An Cúigiú Tuarascáil Bhliantúil ar an Acht um Chosaint na Beatha le linn Toirchis 2013
- Foilsithe: 27 Meitheamh 2019
- An t-eolas is déanaí: 26 Deireadh Fómhair 2020
Tá an cúigiú tuarascáil bhliantúil ar an Acht um Chosaint na Beatha le linn Toircheas 2013 curtha faoi bhráid Thithe an Oireachtais mar a cheanglaítear faoi alt 20 den Acht. Clúdaíonn an tuarascáil an tréimhse ón 1 Eanáir 2018 go dtí an 31 Nollaig 2018.
Taispeánann an tuarascáil gur cuireadh tríocha a dó (32) nós imeachta míochaine i gcrích faoin Acht in 2018. Bhí ocht nós imeachta déag (18) ag eascairt as riosca breoiteachta corpartha faoi alt 7, trí cinn déag (13) ó éigeandálaí a d’eascair as breoiteacht choirp faoi alt 8 agus ceann (1) a eascraíonn as riosca ó fhéinmharú faoi alt 9 den Acht.
Tá an fhaisnéis a fhoilsítear ar na nósanna imeachta seo srianta d’fhonn an riosca aitheantais a theorannú in ábhar príobháideach, rúnda idir mná agus a ndochtúirí.
Chuir FSS tuarascáil isteach freisin de réir mar a cheanglaítear faoi alt 15 den Acht ar Athbhreithnithe a rinneadh in 2018. Tá an tuarascáil seo curtha os comhair Thithe an Oireachtais freisin.
Taispeánann tuarascáil FSS go ndearnadh iarratas amháin (1) ar athbhreithniú chuig an bhFeidhmeannas in 2017. Deirtear ann go ndearnadh an t-athbhreithniú faoi alt 9 den Acht. Fuair an Coiste Athbhreithnithe gur chomhlíon an t-iarratas na critéir chun toircheas a fhoirceannadh faoin Acht.
Áiríodh san Acht Sláinte (Rialú Foirceannadh Toircheas) 2018 forálacha idirthréimhseacha chun cásanna a chlúdach ina raibh athbhreithniú ar siúl an tráth a tháinig Acht 2018 i bhfeidhm. Mar sin féin, ní dhearnadh aon athbhreithnithe den sórt sin le linn na céime seo, agus dá bhrí sin ní gá aon tuarascáil bhreise ar athbhreithnithe a chur isteach faoi Acht 2013.
Is í seo an tuarascáil bhliantúil dheiridh a fhoilseofar faoin Acht um Chosaint na Beatha le linn Toirchis 2013, a aisghaireadh faoi alt 5 den Acht Sláinte (Rialú Foirceannadh Toircheas) 2018.
Tá tuairisciú ar fhógraí a fuarthas agus athbhreithnithe arna gcoinneáil faoi théarmaí an Achta nua Sláinte (Rialú Foirceannadh Toircheas) 2018 le tosú in 2020, agus beidh na chéad tuarascálacha bliantúla le leagan os comhair Thithe an Oireachtais an 30 Samhain nó roimhe. 2020. Foilseofar an dá thuarascáil a luaithe is féidir ina dhiaidh sin.
