Plean Náisiúnta Galar Neamhchoitianta d’Éirinn 2014 - 2018

Is creat beartais cineálach é seo do ghalair neamhchoitianta. Tá a raon feidhme leathan agus baineann sé le gach galar neamhchoitianta, a bhféadfadh suas le 8,000 galar a bheith ann a théann i bhfeidhm ar na milliúin saoránach AE.

Samhlaíonn an creat beartais seo cur chuige comhcheangailte lenár gcomhpháirtithe AE agus Tuaisceart Éireann chun daoine le galair neamhchoitianta a dhiagnóisiú agus a chóireáil. Ní mór dúinn naisc le háiseanna agus institiúidí i dtíortha eile a dhoimhniú ina bhfuil sainseirbhísí ar fáil a d’fhéadfadh a bheith as láthair in Éirinn.

Déanann an plean mionléiriú ar rannpháirtíocht na hÉireann i Líonraí Tagartha Eorpacha, is é sin líonrú eolais agus saineolais trí ionaid tagartha agus foirne saineolaithe. Cuirtear béim ar na naisc seo sa tuarascáil chun aghaidh a thabhairt ar chúram othar a bhfuil galair neamhchoitianta orthu ar leibhéal náisiúnta agus Eorpach.