Ceapachán ar Chomhairle na nDochtúirí Leighis

Ar ainmniú na Comhairle um Ghairmithe Sláinte agus Cúraim Shóisialaigh, tá an duine a leanas ceaptha ag an Aire Sláinte, Stephen Donnelly TD, mar chomhalta ar Chomhairle na nDochtúirí Leighis ó 27 Lúnasa go dtí 31 Bealtaine 2026:

Marie Culliton

Is Eolaí Leighis í Marie ó thaobh gairme de, agus is í an Bainisteoir Saotharlainne ag an Ospidéal Náisiúnta Máithreachais. Bhain sí céim amach ó chlár Eolaíochta Bithleighis in Institiúid Teicneolaíochta Bhaile Átha Cliath, agus tá MSc aici sa Bhithcheimic Cliniciúil ó Choláiste na Tríonóide, Baile Átha Cliath agus MBA i mBainistíocht Cúraim Sláinte ón gColáiste Ollscoile, Baile Átha Cliath.

Tá am caite ag Marie ar Bhoird Náisiúnta agus Idirnáisiúnta, agus bhí sí ina hUachtarán ar Acadamh na hEolaíochta Cliniciúla agus an Leighis Saotharlainne, ina hUachtarán ar an gComhlachas Eorpach um Ghairmeacha san Eolaíocht Bhithleighis agus ina Leaschathaoirleach ar Chomhairle CORU (Rialálaí Sláinte agus Cúraim Shóisialta). Is í an Cathaoirleach reatha ar Bhord Clárúcháin na nEolaithe Míochaine agus Uachtarán Tofa an Chómhnaidhm Idirnáisiúnta um Eolaithe Saotharlainne Bithmhíochaine.

Creideann Marie go diongbháilte sa ról rítháchachtach atá ag Saotharlanna Diagnóiseacha Cliniciúla maidir le seirbhís archaighdeáin a sholáthar mar Chomhpháirtithe Diagnóiseacha sa Chúram Sláinte.