Ráiteas ón bhFoireann Éigeandála Sláinte Poiblí Náisiúnta - Déardaoin, an 21 Bealtaine 2020

Cuireadh an tIonad Faireachais um Chosaint Sláinte (an IFCS) ar an eolas inniu go bhfuil bás faighte ag 12 dhuine, ar an iomlán, mar gheall ar COVID-19.

Tá 1,583 duine, ar an iomlán, tar éis bás a fháil in Éirinn go dtí seo a bhain le COVID-19.

Amhail 11am Déardaoin, an 21 Bealtaine, cuireadh an IFCS ar an eolas ar 76 cás nua deimhnithe de COVID-19. Tá 24,391 cás deimhnithe, ar an iomlán, de COVID-19 ann anois in Éirinn.

Tá FSS ag oibriú chun aon teagmhálacha a d’fhéadfadh na hothair a dhéanamh a shainaithint chun eolas agus comhairle a sholáthar dóibh chun cosc a chur ar an víreas a scaipeadh níos mó.

Tugann sonraí an lae inniu ón IFCS amhail meán oíche, Dé Máirt, an 19 Bealtaine (24,274 cás), an méid seo a leanas le fios:

• mná 57% díobh agus fir 43% díobh.
• is é 48 bliain meánaois na gcásanna deimhnithe
• tugadh 3,183 cás (13%) go dtí an t-ospidéal
• astu siúd a tugadh chuig an ospidéal, tugadh 392 cás go dtí an tAonad Dianchúraim
• baineann 7,747 cás le hoibrithe cúram sláinte
• tá an méid is airde cásanna i mBaile Átha Cliath (11,765 cás, 49% de na cásanna go léir), tá an dara méid is airde cásanna i gCill Dara (1,386 cás, nó 6%) agus tá an tríú méid is airde cásanna i gCorcaigh (1,381 cás, nó 6%)
• astu siúd arb eol a stádas tarchuir: is ionann tarchur pobail agus 60%, is ionann teagmháil dhlúth agus 37%, is ionann taisteal thar lear agus 3%

Dúirt an Dr Ronan Glynn, an Leas-Phríomhoifigeach Leighis, an Roinn Sláinte: “Cuireadh ar an eolas sinn ar mhéid ní ba lú ná 100 cás nua deimhnithe in Éirinn le 6 lá anuas. Tá seo an-dearfach agus taispeánann sé an méid a chuir gníomhartha an phobail teorainn ar scaipeadh an ghalair seo. Ní éireoidh linn leanúint le scaipeadh COVID-19 tríd an bpobal a chur faoi chois, áfach, ach trí bheith tiomanta i gcónaí do níochán lámh, béasaíocht riospráide agus scaradh fisiciúil.”

Dúirt an tOllamh Philip Nolan, Cathaoirleach Ghrúpa Comhairleach Samhaltaithe Eipidéimeolaíochta na hÉireann de chuid an FÉSPN; “Leanann feabhas ag teacht ar fhormhór na dtáscairí, agus leanann an líon daoine atá á dtabhairt go dtí an t-aonad dianchúraim agus an t-ospidéal, an líon cásanna sa lá agus an líon básanna sa lá ag laghdú. Tá leitheadúlacht an víris sa phobal íseal go fóill. Tá an uimhir atáirgthe go mór faoi bhun a haon, agus is é an tasc atá againn, mar sin, chun tarchur an víris a choimeád íseal.”