An Beartas Ailse

Díríonn an Straitéis Náisiúnta Ailse 2017 - 2026 ar an gcosc, ar an diagnóisiú luath, ar an gcóireáil agus ar cháilíocht na beatha.

Tá ceithre sprioc a bheidh ríthábhachtach chun an fhís seo a bhaint amach leagtha amach sa straitéis:

• na rátaí ailse a laghdú agus díriú ar éagothroime
• an cúram ailse is fearr a sholáthar
• cur leis an rannpháirtíocht othar agus le cáilíocht na beatha
• na heagraíochtaí agus na córais a fheabhsú

Léigh tuilleadh faoi seirbhísí ailse.

Foilsítear tuarascáil bhliantúil a leagann amach an dul chun cinn atá bainte amach maidir le 52 moladh na Straitéise Náisiúnta Ailse a chur i bhfeidhm agus a mhéid atá na príomhtháscairí feidhmíochta á gcomhlíonadh.

Léigh an tuarascáil is déanaí.

Is cuid thábhachtach den Straitéis Náisiúnta Ailse é tuairimí agus barúlacha an othair féin. Cuireann An Coiste Comhairleach d’Othair Ailse ionchur leanúnach ar fáil le haghaidh fhorbairt seirbhísí d’othair ailse.

Is éard is leaba ghréine ann ná aon aonad a úsáidtear chun an craiceann dath na gréine a chur ar a gcraiceann leis an radaíocht ultraivialait (UV). Is féidir leis an méid radaíochta UV a bhfaigheann tú ó leaba gréine a bheith 15 oiread níos airde ná an méid a gheofá ón ghrian ag meán lae sa Mheánmhuir.

Murab ionann agus a cheapfadh daoine áirithe, ní bealach níos sábháilte le tan a fháil é leaba gréine a úsáid. Déantar do chraiceann a neamhchosaint roimh ghhathanna UVA agus UVB leis. Téann gathanna UVA go domhain isteach sa chraiceann agus is féidir leo dochar fadtéarmach a dhéanamh do do chraiceann, tú a aosú agus roic a fhágáil ort. Bíonn gathanna UVB ina gcúis leis an dó gréine agus luasann siad próiseas aosaithe an chraiceann freisin.

Tá fianaise ann atá ag dul i méid i gcónaí go bhfuil baint ag úsáid leapacha gréine le riosca méadaithe den ailse craiceann chomh maith le fadhbanna sláinte eile. Dá bhrí sin, moltar gur cheart úsáid leaba gréine a theorannú agus í a thoirmeasc, i gcás leanaí.

Is éard is carcanaigin ann ná substaint atá in ann an ailse a chur i bhfíochán beo. Tá Gníomhaireacht Idirnáisiúnta na hEagraíochta Sláinte Domhanda um Thaighde ar Ailse tar éis úsáid leaba gréine a athaicmiú ó charcanaigin ghrúpa 2A (dóchúil le bheith carcanaigineach do dhaoine) go carcanaigin ghrúpa 1 (carcanaigineach do dhaoine).

San Acht Sláinte Poiblí (Leapacha Gréine) 2014 tarraingítear aird ar an gá atá leis an bpobal a chosaint ar an mbaol go ndéanfar díobháil dá gcraiceann agus don riosca méadaithe dóibh an ailse craicinn a fhorbairt. Tá sé mar aidhm aige freisin feasacht feabhsaithe a chur chun cinn i measc an phobail i ngach aoisghrúpa faoi na contúirtí atá i gceist go bhforbrófar an ailse craicinn, go dtéifear in aois roimh am agus go ndéanfar dochar do na súile mar gheall ar an neamhchosaint roimh gathanna UV.

Tá tuilleadh faisnéise don phobal agus don tionscal ar fáil, lena n-áirítear Ceisteanna Coitianta agus an treoir maidir le riachtanais leaba gréine a chomhlíonadh.