Ceapacháin chuig Seirbhís Fuilaistriúcháin na hÉireann:

Tar éis feachtas Ceapacháin Seirbhíse Poiblí tá na comhaltaí seo a leanas ceaptha ag an Aire Sláinte, Stephen Donnelly T.D. ar Bhord Sheirbhís Fuilaistriúcháin na hÉireann le héifeacht ón 20ú Iúil 2023 go dtí an 19ú Iúil 2026.

Cógaiseoir trí oiliúint le breis agus 35 bliain de thaithí i róil cheannaireachta shinsearacha san Údarás Rialála Táirgí Sláinte (ÚRTS) agus cuideachtaí ilnáisiúnta gorm-sliseanna mar Grifols agus Jazz Pharmaceuticals Ltd. Speisialtóireacht shonrach i nGnóthaí Rialachais, Cáilíochta agus Rialála agus stair de threoir straitéiseach cáilíochta domhanda a sholáthar agus foirne ardfheidhmíochta a thógáil. Ag obair anois mar chomhairleoir neamhspleách ag soláthar seirbhísí Cáilíochta agus Rialála do na hearnálacha MedTech agus Cógaisíochta in Éirinn agus go hidirnáisiúnta.

Chaith Ann 18 mbliana forásacha ag an ÚRTS agus bhí sí ina Stiúrthóir Feistí Leighis agus ina dhiaidh sin ina Stiúrthóir Clárúcháin agus Ceadúnaithe Táirgí Daonna agus bhí sí ina ball den Choiste Feidhmiúcháin. Chuir sí comhairle ar fáil go rialta agus d’fhreastail sí ar na Coistí Comhairleacha a thuairiscigh don Bhord agus do Ghrúpaí Saineolaithe an AE freisin. Bhí sí freagrach as bunú an Údaráis Inniúil in Éirinn le haghaidh feistí leighis agus feistí leighis diagnóiseacha in-vitro i 2001.

I measc na rólanna tionscail tá Stiúrthóir Feidhmiúcháin, Oibríochtaí Cáilíochta Domhanda, Jazz Pharmaceuticals a sholáthraíonn ceannaireacht chaighdeán domhanda sa spás déantúsaíochta seachtrach le freagracht as gníomhaíochtaí Forbartha, Tráchtála agus Rialaithe Cáilíochta. Bhainistigh Ann punann éagsúil táirgí agus láithreacha Foirne. Bhí sí ina ball gníomhach den Fhoireann Ceannaireachta Cáilíochta Domhanda. Roimhe sin bhí Ann ina Stiúrthóir Teicniúil ag Grifols Worldwide Operations Ltd atá lonnaithe in Éirinn agus bhí sí freagrach as an suíomh domhanda nua a bhunú agus d’éirigh léi gach eochaircheadúnas a fháil chun oibriú go domhanda. Bhí sí ina ball den Choiste Feidhmiúcháin Domhanda freisin.

Is Abhcóide agus speisialtóir AD agus dlí fostaíochta í Una Clifford. Bhí sí i gceannas ar fheidhmeanna AD le fiche bliain sular bunaíodh í mar Chomhairleoir cúig bliana ó shin. Bainistíonn a gnó, HR Nua, punann cliant anois ó na hearnálacha Gnóthais Bheaga agus Mheánmhéide, comhad, IDI agus neamhbhrabúis. Tá eolas fairsing aici ar chleachtais AD “dea-chleachtais” agus threoraigh sí a cuid cliant trí go leor tionscnamh um athrú straitéiseach go hinmheánach agus mar chomhairleoir. I gColáiste na hOllscoile Corcaigh a bhí a cuid oideachais tosaigh áit ar bhain sí céimeanna sa Dlí agus sa Tráchtáil araon.

Tá Stephen O’Hare ina Stiúrthóir Feidhmiúcháin ar HIV Ireland, eagraíocht phobail neamhbhrabúis atá dírithe go náisiúnta le stádas carthanachta, a oibríonn chun deireadh a chur le tarchuir nua VEID agus cearta daoine a bhfuil VEID acu in Éirinn a chur chun cinn. Tá sé ina Chathaoirleach ar Bhord Comhairleach Pobail PPI don Líonra Trialacha Cliniciúla na hÉireann - um Ghalair Thógálacha (ID-CTNI) faoi stiúir CEPHR COBÁC agus Comh-Chathaoirleach ar Ghrúpa Stiúrtha Cathracha Modh-Mear Bhaile Átha Cliath. Sula theacht isteach le HIV Ireland in 2019, bhí Stephen ina Stiúrthóir Feidhmiúcháin ar Líonra na hÉireann um Chomhionannas Trasinscne (2017 - 2019) agus Bainisteoir Sinsearach Clár Beartais/Stiúrthóir ar Thionscadail Eorpacha ag Comhairle na hÉireann um Shaoirsí Sibhialta (2010 - 2017). Is abhcóide agus taighdeoir sóisialta cáilithe é Stephen. D’oibrigh sé go forleathan ar chearta daonna straitéiseacha agus ar chúrsaí beartais a bhaineann le sláinte le roinnt eagraíochtaí reachtúla agus neamhreachtúla lena n-áirítear saincheisteanna a bhaineann le sláinte, aosú agus daoine scothaosta, an Lucht Siúil agus na Romaigh, agus an pobal LADTI+.

Tá an Dochtúir Sharon Sheehan athceaptha ag an Aire Sláinte, Stephen Donnelly T.D. ar Bhord Fuilaistriúcháin na hÉireann ar feadh tréimhse trí bliana ón 5ú Deireadh Fómhair 2023 go dtí an 4ú Deireadh Fómhair 2026.

Is Cnáimhseoir agus Gínéiceolaí í an Dochtúir Sharon Rachel Sheehan in Ospidéal Ollscoile an Choim do Mhná agus do Naíonáin. Bhain an Dochtúir Sheehan céim amach ó Scoil an Leighis i UCD i 1998. Ón am sin, d’oibrigh sí in Ospidéal Máithreachais Réigiúnach Luimnigh, Ospidéal Náisiúnta Máithreachais, Ospidéal an Rotunda, Ospidéal Ollscoile an Choim do Mhná agus do Naíonáin agus Ospidéal St Michael’s, Bristol.

Bá í an Dochtúir Sheehan an chéad Mháistir baineann d’Ospidéal Ollscoile an Choim do Mhná agus do Naíonáin agus bhí sí sa phost sin ó 2013 go dtí deireadh 2019. Ba í a fócas mar Mháistir ná sábháilteacht othar a fheabhsú agus tógáil ar an straitéis fhadtéarmach don ospidéal.

Tá an Dochtúir Sheehan ina comhalta de Choláiste Ríoga na Lianna in Éirinn agus Coláiste Ríoga na gCnáimhseoirí agus na Gínéiceolaithe R.A. Tá sí ina Cathaoirleach de Ghrúpa Athbhreithnithe Rialachais Institiúid na gCnáimhseoirí agus na Gínéiceolaithe, Coláiste Ríoga na Lianna in Éirinn.

Bhí an Dochtúir Sheehan ina comhalta de Ghrúpa Stiúrtha na Straitéise Máithreachais Náisiúnta a tháirg an chéad Straitéis Mháithreachais in Éirinn – “Ag Cruthú Todhchaí Níos Fearr Le Chéile: Straitéis Náisiúnta Máithreachais 2016-2026”