Ráiteas ón bhFoireann Éigeandála Sláinte Poiblí Náisiúnta - Dé Sathairn, an 27 Feabhra 2021

Cuireadh an tIonad Faireachais um Chosaint Sláinte ar an eolas inniu ar 13 bhás bhreise a bhaineann le COVID-19.

Tharla 10 de na básanna seo i bhFeabhra, tharla 1 bhás in Eanáir, tharla 1 bhás i nDeireadh Fómhair agus tá imscrúdú á dhéanamh go fóill ar 1 bhás go fóill.

Is é 81 bliain meánaois na ndaoine siúd a fuair bás, agus ba é an raon aoise idir 55 agus 92 bliain.

Tá 4,313 duine, ar an iomlán, tar éis bás a fháil in Éirinn go dtí seo a bhain le COVID-19.

Amhail meán oíche Dé hAoine, an 26 Feabhra, cuireadh an IFCS ar an eolas ar 738 cás deimhnithe de COVID-19. Tá 218,980* cás deimhnithe, ar an iomlán, de COVID-19 ann anois in Éirinn.

(*Mar thoradh ar bhailíochtú sonraí a rinne an IFCS, rinneadh 9 gcás dheimhnithe a dhífhógairt. Léirítear é seo san fhigiúr 218,980 cás.)

As na cásanna a cuireadh in iúl inniu:

• fir 356 díobh agus mná 378 díobh
• tá 71% díobh faoi 45 bliain d’aois
• is é 32 bliain an mheánaois
• tá 311 cás i mBaile Átha Cliath, 54 i Luimneach, 36 i gCorcaigh, 34 in Uíbh Fhailí, 33 i nDún na nGall agus tá an fuílleach 270 cás leata i measc 20 contae eile

Amhail 8am inniu, tá 550 othar COVID-19 san ospidéal, agus tá 135 astu siúd san aonad dianchúraim. Tugadh 27 duine sa bhreis go dtí an t-ospidéal le 24 uair an chloig anuas.

Amhail an 24 Feabhra, tugadh 391,355 dáileog de vacsaín COVID-19 in Éirinn:

• tá a gcéad dáileog faighte ag 254,948 duine
• tá a dara dáileog faighte ag 136,407 duine

Cuirtear eolas cothrom le dáta ar fáil ar Chlár Eolais COVID-19 ar phríomhtháscairí COVID-19 sa phobal, sonraí laethúla san áireamh faoi Chlár Vacsaínithe COVID-19 na hÉireann.

• is é ráta na dteagmhas 7 lá 97.3 cás
• is é an meán gluaisteach 5 lá 655