Fógraíonn an tAire Burke clubanna rathúla sa tionscnamh 'Healthy Ireland Walking Tracks' de chuid Cumann Rugbaí na hÉireann (IRFU) agus Cumann Peile na hÉireann (FAI)
- Foilsithe: 8 Deireadh Fómhair 2024
- An t-eolas is déanaí: 12 Aibreán 2025
D’fhógair an tAire Sláinte Poiblí, Folláine agus an Straitéis Náisiúnta Drugaí, Colm Burke, inniu na clubanna rathúla le haghaidh tionscnamh 'Healthy Ireland Walking Tracks' IRFU agus FAI. Roinn an dá eagraíocht i gciste €1 milliún a dearadh chun go mbeidh rochtain níos fearr ag gach duine sa phobal ar shaoráidí rian siúlóide ar thaobh na páirce.
Is é seo an dara céim den tionscnamh 'Healthy Ireland Walking Tracks', a thug maoiniú de €1.6 milliún do chlubanna CLG roimhe seo. Cuireann sé gníomhaíocht fhisiciúil mhéadaithe chun cinn i measc gach aoisghrúpa trí thacú le clubanna rianta siúlóide a uasghrádú chun inrochtaineacht a fheabhsú do dhaoine a bhfuil fadhbanna soghluaisteachta acu, mar shampla daoine scothaosta agus úsáideoirí cathaoireacha rothaí.
Leithdháileadh maoiniú do raon feabhsuithe, lena n-áirítear uasghrádú nó suiteáil soilsithe a dearadh chun na huaireanta úsáide a shíneadh go háirithe le linn oícheanta dorcha an gheimhridh. Tar éis dianphróiseas meastóireachta, cheadaigh an IRFU 21 chlub le haghaidh maoinithe agus 22 chlub ag an FAI. Bhí na deontais idir €10,000 agus €50,000. Tá liosta iomlán na gclubanna rathúla ar fáil thíos.
Dúirt an tAire Burke:
“Is sampla iontach é an tionscnamh seo den chaoi ar féidir prionsabail Healthy Ireland a úsáid chun tairbhí láithreacha agus marthanacha a sholáthar dár ndaonra.
“Is comhpháirt thábhachtach d’obair Healthy Ireland í an chomhpháirtíocht, toisc go bhfuil eagraíochtaí ar nós an IRFU agus an FAI in ann tionscnaimh a sholáthar a thacaíonn le sláinte agus folláine fheabhsaithe. Trí thacú le clubanna spóirt áiseanna sábháilte agus inrochtana a sholáthar do chách, táimid ag déanamh níos fusa do dhaoine dul lasmuigh agus aclaíocht a dhéanamh, agus teagmháil a dhéanamh le daoine eile ina bpobal, rud a laghdóidh leithlisiú sóisialta.
“Ba mhaith liom comhghairdeas a dhéanamh leis na clubanna ar éirigh leo as a gcuid moltaí nuálaíocha le haghaidh feabhsúchán rianta agus molaim do gach duine úsáid a bhaint as a rian siúil club áitiúil chun taitneamh a bhaint as gníomhaíocht fhisiciúil i spás sábháilte agus inrochtana.”
Dúirt Príomhfheidhmeannach an FAI, David Courell:
“Cabhróidh an maoiniú sin le feabhas a chur ar thailte ár gclub, ag cur saoráidí níos sábháilte agus níos cuimsithí ar fáil a rachaidh chun tairbhe pobail ar fud na hÉireann. Tacaíonn sé seo go díreach lenár bhFís Infheistíochta Saoráide agus lenár Straitéis trína chinntiú go bhfanann ár gclubanna mar phointí fócasacha do shláinte agus folláine. Ba mhaith liom buíochas a ghabháil leis an Aire Colm Burke, leis na foirne níos leithne ag Healthy Ireland, agus leis an Roinn Sláinte as a dtacaíocht agus a dtreoir leanúnach. Agus muid chun ár Straitéis um Fhreagracht Shóisialta Peile atá le teacht a sheoladh, beidh tionscadail den chineál seo lárnach dár dtiomantas chun rannpháirtíocht phobail a fheabhsú agus chun tacú le gníomhaíocht fhisiciúil ar fud na tíre.”
Dúirt Kevin Potts, Príomhfheidhmeannach an IRFU:
“Ba mhaith liom buíochas a ghabháil leis an Aire Burke agus lena Roinn as an maoiniú fáilteach seo a rachaidh chun tairbhe go mór do 21 Chlub Rugbaí. Tá a fhios againn go soláthraíonn clubanna seirbhís luachmhar do phobail áitiúla agus tá a gcumas áiseanna a fheabhsú, chun iad a dhéanamh níos sábháilte agus níos inrochtana, ríthábhachtach chun a dheimhniú go leanann siad ar aghaidh ag rathú agus ag nascadh. Táimid ag tnúth le fáiltiú roimh níos mó ball dár gclubanna de réir mar a bheidh an clár siúlóide ag leathnú.”
Eiseoidh Maxwell Photography na grianghraif
Nótaí don eagarthóir:
Liosta iomlán de chlubanna rathúla an IRFU agus an FAI.
Cumann Peile na hÉireann
| Ainm an Chlub | Méid |
|---|---|
| CLG Bhaile an Droichead, Co. Chill Dara | €25,000 |
| Club Peile Dhroim Bairr Aontaithe, Co. Dhún na nGall | €25,000 |
| CLG Chill Orglan, Co. Chiarraí | €25,000 |
| Cumann Peile Salthill Devon, Co. na Gaillimhe | €25,000 |
| Cumann Peile Letterkenny Rovers, Co. Dhún na nGall | €25,000 |
| Cumann Peile Mhainistir na Corann, Co. Chorcaí | €25,000 |
| Cumann Peile Cappry Rovers, Co. Dhún na nGall | €25,000 |
| Cumann Peile Parkvilla, Co. na Mí | €16,000 |
| Club Peile Colemanstown United, Co. na Gaillimhe | €25,000 |
| Club Peile CFCD/Colga, Co. na Gaillimhe | €25,000 |
| Club Peile Bhaile Mhic Andáin Aontaithe, Co. Chill Chainnigh | €25,000 |
| Club Peile Albion Rovers, Co. Lú | €11,000 |
| Cumann Peile Lúthchleas Forth Celtic, Co. Loch Garman | €11,000 |
| Cathair na Mart Aontaithe, Co. Mhaigh Eo | €25,000 |
| Cumann Peile Lúthchleas Curracloe Aontaithe, Co. Loch Garman | €25,000 |
| Cumann Peile Bhaile Chluain Eois, Co. Mhuineacháin | €12,000 |
| Club Peile Chill Ghlais/Inis Chrón Aontaithe, Co. Shligigh | €25,000 |
| Club Peile Lúthchleas Torro Aontaithe, Co. na Mí | €25,000 |
| Club Peile Bhealach an Doirín, Co. Ros Comáin | €25,000 |
| Club Peile Lúthchleas na Tulach Aontaithe, Co. an Chláir | €25,000 |
| Club Peile Castlebar Celtic, Co. Mhaigh Eo | €25,000 |
| Club Peile Mhuine Gall, Co. Mhaigh Eo | €25,000 |
| Iomlán | €500,000 |
Cumann Rugbaí na hÉireann
| Ainm an Chlub | Méid |
|---|---|
| Club Peile Rugbaí an Inbhir Mhóir, Co. Chill Mhantáin | €25,000 |
| Club Peile Rugbaí Bhaile Átha Í, Co. Chill Dara | €25,000 |
| Club Rugbaí Éadan Doire, Co. Uíbh Fhailí | €20,000 |
| Club Rugbaí an Mhuilinn gCearr, Co. na hIarmhí | €25,000 |
| Club Peile Rugbaí an Náis, Co. Chill Dara | €50,000 |
| Club Peile Rugbaí na hUaimhe, Co. na Mí | €20,000 |
| Club Peile Cúil an tSúdaire, Co. Laoise | €50,000 |
| Club Peile Rugbaí Ráth Droma, Co. Chill Mhantáin | €20,000 |
| Club Peile Rugbaí Ros Cré, Co. Thiobraid Árann | €25,000 |
| Club Peile Rugbaí Stigh Lorgan-Ráth Fearnáin, BÁC | €25,000 |
| Club Rugbaí Thulach Mhór, Co. Uíbh Fhailí | €25,000 |
| Club Rugbaí an Tulaigh, Co. Cheatharlach | €20,000 |
| Club Peile Garraí Eoghain, Co. Luimnigh | €10,000 |
| Club Peile Rugbaí Chill Áirne, Co. Chiarraí | €25,000 |
| Club Peile Rugbaí Chill Rois, Co. an Chláir | €25,000 |
| Club Peile Rugbaí Eochaill, Co. Chorcaí | €10,000 |
| Club Peile Rugbaí Bhéal Átha na Sluaighe, Co. na Gaillimhe | €10,000 |
| Club Peile Rugbaí Dhún Mór, Co. na Gaillimhe | €25,000 |
| Rugbaí Club Peile Galway Corinthians, Co. na Gaillimhe | €25,000 |
| Club Peile Rugbaí an Ghoirt, Co. na Gaillimhe | €10,000 |
| Club Peile Rugbaí Inis Eoghain, Co. Dhún na nGall | €25,000 |
| Iomlán | €495,000 |