Athbhreithniú Meántéarma: straitéis náisiúnta drugaí, Díobháil a Laghdú, Cabhrú le Téarnamh

Sa straitéis náisiúnta drugaí, Díobháil a Laghdú, Cabhrú le Téarnamh, leagtar amach beartas an rialtais maidir le húsáid drugaí agus alcóil don tréimhse 2017 go 2025. Soláthraíonn an straitéis cur chuige comhtháite faoi threoir sláinte maidir le húsáid drugaí agus alcóil, dírithe ar na díobhálacha do dhaoine aonair a laghdú, teaghlaigh agus pobail agus athshlánú agus téarnamh a chur chun cinn.

Is straitéis dhinimiciúil í Díobháil a Laghdú, Cabhrú le Téarnamh, agus mapáladh sraith de 50 gníomh comhtháite agus idirghabhálacha iomlánaíoch atá le seachadadh thar an tréimhse 2017-2020.

Tugann an straitéis an deis chun tuilleadh gníomhaíochtaí a fhorbairt ó 2021 go 2025 chun aghaidh a thabhairt ar riachtanais a d’fhéadfadh teacht chun cinn níos déanaí i saolré na straitéise. Chuir an Roinn críoch le hathbhreithniú meántéarma ar ghníomhartha na straitéise, i gcomhairle le páirtithe leasmhara. Thug an t-athbhreithniú deis machnamh a dhéanamh ar an dul chun cinn maidir le cur i bhfeidhm na straitéise ó 2017 go 2020, an dul chun cinn atá déanta go dtí seo faoin bplean gníomhaíochta, chun aon saincheisteanna nua a tháinig chun cinn ó seoladh an straitéis a aithint lena n-áirítear tionchar Covid-19 agus chun machnamh a dhéanamh ar ghníomhartha nua a fhorbairt don chuid eile den straitéis chun aghaidh a thabhairt ar riachtanais agus ar dhúshláin atá ag teacht chun cinn.