Ráiteas ón bhFoireann Éigeandála Sláinte Poiblí Náisiúnta - Dé Luain, an 25 Eanáir 2021

Cuireadh an tIonad Faireachais um Chosaint Sláinte ar an eolas ar 7 mbás bhreise a bhaineann le COVID-19.

Tharla gach ceann de na básanna seo in Eanáir.

Is é 77 bliain meánaois na ndaoine siúd a fuair bás, agus is é an raon aoise idir 43 agus 94 bliain.

Tá 2,977 duine, ar an iomlán, tar éis bás a fháil in Éirinn go dtí seo a bhain le COVID-19.

Amhail meán oíche Dé Domhnaigh, an 24 Eanáir, cuireadh an IFCS ar an eolas ar 1,372 cás deimhnithe de COVID-19. Tá 188,923* cás deimhnithe, ar an iomlán, de COVID-19 ann anois in Éirinn.

(*Mar thoradh ar bhailíochtú sonraí a rinne an IFCS, rinneadh 3 chás dheimhnithe a dhífhógairt. Léirítear é seo san fhigiúr 188,923 cás deimhnithe.)

As na cásanna a cuireadh in iúl inniu:

• fir 616 díobh agus mná 751 díobh
• tá 56% díobh faoi 45 bliain d’aois
• is é 41 bliain an mheánaois
• tá 502 cás i mBaile Átha Cliath, 164 i gCorcaigh, 77 i Loch Garman, 75 i bPort Láirge, 66 i Lú agus tá an fuílleach 488 cás leata i measc na gcontaetha eile go léir

Amhail 2pm inniu, tá 1,905 othar COVID-19 san ospidéal, agus tá 219 astu siúd san aonad dianchúraim. Tugadh 58 duine sa bhreis go dtí an t-ospidéal le 24 uair an chloig anuas.

Cuirtear eolas cothrom le dáta ar fáil ar Chlár Eolais COVID-19 ar phríomhtháscairí COVID-19 sa phobal.

CRÍOCH

• is é ráta na dteagmhas 7 lá 296.3 cás
• is é an meán gluaisteach 5 lá 1,926 cás