Ráiteas ón bhFoireann Éigeandála Sláinte Poiblí Náisiúnta - Dé Domhnaigh, an 13 Nollaig 2020
- Foilsithe: 13 Nollaig 2020
- An t-eolas is déanaí: 11 Aibreán 2025
Cuireadh an tIonad Faireachais um Chosaint Sláinte ar an eolas ar 1 bhás bhreise a bhaineann le COVID-19.
Tá 2,124 duine, ar an iomlán, tar éis bás a fháil in Éirinn go dtí seo a bhain le COVID-19.
Amhail meán oíche Dé Sathairn, an 12 Nollaig, cuireadh an IFCS ar an eolas ar 429 cás deimhnithe de COVID-19. Tá 76,185 cás deimhnithe, ar an iomlán, de COVID-19 ann anois in Éirinn.
As na cásanna a cuireadh in iúl inniu:
- fir 198 díobh agus mná 230 díobh
- tá 66% díobh faoi 45 bliain d’aois
- is é 34 bliain an mheánaois
- tá 122 cás i mBaile Átha Cliath, 46 i nDún na nGall, 30 i Luimneach, 22 i Laois, 20 i gCorcaigh agus tá an fuílleach 189 cás leata i measc na gcontaetha eile go léir
Amhail 2pm inniu, tá 193 othar COVID-19 san ospidéal, agus tá 31 astu siúd san aonad dianchúraim. Tugadh 13 dhuine sa bhreis go dtí an t-ospidéal le 24 uair an chloig anuas.
Dúirt an Dr Tony Holohan, an Príomhoifigeach Leighis, an Roinn Sláinte:
"Táim buartha inniu go bhfuil leitheadúlacht COVID-19 ag fairsingiú arís. Líon mór cásanna é 429 i gcomparáid leis an tréimhse roinnt seachtainí anuas agus tá méadú tagtha anois ar an meán gluaisteach go dtí breis agus 300 cás sa lá.
"Rinne na hiarrachtaí a rinneamar le linn Leibhéal 5 le roinnt seachtainí anuas ráta na dteagmhas 14 lá a ísliú anuas go dtí 78 in aghaidh gach 100,000 duine den daonra, agus bhí an leitheadúlacht ghalair ab ísle san Eoraip in Éirinn agus rinne seo go leor daoine a chosaint agus saol go leor daoine a thabhairt slán, ar deireadh thiar.
"Tugann figiúirí an lae inniu le fios gur gá dúinn go léir ár dteagmhálaithe sóisialta a laghdú anois, ár n-idirghníomhú leo siúd lasmuigh dár dteaghlaigh a theorannú, na rioscaí a chur san áireamh a chruthóidh pé sóisialú a bheartaímid a dhéanamh sa dá sheachtain amach romhainn, chun gur féidir linn go léir sult a bhaint as Nollaig a bheidh chomh sábháilte agus is féidir."
Cuirtear eolas cothrom le dáta ar fáil ar Chlár Eolais COVID-19 ar phríomhtháscairí COVID-19 sa phobal.
CRÍOCH
Cásanna an lae inniu, ráta na dteagmhas 14 lá in aghaidh gach 100,000 duine den daonra agus cásanna nua le 14 lá anuas (amhail meán oíche an 12 Nollaig 2020) (bunaítear ráta na dteagmhas ar dhaonra contae de réir Dhaonáireamh 2016)
| Contae | Cásanna an lae inniu (go dtí meán oíche an 12NOL2020) | Ráta na dteagmhas 14 lá in aghaidh gach 100,000 duine den daonra (go dtí an 12NOL2020) | **Cásanna Nua le 14 lá anuas |
(go dtí an 12NOL2020)**|
| Éire | 429 | 84.3 | 4,012 |
| Dún na nGall | 46 | 219.9 | 350 |
| Cill Chainnigh | 18 | 198.5 | 197 |
| Lú | 16 | 174.6 | 225 |
| Ceatharlach | 8 | 159.8 | 91 |
| An Longfort | 11 | 144.3 | 59 |
| Muineachán | <5 | 136.8 | 84 |
| Luimneach | 30 | 133.9 | 261 |
| An Cabhán | 10 | 109 | 83 |
| Maigh Eo | 11 | 107.3 | 140 |
| Cill Mhantáin | 11 | 103.9 | 148 |
| Laois | 22 | 94.5 | 80 |
| Baile Átha Cliath | 122 | 94.3 | 1,270 |
| Tiobraid Árann | 15 | 81.5 | 130 |
| Port Láirge | <5 | 72.3 | 84 |
| Uíbh Fhailí | 10 | 68 | 53 |
| An Mhí | 15 | 60.5 | 118 |
| Gaillimh | 11 | 60.1 | 155 |
| Cill Dara | 16 | 56.6 | 126 |
| Sligeach | 8 | 48.8 | 32 |
| Ros Comáin | <5 | 44.9 | 29 |
| Loch Garman | 11 | 36.7 | 55 |
| An Clár | <5 | 32 | 38 |
| An Iarmhí | <5 | 27 | 24 |
| Corcaigh | 20 | 26.2 | 142 |
| Liatroim | <5 | 25 | 8 |
| Ciarraí | <5 | 20.3 | 30 |