Grúpa Comhairleach um Cheantair Sláinte FSS
- Foilsithe: 9 Feabhra 2022
- An t-eolas is déanaí: 18 Nollaig 2024
Cuireann an Grúpa Comhairleach um Cheantair Sláinte FSS(ar a thugtaí Grúpa Comhairleach um Cheantair Sláinte Réigiúnacha nó RHAnna) treoir, tacaíocht agus comhairle ar fáil maidir le dearadh agus forbairt plean soiléir forfheidhmithe do Cheantair Sláinte FSS d’oifigigh na Roinne Sláinte agus FSS atá freagrach as an gclár oibre seo a chur i bhfeidhm faoi Sláintecare. Is í an aidhm atá leis seo ná aistriú indéanta agus soláimhsithe a éascú i dtreo Cheantair Sláinte chomhtháite, áitiúla atá cumasaithe agus cuntasach.
Tugann an Grúpa Comhairleach um Cheantair Sláinte FSS raon de léargais agus de shaineolas ón earnáil chúraim shláinte agus shóisialta le chéile. Ceapadh 17 gcomhalta ar an nGrúpa Comhairleach um Cheantair Sláinte FSS ar feadh tréimhse bliana dar tosach 21 Nollaig 2021.
Tá ballraíocht an Ghrúpa Comhairleach um Cheantair Sláinte FSS, beathaisnéisí iomlána na mball, a théarmaí tagartha, agus nótaí cruinnithe ar fáil thíos.
