Cuireann an tAire Sláinte tús le Scéim Ex-Gratia an Bháis ag an Obair d’Oibrithe Cúram na Sláinte

D'oscail an tAire Sláinte, Stephen Donnelly TD, Scéim Ex-Gratia an Bháis ag an Obair le haghaidh iarratas a ghlacadh.

Tar éis don Chomh-aireacht an scéim a cheadú i mí Mhárta na bliana seo, thosaigh an Roinn Sláinte ag obair le Pobal chun próiseas simplí an iarratais a chur i bhfeidhm do na teaghlaigh lena bhaineann. Sé atá ann ná íocaíocht €100,000 saor ó cháin le heastát aon oibrí cúram na sláinte a fuair bás tar éis dó an COVID-19 a fháil i gcaitheamh a chuid oibre.

Leagtar an incháilitheacht síos go ginearálta agus cuimsíonn sí gach oibrí cúram na sláinte an ainmníodh mar ‘riachtanach’ le linn na gcéad chéimeanna den phaindéim. Áirítear leis seo Dochtúirí Teaghlaigh agus na daoine eile ag obair sa phríomhchúram príomhúil, ina measc baill foirne riaracháin. Áiríonn sé freisin foirne seirbhísí an mhíchumais chomh maith le baill foirne phríobháideach sna tithe altranais agus ar fud córais cúram na sláinte (féach ar an liosta iomlán thíos).

Tá an íocaíocht seo sa bhreis ar aon socruithe eile a d’fhéadfadh a bheith ag éinne nó ar aon sochar a d’fhéadfadh a bheith iníoctha leis ar a bhás agus níl tionchar aici ar a chearta dlíthiúla. Déanfar í i dteannta le haon sochar eile a d’fhéadfadh a bheith iníoctha agus tá sí oscailte do theaghlach an oibrithe ar fud córais cúram na sláinte atá tar éis bás a fháil.

Dúirt an tAire Donnelly:

Déanfar iarratais ar scéim an Bháis ag an Obair trí Phobal, atá ag obair thar ceann an Rialtais chun tacú leis na pobail agus leis na gníomhaireachtaí áitiúla d'fhonn an chuimsiú sóisialta agus forbartha a bhaint amach. Tá taithí suntasach ag Pobal ar bhainistiú scéimeanna na híocaíochta. D’fhéadfadh roinnt éileamh a íoc ag deireadh na bliana 2022, ach ceaptar go n-íocfar an chuid is mó díobh sa bhlain 2023.

Tuairiscíonn Lárionad Faire um Chosaint Sláinte go bhfuair 23 oibrí cúram na sláinte bás tar éis dóibh COVID a fháil amhail an 17 Lúnasa 2022, agus gur tharla an chuid is mó de na básanna seo sa chéad bhliain den phaindéim:

• Beidh gach oibrí cúram na sláinte a mheastar a bheith ‘riachtanach’ le linn na chéad chéime den phaindéim in ann cáiliú.
• Déanfar básanna arb é COVID-19 cúis iomlán an bháis nó phríomhchúis an bháis AGUS a bhfuil an fhianaise ann go raibh an COVID-19 san ionad oibre timpeall am an ionfhabhtaithe, a cháiliú le haghaidh na híocaíochta.
• I gcúinsí ina bhfuil amhras faoin bhfianaise leighis, lorgóidh Pobal tuairim an Roinn Sláinte.
• I gcúinsí ina bhfuil amhras faoi chúis an scaipthe, lorgóidh Pobal fianaise ó shuíomh na fostaíochta agus ón iarrthóir.
• Ní dhéanfar íocaíochtaí ach le ‘Ionadaí Pearsanta Dlíthiúil’ an duine a fuair bás (sé sin, seiceadóir na huachta, nó riarthóir an eastáit sa chás go bhfuair an t-éagach bás gan tiomna).

Cé mhéad atá ar an íocaíocht

€100,000 chuig ionadaí pearsanta dlíthiúil (seiceadóir/riarthóir) an duine éagtha.

Conais is féidir le teaghlaigh incháilithe iarratas a dhéanamh

D'fhonn iarratas a dhéanamh, beidh ar an teaghlach foirm éilimh a líonadh isteach. Tá an fhoirm éilimh ar fáil anseo, agus ba chóir á léamh in éineacht le treoircháipéis an éilitheora. Is féidir an fhoirm éilimh chríochnaithe agus na cáipéisí tacaíochta a chur isteach chuig Pobal ar cheachtar de na bealaí seo a leanas

• Cóip scanta á chur isteach mar aon le cáipéisí tacaíochta ar rPhost chuig DIS@pobal.ie
• Déan gach cáipéis a sheoladh tríd an bPost chuig Pobal ag: Rannóg DIS Pobal, Foirgneamh 1000, Aonad 1102, Páirc Ghnó Gheata na Cathrach, Machan, Corcaigh T12 RY76.

Liosta iomlán catagóirí na n-oibrithe incháilithe

Déanfar an incháilitheacht a leathnú chuig eastát gach oibrí a bhí baint aige lena leithéid seo a leanas a chur ar fáil:

(a) seirbhísí ospidéil

(b) seirbhísí teiripe á gcur ar fáil ag comhalta de ghairm ainmnithe de réir bhrí alt 3 den Acht um Ghairmithe Sláinte agus Cúraim Shóisialaigh 2005 (Uimh. 27 de 2005)

(c) seirbhísí a mbaineann le sláinte an phobail, lena n-áirítear seirbhísí a bhaineann:

• (i) leo siúd a bhí i dteagmháil le daoine a diagnóisíodh, nó a raibh amhras fúthu a bheith ionfhabhtaithe leis an COVID-19 a shainaithint, a rianú agus teagmháil a dhéanamh leo, agus

• (ii) le tástáil iad siúd le haghaidh an COVID-19

(d) seirbhísí saotharlainne

(e) seirbhísí cóireála na ndrugaí agus na handúile

(f) seirbhísí ospíse

(g) seirbhísí na cógaisíochta

(h) an príomhchúram agus gníomhaíochtaí cleachtais liachta ginearálta agus speisialaithe

(i) seirbhísí na fiaclóireachta

(j) deonú na fola agus na seirbhísí lena bhaineann

(k) deonú an fíocháin nó an orgáin agus na seirbhísí lena mbaineann

(l) seirbhísí cúraim chónaithe (lena n-áirítear an cúram altranais, seirbhísí na meabhairshláinte agus mí-úsáid na substaintí, seirbhísí do dhaoine aosta agus do dhaoine faoi mhíchumas) agus seirbhísí cónaithe na leanaí

(m) cúram baile, cúnamh baile agus seirbhísí eile na sláinte sa phobal

(n) seirbhísí na oibre sóisialta agus an chúraim shóisialta, (lena n-áirítear seirbhísí an mhíchumais, seirbhísí na meabhairshláinte, seirbhísí cosanta agus leasa na leanaí, seirbhísí foréigean an bhaile, an ghnéis agus na hinscne) agus seirbhísí dóibh siúd gan dídean lena n-áirítear seirbhísí for-rochtana dóibh siúd gan dídean

(o) seirbhísí na paraimhíochaine, na n-otharcharr agus an chúraim réamh-ospidéil

(p) seirbhísí arna chur ar fáil ag na haonaid mhionghortuithe

(q) seirbhísí an mháithreachais

(r) seirbhísí sábháilteacht an bhia agus an chomhshaoil.