Ráiteas ón bhFoireann Éigeandála Sláinte Poiblí Náisiúnta - Dé Luain, an 5 Aibreán 2021

Níor cuireadh aon bhásanna a bhaineann le COVID-19 in iúl don Ionad Faireachais um Chosaint Sláinte (an IFCS) inniu.

Tá 4,718 duine, ar an iomlán, tar éis bás a fháil in Éirinn go dtí seo a bhain le COVID-19.

Amhail meán oíche Dé Domhnaigh, an 4 Aibreán, cuireadh an IFCS ar an eolas ar 320 cás deimhnithe de COVID-19. Tá 238,466* cás deimhnithe, ar an iomlán, de COVID-19 ann anois in Éirinn.

Amhail an 2 Aibreán 2021, tugadh 923,878 dáileog de vacsaín COVID-19 in Éirinn:

• Tá a gcéad dáileog faighte ag 655,292 duine.
• Tá a dara dáileog faighte ag 268,586 duine.

Cuirtear eolas cothrom le dáta ar fáil ar Chlár Eolais COVID-19 ar phríomhtháscairí COVID-19 sa phobal, sonraí laethúla san áireamh faoi Chlár Vacsaínithe COVID-19 na hÉireann.

CRÍOCH

• Mar thoradh ar bhailíochtú sonraí a rinne an IFCS, rinneadh 2 chás dheimhnithe a dhífhógairt. Léirítear é seo san fhigiúr 238,466 cás deimhnithe.