N Clár Iniúchta Speisialta an Chiste Náisiúnta um Cheannach Cóireála 2018

Tá ról lárnach ag feidhm iniúchta an NTPF maidir le dearbhú oibiachtúil neamhspleách a sholáthar go bhfuil cáilíocht agus cruinneas na sonraí liostaí feithimh ospidéil a chuireann ospidéil ar ais ag teacht le prótacail náisiúnta bainistíochta liostaí feithimh. Tá sé i gceist ag na prótacail náisiúnta a chinntiú go bhfuil cur chuige comhsheasmhach caighdeánaithe ann maidir le bainistíocht agus sceidealú othar ar liostaí feithimh ospidéil.

Rinne an Ciste Náisiúnta um Cheannach Cóireála (NTPF) roinnt Iniúchtaí Speisialta in 2017 tar éis an chraolta Primetime ‘Living on the List’.

Ag an am, mheas an Roinn Sláinte go raibh torthaí na n-iniúchtaí sin ina dtásc ar shaincheisteanna féideartha bainistíochta liosta feithimh ar fud chóras iomlán na n-ospidéal géarmhíochaine poiblí. Ar an gcúis seo, d’iarr an Roinn ar an NTPF Clár Iniúchta Speisialta 2017 a leathnú chun ospidéil ghéarmhíochaine phoiblí eile a chumhdach in 2018.

Faoi Chlár Iniúchta NTPF 2018, rinneadh iniúchadh ar naoi n-ospidéal thar an tréimhse Eanáir-Samhain 2018.

Rinne an t-iniúchadh athbhreithniú ar chonair iomlán liosta feithimh na n-othar a sainaithníodh sna samplaí randamacha. Go háirithe, leagadh béim ar thástáil gabhálacha dáta agus cumarsáid le hothair le linn a gcuid ama feithimh, de réir prótacal náisiúnta.

Cuimsíonn an Tuarascáil Iniúchta Speisialta:

• Tuarascáil fhorbhreathnaithe don Aire Sláinte, ag leagan amach príomhthorthaí an NTPF maidir le bainistíocht liostaí feithimh, agus moltaí maidir le gníomhaíochtaí chun bainistíocht liostaí feithimh ar leibhéal an chórais a fheabhsú, agus
• Tuarascálacha Iniúchta maidir le cleachtais bhainistíochta liostaí feithimh naoi n-ospidéal aonair

Fáiltíonn FSS ina freagra ar thorthaí an iniúchta, go bhfáiltíonn sí gur ghlac na naoi n-ospidéal a ndearnadh iniúchadh orthu torthaí na dtuarascálacha iniúchta agus go bhfuil dul chun cinn suntasach déanta acu maidir leis na moltaí atá sna tuarascálacha a chur i bhfeidhm.

Gheall FSS freisin dearbhú a lorg maidir le cur i bhfeidhm na moltaí aitheanta a bhaineann go sonrach le gach ospidéal ó Phríomhfheidhmeannaigh an Ghrúpa Ospidéil.

D'ordaigh an tAire Sláinte dá oifigigh Roinne monatóireacht a dhéanamh ar chur i bhfeidhm na n-ospidéal ar na príomh-mholtaí trí na meicníochtaí maoirseachta atá faoi stiúir na Roinne agus a chuimsíonn FSS agus an NTPF.