Ceapachán chuig Comhairle na nDochtúirí Leighis
- Foilsithe: 22 Samhain 2023
- An t-eolas is déanaí: 22 Samhain 2023
Tar éis ainmniúcháin ó Choláiste Ríoga Lianna na hÉireann (RCPI), tá an Dr Morgan Crowe ceaptha ag an Aire Sláinte Stephen Donnelly T.D., ar Bhord Chomhairle na nDochtúirí Leighis le héifeacht ón 13 ú Samhain 2023 go dtí an 31ú Bealtaine 2026.
Dr Morgan Crowe
Bhain an Dr Morgan Crowe céim amach sa leigheas ó Choláiste na hOllscoile, Baile Átha Cliath i 1974.
Tar éis poist ospidéil i mBaile Átha Cliath, rinne sé oiliúint i Leigheas Ginearálta agus Seanliachta ag Ospidéal John Radcliffe agus Ollscoil Oxford, RA. I 1987, ceapadh é ina Lia Comhairleach i Leigheas Ginearálta agus Seanliachta in Ospidéal Ollscoile Naomh Vincent agus in Ospidéal Naomh Columcilles, Baile Uí Lachnáin, a chuimsigh dualgais freisin in Ospidéal Naomh Colman, Ráth Droma agus san Ospidéal Ríoga, Domhnach Broc. Tar éis dó éirí as Ospidéal Naomh Vincent in 2015, d’fhill sé ar Oxford ar shabóid ceithre mhí ag Roinn na Néareolaíochta. Ó shin i leith, bhí poist aige mar lianna comhairliúcháin in Ospís Mhuire, Crosaire Araild, agus in Ospidéal Ríoga Dhomhnach Broc áit a leanann sé ag obair i gcáil oinigh. Glacann sé páirt freisin sa chlár teagaisc fochéime do mhic léinn leighis UCD agus is scrúdaitheoir é i mBallraíocht Scrúdú Cliniciúil Choláiste Ríoga na Lianna.