An Coiste Comhairleach um Othair Ailse

Bhunaigh an tAire Sláinte Coiste Comhairleach Othar Ailse, de réir Mholadh 39 den Straitéis Náisiúnta Ailse 2017-2026 ina bhfuil sé luaite:

Tá ionadaí ón Roinn Sláinte mar chathaoirleach ar an gCoiste agus tá 15 bhall ann a roghnaíodh tar éis ghlao na Roinne ar léirithe spéise sa bhallraíocht. Tá sé beartaithe go gcuirfidh an Coiste seo ionchur othar ar fáil maidir le maoirseacht ar chur i bhfeidhm na Straitéise agus i bhforbairt clár d’othair a bhfuil ailse orthu.

Miontuairiscí Chruinnithe an Choiste Chomhairligh Náisiúnta ar an Ailse

Tá léirithe spéise á lorg le haghaidh comhaltas de Choiste Comhairleach Othar Ailse, a chuireadh ar bun de réir Mholadh 39 den Straitéis Náisiúnta Ailse 2017-2026.

Moladh 39: Cuirfidh an Roinn Sláinte Coiste Comhairleach Othar Ailse ar bun chun ionchur a thabhairt nuair a bhíonn cláir á bhforbairt d’othair a bhfuil ailse orthu. Beidh an comhaltas den choiste sin ag teacht le cineál éagsúil na n-othar a bhfuil tionchar á imirt ag an ailse ar a saol agus cinnteoidh sé go ndéanfar ionadaíocht do na riachtanais atá ag othair a chónaíonn i gceantair iargúlta.

Den chuid is mó, beimid ar lorg daoine a bhfuil taithí dhíreach acu ar chóireáil ailse mar othar. Mar sin féin, d’fhéadfadh go ndéanfaí comhaltaí de dhaoine a thug tacaíocht do bhall teaghlaigh nó do dhlúthchara le linn cóireáil ailse roimhe seo nó de dhaoine a thugann tacaíocht d’othair ailse mar chuid dá bpost freisin.

Aon daoine atá ag iarraidh léiriú spéise a chur in iúl ina bheith ina gcomhalta den Choiste, iarrtar orthu an fhoirm ‘Léirithe Spéise’ faoi iamh a chomhlánú agus í a sheoladh ar ais chugainn le ríomhphost CPAC2024@health.gov.ie faoin 15 Eanáir 2024.