chaidreamh a fhorbairt le gach duine breacaosta sa bhaile, a thuiscint nach féidir leis an gcúram céanna freastal ar gach duine, agus go bhforbraítear caidreamh iontaobhach éifeachtach go mall agus le macántacht agus cúram.

Sna hocht mí dhéag ó cuireadh tús leis, thug 75% dá chliaint le fios gur tháinig laghdú ar an uaigneas a bhrath siad, agus ní cheaptar go bhfuil aon chliant de na 25% díobh a ceapadh a bhí i mbaol i Márta 2018. Tugadh 5,500 cuairt, ar an iomlán, ar 255 cliant ón mbliain 2018. Bhuaigh Aosú Folláin Dámhachtain Nuálach Shóisialta in 2018.

Níos Mó a Léamh

Leigheas ar an nGearranáil (“Beating Breathlessness”) - Cuireann tacaíocht faoi stiúir Altra ar WhatsApp feabhas ar riocht a fhéinbhainistiú

Tá tacaíocht, oideachas agus eolas do dhaoine a bhfuil Galar Scamhóige Toirmeascach Ainsealach (COPD) agus plúchadh orthu agus ar féidir teacht orthu gan stró á soláthar ag Leigheas ar an nGearranáil, tionscadal an Chiste Lánpháirtíochta atá cistithe ag Sláintecare agus a sholáthraíonn Cumann Asma na hÉireann.

Clár tacaíochta féinbhainistíochta sé seachtaine é Leigheas ar an nGearranáil a chuirtear ar fáil trí théacs anuas ar sheirbhís phearsantaithe curtha teachtaireachtaí a chuirtear ar fáil trí ardán WhatsApp. Cabhróidh Leigheas ar an nGearranáil le daoine a riocht a thuiscint agus a bhainistiú níos fearr.

Níos Mó a Léamh

Seirbhís Pathfinder - Bealach nua chun cúram a thabhairt do dhaoine aosta a chuireann glao ar 999

Iompraítear gach othar a bhfreastalaíonn an tSeirbhís Náisiúnta Otharcharranna orthu faoi láthair chuig an Rannóg Éigeandála (an RÉ), murach go ndiúltaíonn an t-othar go n-iompraítear iad chuig rannóg éigeandála.

Má fhantar breis agus 12 uair an chloig i rannóg éigeandála, cuirtear 2.35 lá leis an bhfad a fhanann othar cónaitheach. In 2018, tháinig 9,861 othar aois 75 bliain agus níos sine i láthair i Rannóg Éigeandála Ospidéal Beaumont, agus tugadh cead isteach do thart ar 50% de na hothair siúd, agus d’fhan siad 17 lá, ar an meán.

Méadaítear an baol atá roimh othair aosta nuair a thagann siad i láthair i rannóga éigeandála go mbeidh siad thíos le drocheachtra, cosúil le hothras brú, ionfhabhtú, drocheachtra dhrugaí, meath feidhmiúil, rámhaille nó titim. B’fhéidir nach mbeidh othair sásta, go mbeidh orthu fanacht san ospidéal ar feadh níos faide, go mbeidh mearbhall níos mó orthu nó gur mó an dóchúlacht go bhfaighidh siad bás dá bharr.

Níos Mó a Léamh

Líonra Foghlama an Chiste Lánpháirtíochta, Márta 2020

Bhailigh breis agus 180 duine thar thrí lá ón 2 go dtí an 4 of Márta sa Roinn Sláinte chun casadh lena chéile le haghaidh dara teacht le chéile Líonra Foghlama Chiste Lánpháirtíochta Sláintecare. Thit an rannpháirtíocht seo amach i gcaitheamh trí lá chun casadh le daoine ar bhonn téamach, bunaithe ar aiseolas ón imeacht a bhí ar siúl i mí na Nollag.

Seo a leanas téamaí gach cinn de na laethanta:

Dé Luain, an 2 Márta: “Nuálaíochtaí i gcúram a aistriú go dtí an pobal nó bearta seachanta ospidéil a sholáthar.

Dé Máirt, an 3 Márta: “Dea-chleachtas agus próisis chun galar ainsealach agus cúram daoine breacaosta a bhainistiú”.

Dé Céadaoin, an 4 Márta: “Rannpháirtíocht agus cumasú saoránach a chur chun cinn chun aire a thabhairt dá sláinte féin”.

Díríodh sa chéad leath de gach lá ar thionscadail a fuair nuashonruithe ar mheastóireacht, cumarsáid, agus tacaíochtaí atá ar fáil dóibh tríd an Líonra, cosúil le hacmhainní na Fondúireachta Idirnáisiúnta um Chúram Comhtháite (FICC) agus Treoir FSS maidir le Bainistíocht Athruithe.

Caitheadh an dara leath de gach lá ansin le líonrú a dhéanamh i measc tionscadal, agus athléimneacht a fhorbairt mar “déantóirí athraithe”.

Tháinig go leor tionscadal den Chiste Lánpháirtíochta aníos i rith na dtrí lá, iad siúd ina measc a oibríonn ar oideachas ar bhainistíocht péine, conairí cúraim, féinchúram ilghalracht, “ag maireachtáil go folláin” (“living well”), sláinte ghnéis mac léinn, meabhairshláinte an phobail, agus sláinte agus easpa dídine.