Fáiltíonn an tAire Sláinte, Stephen Donnelly TD roimh fhoilsiú ‘I dTreo Cistiú Daonra-Bhunaithe don tSláinte: Togra Samhla'.

D'fhoilsigh an tAire Sláinte Stephen Donnelly TD inniu, ‘I dTreo Cistiú Daonra-Bhunaithe do Shláinte: Togra Samhla’ mar chuid de phróiseas Athbhreithnithe Caiteachais 2022.

Tá samhail nua leithdháilte acmhainní daonra-bhunaithe (PBRA) ina cuid lárnach de chur i bhfeidhm an Limistéir Sláinte Réigiúnach (RHA). Cuireann an tAthbhreithniú Caiteachais seo leis an bhfianaise a theastaíonn chun tacú le cinnteoireacht ar an tsamhail cistithe daonra-bhunaithe is oiriúnaí le cur i bhfeidhm. Is samhail chistithe í PBRA do phleanáil sláinte a fhéachann le hacmhainní cúram sláinte atá ar fáil a dháileadh de réir riachtanas an daonra d'fhonn éifeachtúlacht agus cothromas a chur chun cinn i dtorthaí sláinte agus i ndáileadh acmhainní araon. Mar a shamhlaítear in Sláintecare, cuideoidh an t-athchóiriú seo linn éifeachtúlacht agus cothromas níos fearr a sholáthar inár seirbhís sláinte, aistriú a éascú i dtreo cur chuige níos daonra-bhunaithe i leith pleanáil agus cistiú na seirbhíse sláinte, agus cuirfidh sé ar ár gcumas aghaidh níos fearr a thabhairt ar na neamhionannais sláinte atá sa chóras sláinte.

Is é cuspóir an Athbhreithnithe Caiteachais seo rannchuidiú tuilleadh leis an bhforbairt fianaise is gá chun an tsamhail PBRA is iomchuí a bheidh le cur i bhfeidhm in 2024 a bhreithniú. Tá an tAthbhreithniú Caiteachais seo ar cheann de raon ionchur a bheidh mar bhonn eolais ag an tsamhail PBRA deiridh. Agus é bunaithe ar thorthaí Athbhreithnithe Caiteachais níos luaithe, molann an páipéar seo réamhshamhail PBRA lena cur i bhfeidhm agus soláthraíonn sé torthaí táscacha.

Molann an páipéar seo úsáid a bhaint as samhail chaipitíochta choigeartaithe riachtanas chun cistiú a leithdháileadh ar na RHAanna nua atá le bunú mar chuid d'athchóiriú Sláintecare. Déanann an tsamhail atá beartaithe daonraí RHA a choigeartú trí Innéacs Aoise-Gnéis, Innéacs Díthe, agus Innéacs Tuaithe. Tá torthaí shamhail PBRA a chuirtear i bhfeidhm sa pháipéar seo maidir le sciaranna caiteachais PBRA ‘treorach’ táscacha cosúil go ginearálta leis an leithdháileadh buiséid reatha ag RHA. Tá sé seo fíor go háirithe maidir leis na cláir mhóra chaiteachais Géarchúraim, Daoine Aosta, Meabhairshláinte agus Cúraim Phríomhúil.

I gcomhréir le dea-chleachtas idirnáisiúnta, moltar Grúpa Comhairleach buan a bhunú chun faireachán agus dearadh a dhéanamh ar PBRA. Moltar go bhfuil an Roinn Sláinte ina chathaoirleach ar an ngrúpa seo, agus go bhfuil baill de FSS, RHAanna, DoH, an Rialtas Láir ann, chomh maith le saineolaithe acadúla i réimse na samhlacha leithdháilte acmhainní sláinte. Ba cheart go mbeadh rúnaíocht iomchuí ag tacú leis an ngrúpa sin. Ba cheart obair uile an ghrúpa chomhairligh sin a chur ar fáil go poiblí i bhfoirm tuarascálacha mionsonraithe ar an bhfoirmle/modheolaíocht agus ar na sonraí a úsáidtear. Le bunú grúpaí den sórt sin beifear in ann an tsamhail a mhionchoigeartú mar chuid den Phlean Forfheidhmithe leanúnach.

D’fháiltigh an tAire Sláinte, Stephen Donnelly TD roimh an bhfoilseachán agus dúirt sé:

NÓTAÍ DON EAGARTHÓIR

Forléargas

• Tá athchóiriú substaintiúil á dhéanamh ar chóras cúram sláinte na hÉireann le tiomantas samhail nua Limistéir Sláinte Réigiúnacha (RHAanna) a chur i bhfeidhm le samhail Leithdháilte Acmhainní Daonra-Bhunaithe (PBRA) faoi 2024.
• Is samhail chistithe í PBRA a bhfuil sé mar chuspóir aici cistiú atá ar fáil a dháileadh go cothrom idir RHAanna de réir riachtanais choibhneasta a bpobal agus de réir an chostais choibhneasta a bhaineann le seirbhísí sláinte agus cúraim shóisialta a sholáthar chun freastal ar na riachtanais sin.
• Tá PBRA ceadaithe ag an Rialtas i bPlean Gníomhaíochta Sláintecare 2021-2023 agus mar chuid den Chás Gnó ar Limistéir Sláinte Réigiúnacha. Is moladh de Shuirbhé Eacnamaíoch na hÉireann an OECD í a thabhairt isteach freisin. Beidh Plean Forfheidhmithe atá le teacht faoi réir a fhaofa ag an Rialtas.

Rannchuidiú

• Is é cuspóir an Athbhreithnithe Caiteachais seo rannchuidiú tuilleadh leis an bhforbairt fianaise is gá chun an tsamhail PBRA is iomchuí a bheidh le cur i bhfeidhm in 2024 a bhreithniú.
• Mar bhonn eolais ag torthaí Johnston et al., (2021), agus McCarthy et al., (2022), molann an páipéar seo samhail PBRA lena cur i bhfeidhm agus soláthraíonn sé torthaí táscacha.
• Taispeánann an páipéar seo réamhthorthaí a léiríonn an sciar den chaiteachas a théann chuig gach RHA de réir leibhéal cláir ó 2016 – 2021, agus ‘scaireanna treorach’ a dhíorthaítear ón tsamhail.
• Cuirtear i láthair ann freisin moltaí maidir le conas ba cheart PBRA a rialú agus a bhainistiú.

Príomhthorthaí

• Moltar sa pháipéar seo úsáid a bhaint as samhail chaipitíochta choigeartaithe riachtanas chun cistiú a leithdháileadh ar na RHAnna. Déanann an tsamhail coigeartú ar sciaranna daonra RHA de réir Innéacs Aoise-Gnéis, Innéacs Díthe, agus Innéacs Tuaithe.
• I measc na bhfoinsí sonraí tá Daonáireamh 2022, Sonraí Caiteachais FSS, Innéacs Díthe HP Pobal, agus sonraí Aoise-Costais.
• Moltar gan ach caiteachas Géarmhíochaine agus Pobail FSS a bheith faoi réir PBRA sa ghearrthéarma agus sa mheántéarma.
• Léiríonn torthaí shamhail PBRA a chuirtear i bhfeidhm sa pháipéar seo go bhfuil sciaranna caiteachais PBRA ‘treoracha’ cosúil leis an leithdháileadh buiséid reatha ag RHA.

Moltaí

Bunaithe ar dhea-chleachtas idirnáisiúnta, déantar roinnt moltaí maidir le rialachas, bainistíocht agus nuashonrú samhail PBRA.

• Bunófar Grúpa Comhairleach buan chun samhail PBRA a dhearadh agus chun faireachán a dhéanamh uirthi. Tá an Roinn Sláinte ina cathaoirleach air agus tá páirtithe leasmhara éagsúla ann.
• Ba cheart Rúnaíocht feidhmithe a bhunú chun anailís dhomhain a dhéanamh agus chun cuidiú le feabhsú leanúnach na samhla.
• Ba cheart gach obair a bhaineann le Grúpa Comhairleach PBRA a chur ar fáil don phobal agus ba cheart rochtain a bheith air i bhfoirm tuarascálacha mionsonraithe foilsithe.