Foilsíonn an tAire Meabhairshláinte agus Daoine Scothaosta tuarascáil chun bonn eolais a chur faoi fhorbairt bheartas náisiúnta meabhairshláinte na hÉireann

Mar chuid den obair leanúnach chun tionchar den chur i bhfeidhm de ComhfhísComhfhís, beartas náisiúnta meabhairshláinte na hÉireann, a thomhas, d'fhógair an tAire Meabhairshláinte agus Daoine Scothaosta, Mary Butler TD, foilseachán tuarascála dar teideal “Táscairí a bhaineann le meabhairshláinte chun feidhmíocht agus tionchar an bheartais mheabhairshláinte a thomhas: coimre fianaise". Choimisiúnaigh an Roinn Sláinte an taighde agus rinne an Bord Taighde Sláinte (HRB) é.

Chun bonn eolais a chur faoi fhorbairt sraith táscairí toraidh chun feidhmíocht agus tionchar bheartas náisiúnta meabhairshláinte na hÉireann a mheas, déanann tuarascáil an lae inniu athbhreithniú ar tháscairí toraidh meabhairshláinte a úsáidtear go hidirnáisiúnta mar chuid de chleachtadh scóipe.

Dúirt an tAire Butler “Tá áthas orm an píosa taighde uathúil seo a fhoilsiú a bhreathnaíonn, den chéad uair, ar an gceist phraiticiúil maidir leis an mbealach is fearr chun tionchar den chur i bhfeidhm an bheartais mheabhairshláinte a thomhas. Soláthraíonn an taighde samplaí de dhea-chleachtas idirnáisiúnta chun ár smaointeoireacht a threorú agus muid ag leanúint ar aghaidh ag brú feabhsuithe chun cinn ar fud sholáthar na seirbhísí meabhairshláinte go léir in Éirinn. Beidh an taighde seo mar bhonn le cleachtadh i bhfad níos leithne chun bealaí oibiachtúla a fhorbairt chun an rath de chur i bhfeidhm beartais a thomhas do Comhfhís agus táim ar bís le dul chun cinn na hoibre seo a fheiceáil sna míonna agus sna blianta amach romhainn.”

Tá dlúthbhaint ag an bpíosa taighde a foilsíodh inniu le cur i bhfeidhm Mholadh 77 de Comhfhís, a fhéachann le modh caighdeánaithe a fhorbairt chun tionchar an Bheartais a thomhas thar a shaolré.

Táthar ag súil go gcuirfidh an taighde seo le tomhas agus measúnú láidir a dhéanamh ar chur i bhfeidhm Comhfhís de réir mar a théann an polasaí ar aghaidh.

Tá sé mar aidhm ag Comhfhís feabhas a chur ar sholáthar seirbhísí agus ar thacaíochtaí meabhairshláinte trasna leanúntas leathan – ó chur chun cinn na meabhairshláinte, cosc, agus idirghabháil luath go seachadadh seirbhísí géarmhíochaine agus seirbhísí speisialtóra meabhairshláinte le linn na tréimhse 2020-2030.