Cúram Sláinte Uilíoch a Sholáthar– 23 Éacht Sláinte in 2023

Táimid ag druidim níos gaire do chúram sláinte uilíoch, áit a bhfuil dul chun cinn suntasach déanta ó thaobh acmhainne de le hinfheistíocht spriocdhírithe in 2023 agus rochtain mhéadaithe ar chúram sláinte ardchaighdeáin inacmhainne.

1. Plean Gníomhaíochta um Liostaí Feithimh 2023

In 2023 chuir ár seirbhís sláinte cóireáil ar i bhfad níos mó othar:

• 3.6 milliún coinne othar seachtrach
• 1.8 milliún gnáthamh othar cónaitheach/cás lae
• Baineadh 187,000 othar níos mó de na liostaí feithimh ná mar a bhí in 2022

Agus tá an sprioc bainte amach againn maidir le laghdú 10% ar líon na n-othar a sháraíonn an t-am feithimh 10/12 seachtaine.

2. Conradh Comhairleoirí Poiblí Amháin

Shínigh 1,250 comhairleoir ospidéil an Conradh Comhairleoirí Poiblí amháin a tugadh isteach i mí an Mhárta 2023. Cabhróidh sé seo le níos mó cúraim a sheachadadh sa tráthnóna agus ag an deireadh seachtaine.

3. Leathnú ar chúram liachleachtóir ginearálta

Tháinig 500,000 duine sa bhreis incháilithe do chúram liachleachtóir ginearálta saor in aisce in 2023. Cáilíonn gach leanbh 6 agus 7 mbliana d'aois agus gach duine a thuilleann suas go dtí an t-ioncam meánach do Chártaí Cuairte Dochtúra.

4. Deireadh a chur le Táillí Othar Cónaitheach Ospidéil Phoiblí

Cuireadh deireadh le táillí othar cónaitheach ospidéil phoiblí do dhaoine fásta i mí Aibreáin – rud a shábháil othair suas le €800 in aghaidh na bliana.

5.Atáirgeadh Daonna Cuidithe

I mí Mheán Fómhair cuireadh cóireáil Atáirgeadh Daonna Cuidithe arna maoiniú go poiblí lena n-áirítear IVF ar fáil den chéad uair in Éirinn. Bainfidh suas le 3,000 lánúin in aghaidh na bliana leas as an tseirbhís trína Liachleachtóir Ginearálta agus sé chlinic torthúlachta réigiúnacha.

6. Lucht Saothair

Ó 2020 i leith tá 25,239 oibrí cúram sláinte breise curtha leis againn, lena n-áirítear:

• 7,510 altra agus bean chabhrach
• 3,881 gairmí sláinte agus cúraim shóisialta
• 2,859 dochtúir agus fiaclóir

7. Cúram Baile

Cuirfear 21.5 milliún uair cúram baile ar fáil in 2023 agus táthar ag súil go n-ardóidh sé seo go 22 milliún uair in 2024.

8. Frithghiniúint Saor in aisce

Leathnaíodh an scéim frithghiniúna saor in aisce ar feadh 2023 agus tá sé ar fáil do gach bean idir 17 – 30 bliain d’aois. Bhain os cionn 170,000 bean leas as. Leathnófar é chuig mná atá 31 bliain d’aois an 1 Eanáir 2024.

9. Deireadh a chur le hAilse Cheirbheacs

Tá Éire ar cheann de na chéad tíortha ar domhan le 2040 a shocrú mar an bhliain inar féidir linn deireadh a chur le hailse cheirbheacs - rud a chiallaíonn gur féidir le leanaí a rugadh inniu aosacht a bhaint amach san áit a bhfuil an ailse seo imithe. Leathnaíodh an Clár Athdheise Vacsaín HPV Laura Brennan le linn 2023 freisin – ag tairiscint vacsaíní HPV saor in aisce do mhná agus d’fhir óga nach bhfuair ar scoil é.

10. Vápáil

Tá cosc curtha againn ar tháirgí vápáil a dhíol leo siúd faoi bhun 18 mbliana d’aois. Cuirfear srianta breise ar vhápáil agus ar chaitheamh tobac i bhfeidhm in 2024. Sheolamar comhairliúchán poiblí freisin ar shrianta breise féideartha.

11. Foirceannadh Toirchis

Soláthraíonn 17 ospidéal máithreachais seirbhísí um fhoirceannadh toirchis iomlán anois – méadú de chúig cinn i mbliana. Cuirfidh an dá aonad máithreachais deiridh seirbhísí iomlána ar fáil in 2024.

12. Criosanna Rochtana Sábháilte

Ritheadh an Bille Sláinte (Foirceannadh Toirchis FT) (Criosanna Rochtana Sábháilte) 2023 gach céim sa Dáil agus sa Dara Céim sa Seanad in 2023. Léiríonn sé seo céim shuntasach chun tosaigh maidir le rochtain shábháilte ar sheirbhísí le dínit agus príobháideacht a chinntiú.

13. Bochtaineacht Mhíosta

Seoladh maoiniú €814,000 d’údaráis áitiúla agus d’Eagraíochtaí Neamhrialtasacha chun táirgí míostrú agus meaisíní díoltóireachta saor in aisce a cheannach, le húsáid in oifigí poiblí, i bhfoirgnimh agus i saoráidí poiblí.

14. Áiteanna Oiliúna do Mhic Léinn a Mhéadú

Cuireadh 662 áit bhreise mac léinn ar fáil san Earnáil Ardoideachais ar chúrsaí sláinte sa bhliain acadúil seo, lena n-áirítear 200 áit do mhic léinn ar fud na ngairmeacha Altranais agus Cnáimhseachais agus Teiripe i dTuaisceart Éireann.

15. Ospidéil Mháithreachais Náisiúnta

Cheadaigh an Rialtas tairiscint a dhéanamh don Ospidéal Náisiúnta Máithreachais nua i bPáirc an Leamháin. Cuireadh tús freisin le hobair chun an suíomh a ghlanadh agus ceithre sheirbhís ar an láithreán le bogadh go ceantair eile.

16. Moil Máinliachta

Sa bhliain 2023 fógraíodh go raibh forbairt ar shé ‘Mhoil Mháinliachta’ nua. Beidh tionchar ag na moil seo – i mBaile Átha Cliath, i gCorcaigh, i bPort Láirge, i Luimneach agus i nGaillimh – ar liostaí feithimh cásanna lae sula ndéanfar forbairt ar ospidéil roghnacha réigiúnacha.

17. Néaltrú

Seoladh Múnla Cúraim don Néaltrú i mBealtaine 2023 le €4.9 milliún i maoiniú ón rialtas.

18. Cógais Nua

I mí na Nollag fógraíodh €20 milliún de mhaoiniú do chógais nua in 2024. Tá an maoiniú seo sa bhreis ar an líon is airde riamh, beagnach €3 billiún atá á chaitheamh i mbliana ar chógais. Faomhadh 36 leigheas in 2023, lena n-áirítear 15 leigheas nua. Ceadaíodh 21 leigheas reatha eile le haghaidh úsáidí nua.

19. Tionscnamh Liosta Feithimh Ortadóntaic 2023

€10 milliún i maoiniú chun aghaidh a thabhairt ar liostaí feithimh cóireála ortadóntaic i mbliana.

20. Straitéis Náisiúnta Drugaí

Cuireadh cóir leighis ar 12,009 duine le haghaidh fadhbúsáide drugaí in 2023 suas ó 10,769 in 2021.

21. Ardán Measúnaithe Feidhmíochta an Chórais Sláinte (HSPA)

Seoladh ardán HSPA i mí an Mheithimh 2023 chun cuntasacht agus trédhearcacht na seirbhíse sláinte a fheabhsú.

22. An Straitéis Náisiúnta chun Leigheas Géiniteach agus Géanómach a Luathú in Éirinn

Leithdháileadh €2.7 milliún i mí Dheireadh Fómhair chun Oifig Náisiúnta Géineolaíochta agus Géanómaíochta a bhunú.

23. Éire Shláintiúil

In 2023 leithdháileadh €1 milliún breise de mhaoiniú breise chun tuilleadh tacaíochta a thabhairt do thástála baile ar Ionfhabhtuithe Gnéas-Tarchurtha (STI).